La La Land ဖြင့် အော်စကာဆုရခဲ့သူ အင်မာစတုန်း၏စံအိမ် တစ်ပတ်အတွင်းရောင်းထွက်

[Unicode]

(အင်မာစတုရန်း၏ မာလီဘူးစံအိမ်မှာ ခေါ်ဈေးထက်များပြားသောဈေးဖြင့် ရောင်းထွက်ခဲ့သည်)

အင်မာစတုန်း (မွေး ၁၉၈၈) သည် အမေရိကန်ရုပ်ရှင်မင်းသမီးတစ်ဦးဖြစ်ပြီး အော်စကာဆု ၁ ဆု၊ ဗြိတိသျှ အကယ်ဒမီဆု ၁ ဆု၊ ရွှေကမ္ဘာလုံး ၁ ဆုအပြင် ဆုပေါင်းများစွာ ရရှိထားသူ ဖြစ်သည်။

ကမ္ဘာ့အနုပညာကြေးအမြင့်ဆုံး ရုပ်ရှင်မင်းသမီးများတွင် တစ်ဦးပါဝင်ပြီး တိုင်းမ်မဂ္ဂဇင်းကြီး၏ ကမ္ဘာ့သြဇာအလွှမ်းဆုံးပုဂ္ဂိုလ် ၁၀၀ စာရင်းတွင် ထည့်သွင်းဖော်ပြခံရဖူးသည်။

၂၀၁၆ ခုနှစ်က ရုံတင်ပြသခဲ့သော အချစ်ဂီတဇာတ်ကား La La Land တွင် ပါဝင်သရုပ်ဆောင်ခဲ့မှုဖြင့် အကောင်းဆုံးဇာတ်ဆောင်မင်းသမီးအဖြစ် အော်စကာဆု ရရှိခဲ့သည်။

အင်မာစတုန်းသည် ကယ်လီဖိုးနီးယားပြည်နယ်၊ မာလီဘူးရှိ ကမ်းခြေစံအိမ်ကို ၂၀၁၈ ခုနှစ်ကတည်းက ပိုင်ဆိုင်ထားခဲ့ခြင်းဖြစ်ပြီး အရောင်းဈေးကွက်တင်ပြီး တစ်ပတ်အတွင်း အရောင်းစာချုပ်ချုပ်နိုင်ခဲ့ခြင်းလည်း ဖြစ်သည်။

ဝေါစထရိဂျာနယ်၏ ဖော်ပြချက်အရ အသက် ၃၃ နှစ်အရွယ်ရှိ အင်မာစတုန်းသည် အိပ်ခန်း ၃ ခန်းပါ စံအိမ်ကို ကန်ဒေါ်လာ ၄ ဒသမ ၄၂ သန်းဖြင့် ရောင်းချခဲ့ခြင်းဖြစ်ပြီး မေလတွင် ဈေးကွက်တင်ခဲ့စဉ်က ခေါ်ဈေးဖြစ်သော ကန်ဒေါ်လာ ၄ ဒသမ ၂၉ သန်းထက် ပိုမိုဈေးရခဲ့ကြောင်း ဖော်ပြသည်။

ဝယ်လက် ၅ ဦးထံမှ ကမ်းလှမ်းမှုရရှိခဲ့ကြောင်း သိရပြီး ယခုဝယ်ယူသွားသောပိုင်ရှင်သစ် မည်သူဖြစ်သည်ကိုမူ မသိရချေ။

အင်မာစတုန်းက အဆိုပါစံအိမ်ကို ကန်ဒေါ်လာ ၃ ဒသမ ၂၅ သန်းဖြင့် ဝယ်ယူခဲ့ခြင်း ဖြစ်သည်။

ပင်လယ်ကမ်းပါးပြတ်ထိပ်တွင်တည်ရှိကာ ပစိဖိတ်သမုဒ္ဒရာ၏ ရှုမျှော်ခင်းများကို တွေ့မြင်နေရသည်။

တစ်ထပ်အဆောက်အအုံဖြစ်ပြီး လူနေကြမ်းခင်းဧရိယာ ၁၈၀၀ စတုရန်းပေရှိကာ ခြံအကျယ် ၃ ဒသမ ၂ ဧကခန့် ရှိသည်။

အခန်းအများစုမှတဆင့် ပင်လယ်ရေပြင်ကို တွေ့မြင်ရသည့်မြင်ကွင်း ပိုင်ဆိုင်ထားသည်။

(အင်မာစတုန်းက ယခုစံအိမ်ကို ၂၀၁၈ ခုနှစ်ကတည်းက ပိုင်ဆိုင်ထားခြင်း ဖြစ်သည်။ Getty Images)

(ခေတ်မီသော ဧည့်ခန်းနေရာတွင် ထုတ်တန်းများတွေ့မြင်နေရသော မျက်နှာကြက်၊ မီးလင်းဖိုနှင့် နားနေရန် နေရာများစွာ တွေ့ရသည်)

(မီးဖိုဆောင်နေရာကို မကြာသေးမီကမှ ပြန်လည်မွမ်းမံထားသည်)

(စံအိမ်အတွင်း အိပ်ခန်း ၃ ခန်း ပါဝင်သည်)

(ခေတ်မီမွမ်းမံမှုဖြင့် ရေချိုးခန်း ၁ ခန်း)

(အခန်းအများစုမှတဆင့် ပစိဖိတ်သမုဒ္ဒရာကို တွေ့မြင်နိုင်သည်)

(အရိပ်အာဝါသကောင်းသော ခြံတွင်းနားနေ နေရာ)

“ကန်ဒေါ်လာ ၅ သန်းအောက်နဲ့ ဘယ်နေရာမှာ ဒါမျိုးရနိုင်လဲ။ ကံကောင်းပါတယ်။ ဒါမျိုးမရှိနိုင်ပါဘူး”ဟု အရောင်းဈေးကွက်တင်ပေးသည့် Sotheby’s International Realty မှ အကျိုးဆောင် Eric Lavey က ဝေါစထရိဂျာနယ်သို့ ပြောသည်။

အင်မာစတုန်းက ယခုစံအိမ်ကို အဘယ်ကြောင့် ရောင်းချခဲ့သည်ကိုမူ မသိရချေ။

သို့သော် ယခုစံအိမ်မှာ သူပိုင်ဆိုင်သည့် တစ်ခုတည်းသောစံအိမ်ကား မဟုတ်။

လော့စ်အိန်ဂျလိ၊ နယူးယောက်နှင့် တက္ကဆပ်ပြည်နယ်၊ အော်စတင်မြို့တို့တွင်လည်း အင်မာစတုန်းပိုင်ဆိုင်ထားသည့် စံအိမ်များ ရှိသည်။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Emma Stone’s $4.4M Malibu home finds a buyer in almost no time (nypost)

[Zawgyi]

La La Land ျဖင့္ ေအာ္စကာဆုရခဲ့သူ အင္မာစတုန္း၏စံအိမ္ တစ္ပတ္အတြင္းေရာင္းထြက္

(အင္မာစတုရန္း၏ မာလီဘူးစံအိမ္မွာ ေခၚေစ်းထက္မ်ားျပားေသာေစ်းျဖင့္ ေရာင္းထြက္ခဲ့သည္)

အင္မာစတုန္း (ေမြး ၁၉၈၈) သည္ အေမရိကန္ရုပ္ရွင္မင္းသမီးတစ္ဦးျဖစ္ျပီး ေအာ္စကာဆု ၁ ဆု၊ ျဗိတိသွ် အကယ္ဒမီဆု ၁ ဆု၊ ေရႊကမၻာလံုး ၁ ဆုအျပင္ ဆုေပါင္းမ်ားစြာ ရရွိထားသူ ျဖစ္သည္။

ကမၻာ့အႏုပညာေၾကးအျမင့္ဆံုး ရုပ္ရွင္မင္းသမီးမ်ားတြင္ တစ္ဦးပါဝင္ျပီး တုိင္းမ္မဂၢဇင္းၾကီး၏ ကမၻာ့ၾသဇာအလႊမ္းဆံုးပုဂၢိဳလ္ ၁၀၀ စာရင္းတြင္ ထည့္သြင္းေဖာ္ျပခံရဖူးသည္။

၂၀၁၆ ခုႏွစ္က ရံုတင္ျပသခဲ့ေသာ အခ်စ္ဂီတဇာတ္ကား La La Land တြင္ ပါဝင္သရုပ္ေဆာင္ခဲ့မႈျဖင့္ အေကာင္းဆံုးဇာတ္ေဆာင္မင္းသမီးအျဖစ္ ေအာ္စကာဆု ရရွိခဲ့သည္။

အင္မာစတုန္းသည္ ကယ္လီဖုိးနီးယားျပည္နယ္၊ မာလီဘူးရွိ ကမ္းေျခစံအိမ္ကို ၂၀၁၈ ခုႏွစ္ကတည္းက ပိုင္ဆိုင္ထားခဲ့ျခင္းျဖစ္ျပီး အေရာင္းေစ်းကြက္တင္ျပီး တစ္ပတ္အတြင္း အေရာင္းစာခ်ဳပ္ခ်ဳပ္ႏိုင္ခဲ့ျခင္းလည္း ျဖစ္သည္။

ေဝါစထရိဂ်ာနယ္၏ ေဖာ္ျပခ်က္အရ အသက္ ၃၃ ႏွစ္အရြယ္ရွိ အင္မာစတုန္းသည္ အိပ္ခန္း ၃ ခန္းပါ စံအိမ္ကို ကန္ေဒၚလာ ၄ ဒသမ ၄၂ သန္းျဖင့္ ေရာင္းခ်ခဲ့ျခင္းျဖစ္ျပီး ေမလတြင္ ေစ်းကြက္တင္ခဲ့စဥ္က ေခၚေစ်းျဖစ္ေသာ ကန္ေဒၚလာ ၄ ဒသမ ၂၉ သန္းထက္ ပိုမိုေစ်းရခဲ့ေၾကာင္း ေဖာ္ျပသည္။

ဝယ္လက္ ၅ ဦးထံမွ ကမ္းလွမ္းမႈရရွိခဲ့ေၾကာင္း သိရျပီး ယခုဝယ္ယူသြားေသာပိုင္ရွင္သစ္ မည္သူျဖစ္သည္ကိုမူ မသိရေခ်။

အင္မာစတုန္းက အဆိုပါစံအိမ္ကို ကန္ေဒၚလာ ၃ ဒသမ ၂၅ သန္းျဖင့္ ဝယ္ယူခဲ့ျခင္း ျဖစ္သည္။

ပင္လယ္ကမ္းပါးျပတ္ထိပ္တြင္တည္ရွိကာ ပစိဖိတ္သမုဒၵရာ၏ ရႈေမွ်ာ္ခင္းမ်ားကို ေတြ႔ျမင္ေနရသည္။

တစ္ထပ္အေဆာက္အအံုျဖစ္ျပီး လူေနၾကမ္းခင္းဧရိယာ ၁၈၀၀ စတုရန္းေပရွိကာ ျခံအက်ယ္ ၃ ဒသမ ၂ ဧကခန္႔ ရွိသည္။

အခန္းအမ်ားစုမွတဆင့္ ပင္လယ္ေရျပင္ကို ေတြ႔ျမင္ရသည့္ျမင္ကြင္း ပိုင္ဆိုင္ထားသည္။

(အင္မာစတုန္းက ယခုစံအိမ္ကို ၂၀၁၈ ခုႏွစ္ကတည္းက ပိုင္ဆိုင္ထားျခင္း ျဖစ္သည္။ Getty Images)

(ေခတ္မီေသာ ဧည့္ခန္းေနရာတြင္ ထုတ္တန္းမ်ားေတြ႔ျမင္ေနရေသာ မ်က္ႏွာၾကက္၊ မီးလင္းဖိုႏွင့္ နားေနရန္ ေနရာမ်ားစြာ ေတြ႔ရသည္)

(မီးဖိုေဆာင္ေနရာကို မၾကာေသးမီကမွ ျပန္လည္မြမ္းမံထားသည္)

(စံအိမ္အတြင္း အိပ္ခန္း ၃ ခန္း ပါဝင္သည္)

(ေခတ္မီမြမ္းမံမႈျဖင့္ ေရခ်ဳိးခန္း ၁ ခန္း)

(အခန္းအမ်ားစုမွတဆင့္ ပစိဖိတ္သမုဒၵရာကို ေတြ႔ျမင္ႏိုင္သည္)

(အရိပ္အာဝါသေကာင္းေသာ ျခံတြင္းနားေန ေနရာ)

“ကန္ေဒၚလာ ၅ သန္းေအာက္နဲ႔ ဘယ္ေနရာမွာ ဒါမ်ဳိးရႏိုင္လဲ။ ကံေကာင္းပါတယ္။ ဒါမ်ဳိးမရွိႏိုင္ပါဘူး”ဟု အေရာင္းေစ်းကြက္တင္ေပးသည့္ Sotheby’s International Realty မွ အက်ဳိးေဆာင္ Eric Lavey က ေဝါစထရိဂ်ာနယ္သို႔ ေျပာသည္။

အင္မာစတုန္းက ယခုစံအိမ္ကို အဘယ္ေၾကာင့္ ေရာင္းခ်ခဲ့သည္ကိုမူ မသိရေခ်။

သို႔ေသာ္ ယခုစံအိမ္မွာ သူပိုင္ဆိုင္သည့္ တစ္ခုတည္းေသာစံအိမ္ကား မဟုတ္။

ေလာ့စ္အိန္ဂ်လိ၊ နယူးေယာက္ႏွင့္ တကၠဆပ္ျပည္နယ္၊ ေအာ္စတင္ျမိဳ႕တို႔တြင္လည္း အင္မာစတုန္းပိုင္ဆိုင္ထားသည့္ စံအိမ္မ်ား ရွိသည္။

ေရာင္းရန္အိမ္ၿခံေျမမ်ားကို သင္စိတ္တိုင္းက် ရွာေဖြရန္အတြက္ ဤေနရာကို ႏွိပ္ပါ။

ငွားရန္အိမ္ၿခံေျမမ်ားကို သင္စိတ္တိုင္းက် ရွာေဖြရန္အတြက္ ဤေနရာကို ႏွိပ္ပါ။

(iMyanmarHouse.com Team မွ ေရးသား ေဖာ္ျပသည္။)

Credit: iMyanmarHouse.com

Ref: Emma Stone’s $4.4M Malibu home finds a buyer in almost no time (nypost)