ကျန်စစ်မင်းအိမ်ရာ အပိုင်း (၂) လျှပ်စစ်ဓာတ်အားတပ်ဆင်မှု ၂၀၂၁ နှစ်ကုန်ပိုင်းတွင် ပြီးစီးမည်

### Unicode Version ###

လှိုင်သာယာရှိ ကျန်စစ်မင်းအိမ်ရာ အပိုင်း ၂ အတွက် လျှပ်စစ်ဓာတ်အားတပ်ဆင်မှုမှာ လာမည့် ၂၀၂၁ ခုနှစ်တွင် ပြီးစီးမည်ဖြစ်ကြောင်း သိရသည်။

ထိုကဲ့သို့ ၂၀၂၁ ခုနှစ် နိုဝင်ဘာလဝက်တွင် အပြီးတပ်ဆင်ရန်အတွက်ကိုလည်း တာဝန်ယူဆောက်လုပ်သည့် ကုမ္ပဏီသို့ ဆောက်လုပ်ရေးဝန်ကြီးဌာနမှ အသိပေးချက်ထုတ်ပြန်ခဲ့ကြောင်း သိရ သည်။

လက်ရှိတွင် ကျန်စစ်မင်းအိမ်ရာ အပိုင်း (၂) စီမံကိန်းကို လျှပ်စစ်ဓာတ် အားရရှိရန် (၁၁/ဝ.၄) ကေဗွီ၊ ၂၀ဝ ကေဗွီအေ (Single Pole Type) ဓာတ်အားခွဲရုံနှစ်ရုံ၊ (၁၁/ဝ.၄) ကေဗွီ၊ ၁၆၀ ကေဗွီအေ (Single Pole Type) ဓာတ်အားခွဲရုံ ၃၈ ရုံနှင့် (၁၁၀/ဝ.၄) ကေဗွီ၊ ၁၀ဝ ကေဗွီအေ (Single Pole Type) ဓာတ်အားခွဲရုံ ၄ ရုံတို့ဖြစ်ပြီး ဓာတ်အားလိုင်းတည်ဆောက်မှုနှင့် အိမ်သုံးမီတာတပ်ဆင်ခြင်းအပါအဝင်လုပ်ငန်းများကို ၂၀၂၁ ခုနှစ် နိုဝင်ဘာ ၁၅ ရက်နောက်ဆုံးထားလုပ်ဆောင်ရန် အသိပေးထုတ်ပြန်ခဲ့ခြင်းဖြစ်ကြောင်း သိရသည်။

'တင်ဒါအောင်မြင်ခဲ့တဲ့ ကုမ္ပဏီနဲ့ ဖေဖော်ဝါရီ ၁၇ ရက်က စာချုပ်ချုပ်ဆို ပြီးပါပြီ။ ဘယ်နေ့နောက်ဆုံးထားပြီး အပြီးဆောင်ရွက်သွားဖို့ကို သတိပေးချက်ထုတ်ပြန်တာပါ' ဟု ဆောက်လုပ်ရေး ဝန်ကြီးဌာနမှ တာဝန်ရှိသူတစ်ဦးက ပြောသည်။

ကျန်စစ်မင်းအိမ်ရာ အပိုင်း ၂ လျှပ်စစ်မီးရရှိရေး တင်ဒါပုံစံဝယ်ယူသည့် ကုမ္ပဏီ ၁၄ ခုအနက် ကုမ္ပဏီ ၅ ခု ဝင်ရောက်ယှဉ်ပြိုင်ရာ Thida Chanmyay Electrical Trading Co., Ltd မှလုပ်ငန်းတန်ဖိုး ၁၅၃ ဒသမ ၆၂၃ သန်းဖြင့် တင်ဒါအောင်မြင်ခဲ့ကြောင်း သိရသည်။

ပြီးခဲ့သည့် ၂၀၁၉ ခုနှစ်တွင် ကျန်စစ်မင်းအိမ်ရာအပိုင်း ၁ ကို တိုင်းဒေသကြီး အစိုးရအဖွဲ့မှ ရောင်းချပေးခဲ့ပြီး အခန်းတန်ဖိုးများမှာ ရှစ်ခန်းတွဲ ငါးထပ်တိုက်ရှိ အခန်းတစ်ခန်းလျှင် ငွေကျပ် ၁၀၂ သိန်းမှ ၁၄၂ သိန်းအထိ အစားစားသတ်မှတ်ထားသလို အခန်းအကျယ်အဝန်းမှာလည်း ၄၈၄ စတုရန်း ပေပတ်လည်နှင့် ၅၂၂ စတုရန်းပေပတ်လည်ရှိကြောင်း သိရသည်။

ထို့ပြင် လေးခန်းတွဲ ငါးထပ်တိုက်ရှိအခန်းများအတွက် တစ်ခန်းလျှင် အနည်းဆုံး ၂၁၄ သိန်းမှ အများဆုံး ၂၇၄ သိန်းအထိရှိပြီး အခန်းအကျယ်အဝန်းအနေဖြင့် ၆၅၀ စတုရန်းပေပတ်လည်ရှိ ကြောင်း သိရသည်။

မင်းချို ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။

Credit: iMyanmarHouse.com

### Zawgyi Version ###

က်န္စစ္မင္းအိမ္ရာ အပိုင္း (၂) လွ်ပ္စစ္ဓာတ္အားတပ္ဆင္မႈ ၂၀၂၁ ႏွစ္ကုန္ပိုင္းတြင္ ၿပီးစီးမည္

လိႈင္သာယာရွိ က်န္စစ္မင္းအိမ္ရာ အပိုင္း ၂ အတြက္ လွ်ပ္စစ္ဓာတ္အားတပ္ဆင္မႈမွာ လာမည့္ ၂၀၂၁ ခုႏွစ္တြင္ ၿပီးစီးမည္ျဖစ္ေၾကာင္း သိရသည္။

ထိုကဲ့သို႔ ၂၀၂၁ ခုႏွစ္ ႏိုဝင္ဘာလဝက္တြင္ အၿပီးတပ္ဆင္ရန္အတြက္ကိုလည္း တာဝန္ယူေဆာက္လုပ္သည့္ ကုမၸဏီသို႔ ေဆာက္လုပ္ေရးဝန္ႀကီးဌာနမွ အသိေပးခ်က္ထုတ္ျပန္ခဲ့ေၾကာင္း သိရ သည္။

လက္ရွိတြင္ က်န္စစ္မင္းအိမ္ရာ အပိုင္း (၂) စီမံကိန္းကို လွ်ပ္စစ္ဓာတ္ အားရရွိရန္ (၁၁/ဝ.၄) ေကဗြီ၊ ၂၀ဝ ေကဗြီေအ (Single Pole Type) ဓာတ္အားခြဲ႐ံုႏွစ္႐ံု၊ (၁၁/ဝ.၄) ေကဗြီ၊ ၁၆၀ ေကဗြီေအ (Single Pole Type) ဓာတ္အားခြဲ႐ံု ၃၈ ႐ံုႏွင့္ (၁၁၀/ဝ.၄) ေကဗြီ၊ ၁၀ဝ ေကဗြီေအ (Single Pole Type) ဓာတ္အားခြဲ႐ံု ၄ ႐ံုတို႔ျဖစ္ၿပီး ဓာတ္အားလိုင္းတည္ေဆာက္မႈႏွင့္ အိမ္သံုးမီတာတပ္ဆင္ျခင္းအပါအဝင္လုပ္ငန္းမ်ားကို ၂၀၂၁ ခုႏွစ္ ႏိုဝင္ဘာ ၁၅ ရက္ေနာက္ဆံုးထားလုပ္ေဆာင္ရန္ အသိေပးထုတ္ျပန္ခဲ့ျခင္းျဖစ္ေၾကာင္း သိရသည္။

'တင္ဒါေအာင္ျမင္ခဲ့တဲ့ ကုမၸဏီနဲ႔ ေဖေဖာ္ဝါရီ ၁၇ ရက္က စာခ်ဳပ္ခ်ဳပ္ဆို ၿပီးပါၿပီ။ ဘယ္ေန႔ေနာက္ဆံုးထားၿပီး အၿပီးေဆာင္ရြက္သြားဖို႔ကို သတိေပးခ်က္ထုတ္ျပန္တာပါ' ဟု ေဆာက္လုပ္ေရး ဝန္ႀကီးဌာနမွ တာဝန္ရွိသူတစ္ဦးက ေျပာသည္။

က်န္စစ္မင္းအိမ္ရာ အပိုင္း ၂ လွ်ပ္စစ္မီးရရွိေရး တင္ဒါပံုစံဝယ္ယူသည့္ ကုမၸဏီ ၁၄ ခုအနက္ ကုမၸဏီ ၅ ခု ဝင္ေရာက္ယွဥ္ၿပိဳင္ရာ Thida Chanmyay Electrical Trading Co., Ltd မွလုပ္ငန္းတန္ဖိုး ၁၅၃ ဒသမ ၆၂၃ သန္းျဖင့္ တင္ဒါေအာင္ျမင္ခဲ့ေၾကာင္း သိရသည္။

ၿပီးခဲ့သည့္ ၂၀၁၉ ခုႏွစ္တြင္ က်န္စစ္မင္းအိမ္ရာအပိုင္း ၁ ကို တိုင္းေဒသၾကီး အစိုးရအဖြဲ႔မွ ေရာင္းခ်ေပးခဲ့ၿပီး အခန္းတန္ဖိုးမ်ားမွာ ရွစ္ခန္းတြဲ ငါးထပ္တိုက္ရွိ အခန္းတစ္ခန္းလွ်င္ ေငြက်ပ္ ၁၀၂ သိန္းမွ ၁၄၂ သိန္းအထိ အစားစားသတ္မွတ္ထားသလို အခန္းအက်ယ္အဝန္းမွာလည္း ၄၈၄ စတုရန္း ေပပတ္လည္ႏွင့္ ၅၂၂ စတုရန္းေပပတ္လည္ရွိေၾကာင္း သိရသည္။

ထို႔ျပင္ ေလးခန္းတြဲ ငါးထပ္တိုက္႐ွိအခန္းမ်ားအတြက္ တစ္ခန္းလွ်င္ အနည္းဆံုး ၂၁၄ သိန္းမွ အမ်ားဆံုး ၂၇၄ သိန္းအထိရွိၿပီး အခန္းအက်ယ္အဝန္းအေနျဖင့္ ၆၅၀ စတုရန္းေပပတ္လည္ရွိ ေၾကာင္း သိရသည္။

မင္းခ်ိဳ ( iMyanmarHouse.com အိုင္ျမန္မာေဟာက္စ္ေဒါ႔ကြန္း) မွ အထူးေရးသားေဖာ္ျပသည္။

Credit: iMyanmarHouse.com