တန်ဖိုးမျှတ အိမ်ရာ လျှောက်ထားမှုတွင် တစ်ဦးတည်းမှ အကြိမ်ကြိမ် လျှောက်ထားသူ (၁၀၀၀) ကျော် ပါဝင်နေ

ရန်ကုန်မြို့ တန်ဖိုးမျှတ အိမ်ရာ လျှောက်ထားသူများ ထဲတွင် လူတစ်ဦးတည်းမှ အကြိမ်ကြိမ် ထပ်မံ လျှောက်ထားသူ တစ်ထောင်ကျော် ပါဝင် နေကြောင်း ရန်ကုန်မြို့တော် စည်ပင်သာယာရေး ကော်မတီထံမှ သိရသည်။ ကွန်ပျူတာနဲ့ စိစစ်လိုက်တဲ့ အခါမှာ တွေ့ရတာ။ အဲဒီလို ပိုလျှောက်တဲ့ သူတွေရဲ့ လျှောက်လွှာတွေကို ပယ်သွား မှာပါ ဟု ရန်ကုန်မြို့တော် စည်ပင်သာယာရေး ကော်မတီမှ အဆင့်မြင့် အရာရှိ တစ်ဦးက ပြောသည်။

ယင်းကဲ့သို့ တစ်ဦးတည်းမှ နှစ်ကြိမ် သုံးကြိမ် လျှောက်ထားသူ များကြောင့် အမှန်တကယ် အိမ်ရာ လိုအပ်နေသူများ အတွက် နစ်နာမှုများ ရှိလာနိုင်၍ နောင်တွင် မည်သူမဆို လျှောက်ထားခြင်းအား တစ်ကြိမ်သာ ပြုလုပ် သင့်ကြောင်း ၎င်းက ဆက်ပြောသည်။ လက်ရှိ ရောင်းချပေးနေသည့် ဗိုလ်ဗထူး အိမ်ရာနှင့် ဗိုလ်မင်းရောင် အိမ်ရာတို့အား လျှောက်ထားသူ (၆၈၂၅၈) ဦးတွင် မဲပေါက်သူ (၆၆၆၀၅ )ဦးခန့်ရှိပြီး၊ ကျန်ရှိသည့် လျှောက်ထား သူများမှာ မဲပေါက်ခြင်း မရှိသူများ ဖြစ်ကြောင်း သိရသည်။

စီးပွားဖြစ် လုပ်တဲ့ သူတွေကို တကယ်တော့ အရေးယူသင့်တယ်။ သူတို့တွေ လုပ်ရပ်ကြောင့် တကယ် လိုအပ်တဲ့ သူတွေ အတွက် ထိခိုက်တယ် ဟု ဗိုလ်မင်းရောင် အိမ်ရာ လျှောက်ထားသူ ကုမ္ပဏီ ၀န်ထမ်း မသန္တာဦး က ပြောသည်။ တန်ဖိုးမျှတ အိမ်ရာ လျှောက်ထားရာတွင် နှစ်ကြိမ် သုံးကြိမ် လျှောက်ထားသူ များအား အရေးယူမှု မရှိသော်လည်း လျှောက်ထားသည့် လျှောက်လွှာ များကို ပယ်ဖျက် လိုက်ကြောင်း ရန်ကုန်မြို့တော် စည်ပင် သာယာရေး ကော်မတီ ထံမှ သိရသည်။ ရန်ကုန် တိုင်းဒေသကြီး အတွင်း အိမ်ရာ လိုအပ်ချက်များ ဖြည့်ဆည်း နိုင်ရန် ထပ်မံ၍ ရွှေပြည်သာ၊ မြောက်ဥက္ကလာပနှင့် ဒဂုံအရှေ့ စသည် မြို့နယ်များတွင် တန်ဖိုးနည်း အိမ်ရာ၊ တန်ဖိုးမျှတ အိမ်ရာ စသည်တို့ကို ထပ်မံ အကောင်အထည်ဖော် ဆောင်ရွက်နေကြောင်း သိရသည်။

Credit: messenger