ပြည်ပ အိမ်ခြံမြေ သတင်း | Posted by အေးမြတ်သူ
ထာနင်း ကျီယာ ရာဝါးနွန်း (Dhanin Chearavanont) (မွေး ၁၉၃၉) ကို တရုတ်အမည်အားဖြင့် ရှဲ့ကောမင်ဟုလည်း ခေါ်ကြသည်။
တရုတ်လူမျိုး ၊ ထိုင်းဘီလျံနာသူဌေးကြီးဖြစ်ပြီး ဘန်ကောက်မြို့တွင် အခြေချနေထိုင်သည်။
ကျီယာ ရာဝါးနွန်းသည် ထိုင်းနိုင်ငံ၏ အကြီးမားဆုံးသော ပုဂ္ဂလိကပိုင် ကုမ္ပဏီကြီးဖြစ်သည့် CP (Charoen Pokhand) ၏ ဥက္ကဌဖြစ်သည်။
ရာဝါးနွန်းသည် Chearavanont မိသားစုကြီး၏ အကြီးအကဲဖြစ်ပြီး Forbes Asia က ဖော်ပြခဲ့သော ၂၀၁၇ ခုနှစ် အချက်အလက်များအရ Chearavanont မိသားစုသည် အာရှတိုက်၏ စတုတ္ထအချမ်းသာဆုံး မိသားစုဖြစ်ပြီး ကန်ဒေါ်လာ ၃၆ ဒသမ ၆ ဘီလီယံ ကြွယ်ဝသည်ဟု ဆိုသည်။
Forbes မဂ္ဂဇင်းကြီး၏ World’s Billionaire 2025 စာရင်းတွင် CP ၏ ဥက္ကဌ ကျီယာ ရာဝါးနွန်းမှာ ကြွယ်ဝမှု ကန်ဒေါ်လာ ၅ ဒသမ ၂ ဘီလီယံဖြင့် ထိုင်း၏ အချမ်းသာဆုံးပုဂ္ဂိုလ်အဖြစ် ရပ်တည်နေသည်။
ကျီယာ ရာဝါးနွန်း၏ ငယ်ဘဝနှင့် နေထိုင်ကြီးပြင်းခဲ့သော နေအိမ်အကြောင်းကို iMyanmarHouse.com ဝက်ဘ်ဆိုက်ကြီးတွင် ရေးသားဖော်ပြခဲ့ပြီး ဖြစ်ပါသည်။ ပြန်လည်ဖတ်ရှုလိုပါက အောက်ဖော်ပြပါ အင်တာနက် လင့်ခ်တွင် ဖတ်ရှုနိုင်ပါသည်။
► ကျောက်ဖယားမြစ်ကမ်းမှ မျိုးစေ့ဆိုင်လေး၏ ဒဏ္ဍာရီ
https://www.imyanmarhouse.com/news/read/1046324
Forbes မဂ္ဂဇင်းကြီးက ဖော်ပြသော ကမ္ဘာ့အချမ်းသာဆုံး ဘီလျံနာ ၃၀၂၈ ဦးတွင် ကျီယာ ရာဝါးနွန်းမှာ နံပါတ် ၁၄၁ တွင် ရပ်တည်နေသည်။
ထိုစာရင်းအရ အမေရိကန်ပြည်တွင် ဘီလျံနာ ၉၀၂ ဦး၊ တရုတ်ပြည်တွင် ၅၁၆ ဦး (ဟောင်ကောင် အပါအဝင်)၊ အိန္ဒိယတွင် ၂၀၅ ဦးနှင့် ထိုင်းတွင် ၂၅ ဦးရှိသည်ဟု ဆိုသည်။
Forbes မဂ္ဂဇင်းကြီး၏ ဖော်ပြချက်တွင် တစ်ကမ္ဘာလုံးအတိုင်းအတာအရ ကန်ဒေါ်လာ ၁၀၀ ဘီလီယံအထက် ချမ်းသာသောပုဂ္ဂိုလ် ၁၅ ဦး ရှိကြောင်း သိရသည်။
ထိုင်းနိုင်ငံ၏ အချမ်းသာဆုံးပုဂ္ဂိုလ်များစာရင်းတွင် အသက် ၈၅ နှစ်အရွယ်ရှိ ကျီယာ ရာဝါးနွန်းပြီးလျှင် Gulf Development Plc ၏ စီအီးအိုဖြစ်သူ ဆာရတန် ရတနာပါတိ (Sarat Ratanapati) မှာ ကြွယ်ဝမှု ကန်ဒေါ်လာ ၂ ဒသမ ၉ ဘီလီယံဖြင့် ဒုတိယနေရာတွင်လည်းကောင်း၊ Thai Beverage Plc ၏ ဥက္ကဌဖြစ်သူ ချာရိုအန် သီရိဝါသနဘက်ဒီ (Charoen Sirivathanabhakdi) မှာ ကြွယ်ဝမှု ကန်ဒေါ်လာ ၁ ဒသမ ၇၂ ဘီလီယံဖြင့် တတိယ နေရာတွင်လည်းကောင်း အသီးသီး ရပ်တည်နေသည်။
ထိုင်းဝန်ကြီးချုပ်ဟောင်း သက်ဆင် ရှင်နာဝပ်ထရာမှာ ထိုင်း၏ အချမ်းသာဆုံးပုဂ္ဂိုလ်များစာရင်းတွင် နံပါတ် ၁၅ နေရာတွင် ရပ်တည်နေပြီး ကမ္ဘာ့အဆင့်တွင် ၁၆၈၈ နေရာ၌ ရပ်တည်နေကာ သူ၏ ကြွယ်ဝမှုမှာ ကန်ဒေါ်လာ ၂ ဒသမ ၁ ဘီလီယံ ဖြစ်သည်။
Tesla ကို တည်ထောင်သူ Elon Musk မှာ ကြွယ်ဝမှု ကန်ဒေါ်လာ ၃၄၂ ဘီလီယံဖြင့် ကမ္ဘာ့အချမ်းသာဆုံး ပုဂ္ဂိုလ်အဖြစ် ရပ်တည်နေသည်။
၎င်း၏ နောက်တွင် Facebook မှ Mark Zuckerberg က ကြွယ်ဝမှု ကန်ဒေါ်လာ ၂၁၆ ဘီလီယံဖြင့် လည်းကောင်း၊ Amazon မှာ Jeff Bezos မှာ ကြွယ်ဝမှု ကန်ဒေါ်လာ ၂၁၅ ဘီလီယံဖြင့်လည်းကောင်း အသီးသီး ရှိနေသည်။
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref:
