ဂန်ဆောဟု လူသိများသော ကိုရီးယား ရုပ်ရှင်မင်းသမီး Kang Seo Ha အစာအိမ်ကင်ဆာ အဆင့် ၄ ဖြင့် ကွယ်လွန်ရှာ

တောင်ကိုရီးယား ရုပ်ရှင်မင်းသမီး Kang Seo Ha သည် ကင်ဆာရောဂါဖြင့် ကွယ်လွန်သွားကြောင်း dailymail သတင်းဌာနက ဖော်ပြပြီး ကွယ်လွန်ချိန်တွင် အသက် ၃၁ နှစ်သာ ရှိသေးသည်။

Kang Seo Ha သည် Heart Surgeons (၂၀၁၈) နှင့် Nobody Knows (၂၀၂၀) တို့ဖြင့် လူသိလာခဲ့ပြီး Through the waves (၂၀၁၈) တွင် အဓိက ဇာတ်ဆောင်နေရာမှ ပါဝင်သရုပ်ဆောင်ခဲ့သည်။

Kang Seo Ha သည် ကိုရီးယားစံတော်ချိန် တနင်္လာနေ့ မနက်အစောပိုင်းတွင် ကွယ်လွန်သွားခဲ့ခြင်း ဖြစ်သည်။

ကွယ်လွန်ရသည့် အကြောင်းရင်းမှာ ပြင်းထန်သော အဆင့် ၄ အစာအိမ်ကင်ဆာကြောင့် ဖြစ်သည်။

သူ၏ သူငယ်ချင်းများက အင်စတာဂရမ်တွင် ရေးသားဖော်ပြကြသည်မှာ Kang Seo Ha သည် ကျန်းမာရေး မကောင်းသည့်အချိန်များတွင်ပင် အခြားသူများကို ဂရုစိုက်ကူညီနေကြောင်း ပြောကြသည်။

“ခုထိ မယုံနိုင်သေးဘူး။ သူက ဒီလောက် ကြေကွဲနာကျင်စရာကြီး ရင်ဆိုင်နေရတဲ့အချိန်မျိုးမှာတောင် ကိုယ်အပါအဝင် သူ့ဘေးနားကလူတွေကို စိတ်ပူနေတယ်” ဟု သူငယ်ချင်းတစ်ဦးက အင်စတာဂရမ်တွင် ရေးသားဖော်ပြသည်။

“နင်က လနဲ့ချီပြီး အစာကောင်းကောင်း မဝင်တော့ပေမယ့် ငါ့ရဲ့ စားသောက်ဖို့ကိစ္စကို နင့်ဘဏ်ကတ်နဲ့ ဝယ်ခိုင်းခဲ့တယ်။ တစ်နပ်စာတောင် မလွတ်စေခဲ့ဘူး။ ငါ့ နတ်သမီးလေးရေ…နင်ခွဲသွားတာ စောလွန်းတယ်ဟာ”

“ချစ် ညီမလေးရေ..ရောက်ရာဘုံဘဝမှာ ပျော်ရွှင်ပြီး နာကျင်စရာတွေ ကင်းဝေးပါစေလို့ မျှော်လင့်ပါတယ်”

(တောင်ကိုရီးယား ရုင်ရှင်မင်းသမီး Kang Seo Ha သည် အသက် ၃၁ နှစ်အရွယ်တွင် ကင်ဆာဖြင့် ကွယ်လွန်သွားသည်)

(ပြီးခဲ့သော ဇွန်လ ၁၃ ရက်က အသက် ၃၁ နှစ်ပြည့် မွေးနေ့ဖြစ်ရာ မွေးနေ့ကျော်လွန်ပြီး တစ်လအကြာတွင် ကွယ်လွန်သွားခြင်းဖြစ်သည်)

Kang Seo Ha ၏ အင်စတာဂရမ် စာမျက်နှာတွင် လွမ်းဆွတ်အောက်မေ့ဖွယ် ပို့စ်တစ်ခု တင်လာရာ သူ၏ ဘဝဖြတ်သန်းမှုတွင် ပျော်ရွှင်ဖွယ် အခိုက်အတန့် ဓာတ်ပုံများ ဖော်ပြထားသည်။

ကမ္ဘာတဝန်းမှ ပရိသတ်များကလည်း ဝမ်းနည်းစကားပြောကြားကြပြီး ကျန်ရစ်သူမိသားစုကို အားပေးနှစ်သိမ့်နေကြသည်။

Syhc.k5 အမည်ရှိ အကောင့်က “ငြိမ်းချမ်းစွာ အနားယူပါတော့..။ ဟန်မြစ်ရဲ့ဘေးမှာ ထိုင်နေရင်း နင့်ကို တွေ့ခဲ့တဲ့နေ့ကို သတိရနေမိတယ်” ဟု ရေးသားဖော်ပြသည်။

“နင်က ကောင်းကင်ဘုံကို ရောက်သွားပြီဆိုရင်လည်း ငါ့ရဲ့မှတ်ဉာဏ်ထဲမှာ နင်က ထာဝရရှိနေမှာပါ”

ဇူလိုင် ၁၆ ရက်တွင် Catholic University Seoul St. Mary's ဆေးရုံတွင် ဈာပနအခမ်းအနားကျင်းပရန် စီစဉ်ထားပြီး South Gyeongsang ပြည်နယ်၊ Haman မြို့တွင် မြှုပ်နှံသဂြိုဟ်မည်ဖြစ်ကြောင်း သိရသည်။

ကိုရီးယား သတင်းဌာနတစ်ခုဖြစ်သော Sports Khan ၏ ဖော်ပြချက်အရ Kang Seo-ha သည် မကြာသေးမီက ရုပ်ရှင်ရိုက်ကူးမှုများ ပြုလုပ်ခဲ့ပြီး In the Net တွင် ပါဝင်သရုပ်ဆောင်ရိုက်ကူးမှု ပြီးစီးထားသည်ဟု ဆိုသည်။

ထိုဇာတ်ကားကိုမူ Kang Seo-ha တစ်ယောက်ကြည့်ရှုခွင့် မရတော့ချေ။

(Kang Seo-ha သည် ပြင်းထန်သော အဆင့် ၄ အစာအိမ်ကင်ဆာဖြင့် ကွယ်လွန်သွားခြင်း ဖြစ်သည်)

ကိုရီးယား အနုပညာတက္ကသိုလ်မှ ကျောင်းပြီးခဲ့သူဖြစ်ပြီး ၂၀၁၂ ခုနှစ်တွင် Brave Guys ဂီတဗွီဒီယိုဖြင့် သရုပ်ဆောင်လောကသို့ စတင်ခြေချခဲ့သည်။

ယင်းနောက် 'Schoolgirl Detectives', 'Assembly', Through the Waves' နှင့် 'Flowers of the Prison' တို့တွင် ပါဝင်သရုပ်ဆောင်ခဲ့သည်။

၁၉၉၄ ခုနှစ်တွင် မွေးဖွားခဲ့ခြင်းဖြစ်ပြီး ငယ်နာမည်မှာ Kang Ye Won ဖြစ်သည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: South Korean K-drama star Kang Seo Ha dies aged 31 after cancer battle