ထိုင်းတွင် ကာလကြာရှည်နေထိုင်ခဲ့သူပေါင်း ၄၈၃၀၀၀ ဦးကို နိုင်ငံသားဖြစ်ခွင့်ပေးရန် ထိုင်းအစိုးရက အတည်ပြု၊ ထိုလူဦးရေအားလုံးကို အချက်အလက်စစ်ဆေးရန်မှာ ၄၄ နှစ်ခန့် ကြာမည်ဟုဆို

4 Nov 2024 11:53 am တွင် တင်ခဲ့သည်

648 ကြိမ် ကြည့်ရှု့ပြီး

ပြည်ပ အိမ်ခြံမြေ သတင်း | Posted by ဇာနည်ကျော်

ထိုင်းအစိုးရသည် ထိုင်းတွင် ကာလကြာရှည်နေထိုင်ခဲ့သူပေါင်း ၄၈၃၀၀၀ ဦးကို နိုင်ငံသားဖြစ်ခွင့်ပေးရန် အတည်ပြုလိုက်ပြီး ပြည်ထဲရေးဝန်ကြီးဌာနက ရက်ပေါင်း ၆၀ အတွင်း အကောင်အထည်ဖော်ဆောင်ရွက်ရန် လွှဲအပ်လိုက်သည်။

ယခုကဲ့သို့ နိုင်ငံသားဖြစ်ခွင့်ပေးခြင်းအားဖြင့် ထိုင်းစီးပွားရေးကို လှုံ့ဆော်မှုပေးနိုင်ရန် မျှော်မှန်းထားသည်။

ထိုင်းအစိုးရ ပြောရေးဆိုခွင့်ရပုဂ္ဂိုလ် ကျီရာယု ဟွန်ဆာ့ပ် (Jirayu Huangsap) က ၂၀၂၄ ခုနှစ်၊ အောက်တိုဘာ ၂၉ ရက် အစိုးရအဖွဲ့အစည်းအဝေးအပြီးတွင် ယခုကဲ့သို့ ကြေညာလိုက်ခြင်း ဖြစ်သည်။

အမျိုးသားလုံခြုံရေးကောင်စီ (NSC) က နိုင်ငံသားဖြစ်မှု မြန်ဆန်ရေးအတွက် သတ်မှတ်ချက်များကို အတည်ပြုပေးရန်၊ ထိုင်းတွင် ကာလကြာရှည်နေထိုင်ခဲ့သော ရွှေ့ပြောင်းအခြေချသူများနှင့် ထိုင်းတွင် မွေးဖွားသော ၎င်းတို့၏ သားသမီးများအရေး အဖြေရှာရန် အစိုးရအဖွဲ့ကို အဆိုပြုချက်ပေးခဲ့ခြင်း ဖြစ်သည်။

လက်ရှိအားဖြင့် ထိုင်းတွင် ကာလကြာရှည် အခြေချနေထိုင်ခဲ့သူ အုပ်စု ၃ မျိုးရှိသည်။ ပထမအုပ်စုမှာ ၁၉၈၄ ခုနှစ်မှ ၁၉၉၉ ခုနှစ်ကြား ရောက်ရှိအခြေချခဲ့ကြသူများဖြစ်ပြီး လူဦးရေ ၁၂၀,၀၀၀ ခန့် ရှိသည်။

ဒုတိယအုပ်စုမှာ ၂၀၀၅ မှ ၂၀၁၁ ခုနှစ်ကြား ရောက်ရှိအခြေချခဲ့သူများဖြစ်ပြီး လူဦးရေ ၂၁၅၀၀၀ ခန့် ရှိသည်။

မြောက်ဒဂုံ(၃၈)ရပ်ကွက်/ပြည်ထောင်စုလမ်းမကြီးအနီး

13,500 သိန်း (ကျပ်)

မြောက်ဒဂုံ | ရန်ကုန်တိုင်းဒေသကြီး

ရွှေတောင်ကြားထဲက 𝐃𝐢𝐚𝐦𝐨𝐧𝐝 𝐇𝐢𝐥𝐥 𝐑𝐞𝐬𝐢𝐝𝐞𝐧𝐜𝐞 အရောင်း🌿🌿

16,500 သိန်း (ကျပ်)

ဗဟန်း | ရန်ကုန်တိုင်းဒေသကြီး

မြောက်ဒဂုံမြို့နယ် ရွှေပင်လုံလမ်းမပေါ်မှာ ရှိတဲ့ လုံးချင်းနှစ်ထပ် အရောင်း ✨

28,000 သိန်း (ကျပ်)

မြောက်ဒဂုံ | ရန်ကုန်တိုင်းဒေသကြီး

(ဓာတ်ပုံ-UNICEF Thailand)

တတိယအုပ်စုတွင် ထိုင်းတွင် မွေးဖွားသော တိုင်းရင်းသား လူနည်းစုတို့၏ ကလေးငယ် ၂၉၀၀၀ ခန့် ဖြစ်သည်။

စတုတ္ထအုပ်စုတွင် မှတ်ပုံတင်အထောက်အထားမရှိဘဲ ထိုင်းသို့ ရောက်ရှိနေသူများ၏ ထိုင်းတွင်မွေးသော ကလေးငယ်များဖြစ်ပြီး ဦးရေ ၁၁၃၀၀၀ ခန့်ရှိကာ စုစုပေါင်းအားဖြင့် လူဦးရေ ၄၈၃၀၀၀ ဖြစ်သည်။

ထိုလူဦးရေ ၄၈၃၀၀၀ ကို စိစစ်ရန်မှာ ၄၄ နှစ်ခန့် ကြာမြင့်နိုင်ကြောင်း ထိုင်းအစိုးရက ခန့်မှန်းထားသည်။

ယခုကဲ့သို့ နိုင်ငံသားဖြစ်ခွင့်ပေးမှုကြောင့် အကျိုးသက်ရောက်မှုများ ရိုက်ခတ်လာနိုင်မှုအပေါ် စိုးရိမ်မကင်းဖြစ်နေသူများလည်း ရှိသည်။

ထိုင်းအစိုးရက နိုင်ငံသားဖြစ်ခွင့်ကို မူအရ အတည်ပြုလိုက်ပြီးနောက် ရက်ပေါင်း ၃၀ မှ ၆၀ အတွင်း အသေးစိတ် အကောင်အထည်ဖော်ရေးကိစ္စကို ပြည်ထဲရေးဝန်ကြီးဌာနထံ လွှဲအပ်လိုက်သည်။

ထိုင်းတွင် ကာလကြာရှည်နေထိုင်ခဲ့သော ၄၈၃၀၀၀ ဦးသည် ပုံမှန်အတိုင်း အလုပ်လုပ်နိုင်ကြမည်ဖြစ်ပြီး အရေးကြီးသော စာရွက်စာတမ်းများလည်းရရှိလာကြမည်ဖြစ်ကြောင်း ကျီရာယုက ပြောသည်။

ယခုကဲ့သို့ နိုင်ငံသားဖြစ်ခွင့်ပေးလိုက်ခြင်းကြောင့် လွတ်လပ်စွာ သွားလာခွင့်ရလာခြင်း၊ စီးပွားရေးကို လှုံ့ဆော် ပေးနိုင်ခြင်း၊ ထိုသူများ မည်သည့်နေရာတွင် ရှိနေသည်ကို မှန်ကန်စွာ မှတ်တမ်းတင်လာနိုင်ခြင်း အစရှိသည့် အကျိုးများရရှိလာမည့်အပြင် အခြားကဏ္ဍများစွာတွင်လည်း အကျိုးရှိလာမည်ဟု မျှော်လင့်ထားသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Cabinet Approves Thai Citizenship for 483,000 Long-term Immigrants (khaosod)

Photo Credit: UNICEF Thailand /Matichon Photo

Share on Facebook

Share on Twitter