ႏိုင္ငံျခားဝယ္လက္မ်ား အေမရိကန္အိမ္ၿခံေျမမွ ဆုတ္ခြါ

### Zawgyi Version ###

၂၀၁၈ ခုႏွစ္ ဧၿပီမွ ၂၀၁၉ ခုႏွစ္ မတ္အထိ တစ္ႏွစ္တာအတြင္း အေမရိကန္အိမ္မ်ားအား ႏုိင္ငံျခားဝယ္လက္မ်ားမွ ဝယ္ယူမႈ ေလ်ာ့နည္းခဲ့ေၾကာင္း အေမရိကန္အိမ္ၿခံေျမအက်ဳိးေဆာင္မ်ားအသင္း National Association of Realtors (NAR) က ဇူလုိင္ ၁၇ တြင္ စစ္တမ္းတစ္ရပ္ထုတ္ျပန္ခဲ့သည္။

ႏိုင္ငံျခားဝယ္လက္မ်ားသည္ ထိုတစ္ႏွစ္တာကာလအတြင္း စုစုေပါင္း အေမရိကန္ေဒၚလာ ၇၇ ဒသမ ၉ ဘီလ်ံ တန္ဖိုးရွိ အေမရိကန္ေနအိမ္မ်ားကို ဝယ္ယူခဲ့ေၾကာင္း၊ ယင္းသည္ ႏုိင္ငံျခားသားမ်ားမွ အေမရိကန္ေဒၚလာ ၁၂၁ ဘီလ်ံဖိုး အေမရိကန္ေနအိမ္မ်ားဝယ္ယူခဲ့သည့္ ၂၀၁၇ ဧၿပီမွ ၂၀၁၈ မတ္အထိ တစ္ႏွစ္တာေအာက္ ၃၆ ရာခိုင္ႏႈန္းက်ဆင္းခဲ့ေၾကာင္း NAR က ထုတ္ျပန္ခဲ့သည္။

“ ျပည္ပႏုိင္ငံေတြရဲ႕စီးပြားေရးဖြံ႕ၿဖိဳးမႈ ပိုမိုေႏွးေကြးလာမႈ၊ တ႐ုတ္မွာ ေငြေၾကးစီးဆင္းမႈထိန္းခ်ဳပ္မႈပိုမိုတင္းက်ပ္လာမႈ၊ အေမရိကန္ေဒၚလာပိုမာလာမႈနဲ႔ အိမ္စီမံကိန္းသစ္နည္းပါးလာမႈတို႔က ႏုိင္ငံျခားဝယ္လက္ေတြကို အေမရိကန္ကေန ဆုတ္ခြါေစခဲ့တာပါ ” ဟု NAR မွ စီးပြားေရးပညာရွင္ခ်ဳပ္ ေလာရင့္စ္ယြန္က ေျပာၾကားခဲ့သည္။

ခုနစ္ႏွစ္ေျမာက္အျဖစ္ ထုတ္ျပန္ေသာ ၎စစ္တမ္းတြင္ တ႐ုတ္က အေမရိကန္အိမ္မ်ား၏ ထိပ္တန္းႏုိင္ငံျခားဝယ္လက္ျဖစ္ဆဲပင္ျဖစ္သည္။ ထိုကာလ (၂၀၁၈ ခုႏွစ္ ဧၿပီမွ ၂၀၁၉ ခုႏွစ္ မတ္အထိ တစ္ႏွစ္တာ) အတြင္း တ႐ုတ္၏ အေမရိကန္အိမ္ဝယ္ယူမႈတန္ဖိုးပမာဏမွာ အေမရိကန္ေဒၚလာ ၁၃ ဒသမ ၄ ဘီလ်ံ ရွိခဲ့ကာ အျခားႏုိင္ငံအားလံုး၏ ဝယ္ယူမႈမ်ားထက္ သာလြန္ခဲ့သည္။ ကေနဒါက အေမရိကန္ေဒၚလာ ၈ ဘီလ်ံဖိုးျဖင့္ ဒုတိယအမ်ားဆံုးဝယ္ယူသည့္ ႏုိင္ငံျခားဝယ္လက္ျဖစ္သည္။

တ႐ုတ္၏ ၎ဝယ္ယူမႈပမာဏသည္ ၂၀၁၇ ဧၿပီမွ ၂၀၁၈ မတ္အထိ တစ္ႏွစ္တာအတြင္း ဝယ္ယူခဲ့သည့္ ပမာဏေအာက္ ၅၆ ရာခုိင္ႏႈန္း ေလ်ာ့က်ခဲ့ျခင္းျဖစ္သည္။

တ႐ုတ္စီးပြားေရးဖြံ႕ၿဖိဳးမႈသည္ ၂၀၁၇ ခုႏွစ္တြင္ ၆ ဒသမ ၉ ရာခုိင္ႏႈန္း ဖြံ႕ၿဖိဳးခဲ့ရာမွ ၂၀၁၉ တြင္ ၆ ဒသမ ၃ သို႔ က်ဆင္းခဲ့ေၾကာင္း ထိုစစ္တမ္းက မွတ္ခ်က္ျပဳခဲ့သည္။ တ႐ုတ္အစိုးရကလည္း ႏုိင္ငံ၏ ႏုိင္ငံျခားေငြေၾကးကန္႔သတ္ခ်က္ကို စီမံခန္႔ခြဲရန္ ႀကိဳးပမ္းသည့္အေနျဖင့္ ျပည္ပသို႔ေငြေၾကးစီးဆင္းမႈမ်ားကို ၂၀၁၆ ခုႏွစ္ကတည္းက တင္းတင္းက်ပ္က်ပ္ထိန္းခ်ဳပ္ႏွိပ္ကြပ္လာသည္။

အေမရိကန္တြင္ ေနထုိင္သူမဟုတ္သည့္ ႏုိင္ငံျခားဝယ္လက္မ်ားသို႔ ၂၀၁၈ ခုႏွစ္ ဧၿပီမွ ၂၀၁၉ ခုႏွစ္ မတ္အထိ တစ္ႏွစ္တာအတြင္း အေမရိကန္ေနအိမ္ အေမရိကန္ေဒၚလာ ၃၃ ဒသမ ၂ ဘီလ်ံဝန္းက်င္ဖိုး ေရာင္းခ်ခဲ့ရၿပီး ၂၀၁၇ ဧၿပီမွ ၂၀၁၈ မတ္အထိတစ္ႏွစ္တာတုန္းကမူ အေမရိကန္ေဒၚလာ ၅၃ ဘီလ်ံဖိုး ေရာင္းခ်ခဲ့ရသည္။

ေနထိုင္သူႏုိင္ငံျခားဝယ္လက္မ်ားသို႔ ၂၀၁၈ ခုႏွစ္ ဧၿပီမွ ၂၀၁၉ ခုႏွစ္ မတ္အထိ တစ္ႏွစ္တာအတြင္း အေမရိကန္ေနအိမ္ အေမရိကန္ေဒၚလာ ၄၄ ဒသမ ၇ ဘီလ်ံဝန္းက်င္ဖိုး ေရာင္းခ်ခဲ့ရၿပီး ၂၀၁၇ ဧၿပီမွ ၂၀၁၈ မတ္အထိတုန္းကမူ အေမရိကန္ေဒၚလာ ၆၇ ဒသမ ၉ ဘီလ်ံဖိုး ေရာင္းခ်ခဲ့ရေၾကာင္း သိရသည္။

Credit: iMyanmarHouse.com (iMyanmarHouse.com Team မွ ေရးသား ေဖာ္ျပသည္။)

### Unicode Version ###

၂၀၁၈ ခုနှစ် ဧပြီမှ ၂၀၁၉ ခုနှစ် မတ်အထိ တစ်နှစ်တာအတွင်း အမေရိကန်အိမ်များအား နိုင်ငံခြားဝယ်လက်များမှ ဝယ်ယူမှု လျော့နည်းခဲ့ကြောင်း အမေရိကန်အိမ်ခြံမြေအကျိုးဆောင်များအသင်း National Association of Realtors (NAR) က ဇူလိုင် ၁၇ တွင် စစ်တမ်းတစ်ရပ်ထုတ်ပြန်ခဲ့သည်။

နိုင်ငံခြားဝယ်လက်များသည် ထိုတစ်နှစ်တာကာလအတွင်း စုစုပေါင်း အမေရိကန်ဒေါ်လာ ၇၇ ဒသမ ၉ ဘီလျံ တန်ဖိုးရှိ အမေရိကန်နေအိမ်များကို ဝယ်ယူခဲ့ကြောင်း၊ ယင်းသည် နိုင်ငံခြားသားများမှ အမေရိကန်ဒေါ်လာ ၁၂၁ ဘီလျံဖိုး အမေရိကန်နေအိမ်များဝယ်ယူခဲ့သည့် ၂၀၁၇ ဧပြီမှ ၂၀၁၈ မတ်အထိ တစ်နှစ်တာအောက် ၃၆ ရာခိုင်နှုန်း ကျဆင်းခဲ့ကြောင်း NAR က ထုတ်ပြန်ခဲ့သည်။

“ပြည်ပနိုင်ငံတွေရဲ့စီးပွားရေးဖွံ့ဖြိုးမှု ပိုမိုနှေးကွေးလာမှု၊ တရုတ်မှာ ငွေကြေးစီးဆင်းမှုထိန်းချုပ်မှုပိုမိုတင်းကျပ်လာမှု၊ အမေရိကန်ဒေါ်လာပိုမာလာမှုနဲ့ အိမ်စီမံကိန်းသစ်နည်းပါးလာမှုတို့က နိုင်ငံခြားဝယ်လက်တွေကို အမေရိကန်ကနေ ဆုတ်ခွါစေခဲ့တာပါ” ဟု NAR မှ စီးပွားရေးပညာရှင်ချုပ် လောရင့်စ်ယွန်က ပြောကြားခဲ့သည်။

ခုနစ်နှစ်မြောက်အဖြစ် ထုတ်ပြန်သော ၎င်းစစ်တမ်းတွင် တရုတ်က အမေရိကန်အိမ်များ၏ ထိပ်တန်းနိုင်ငံခြားဝယ်လက်ဖြစ်ဆဲပင်ဖြစ်သည်။ ထိုကာလ (၂၀၁၈ ခုနှစ် ဧပြီမှ ၂၀၁၉ ခုနှစ် မတ်အထိ တစ်နှစ်တာ) အတွင်း တရုတ်၏ အမေရိကန်အိမ်ဝယ်ယူမှုတန်ဖိုးပမာဏမှာ အမေရိကန်ဒေါ်လာ ၁၃ ဒသမ ၄ ဘီလျံ ရှိခဲ့ကာ အခြားနိုင်ငံအားလုံး၏ ဝယ်ယူမှုများထက် သာလွန်ခဲ့သည်။ ကနေဒါက အမေရိကန်ဒေါ်လာ ၈ ဘီလျံဖိုးဖြင့် ဒုတိယအများဆုံးဝယ်ယူသည့် နိုင်ငံခြားဝယ်လက်ဖြစ်သည်။

တရုတ်၏ ၎င်းဝယ်ယူမှုပမာဏသည် ၂၀၁၇ ဧပြီမှ ၂၀၁၈ မတ်အထိ တစ်နှစ်တာအတွင်း ဝယ်ယူခဲ့သည့် ပမာဏအောက် ၅၆ ရာခိုင်နှုန်း လျော့ကျခဲ့ခြင်းဖြစ်သည်။

တရုတ်စီးပွားရေးဖွံ့ဖြိုးမှုသည် ၂၀၁၇ ခုနှစ်တွင် ၆ ဒသမ ၉ ရာခိုင်နှုန်း ဖွံ့ဖြိုးခဲ့ရာမှ ၂၀၁၉ တွင် ၆ ဒသမ ၃ သို့ ကျဆင်းခဲ့ကြောင်း ထိုစစ်တမ်းက မှတ်ချက်ပြုခဲ့သည်။ တရုတ်အစိုးရကလည်း နိုင်ငံ၏ နိုင်ငံခြားငွေကြေးကန့်သတ်ချက်ကို စီမံခန့်ခွဲရန် ကြိုးပမ်းသည့်အနေဖြင့် ပြည်ပသို့ငွေကြေးစီးဆင်းမှုများကို ၂၀၁၆ ခုနှစ်ကတည်းက တင်းတင်းကျပ်ကျပ်ထိန်းချုပ်နှိပ်ကွပ်လာသည်။

အမေရိကန်တွင် နေထိုင်သူမဟုတ်သည့် နိုင်ငံခြားဝယ်လက်များသို့ ၂၀၁၈ ခုနှစ် ဧပြီမှ ၂၀၁၉ ခုနှစ် မတ်အထိ တစ်နှစ်တာအတွင်း အမေရိကန်နေအိမ် အမေရိကန်ဒေါ်လာ ၃၃ ဒသမ ၂ ဘီလျံဝန်းကျင်ဖိုး ရောင်းချခဲ့ရပြီး ၂၀၁၇ ဧပြီမှ ၂၀၁၈ မတ်အထိတစ်နှစ်တာတုန်းကမူ အမေရိကန်ဒေါ်လာ ၅၃ ဘီလျံဖိုး ရောင်းချခဲ့ရသည်။

နေထိုင်သူနိုင်ငံခြားဝယ်လက်များသို့ ၂၀၁၈ ခုနှစ် ဧပြီမှ ၂၀၁၉ ခုနှစ် မတ်အထိ တစ်နှစ်တာအတွင်း အမေရိကန်နေအိမ် အမေရိကန်ဒေါ်လာ ၄၄ ဒသမ ၇ ဘီလျံဝန်းကျင်ဖိုး ရောင်းချခဲ့ရပြီး ၂၀၁၇ ဧပြီမှ ၂၀၁၈ မတ်အထိတုန်းကမူ အမေရိကန်ဒေါ်လာ ၆၇ ဒသမ ၉ ဘီလျံဖိုး ရောင်းချခဲ့ရကြောင်း သိရသည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)