ဒဂုံလေးမြို့နယ် အတွင်း အရောင်းအ၀ယ်ဖြစ်မှုတွင် သင့်တင့်သော ဈေးနှုန်းများဖြင့် မြေကွက်များအရောင်းအ၀ယ်သွက်

ရန်ကုန်တိုင်းဒေသကြီး ဒဂုံလေးမြို့နယ်အတွင်းရှိ မြေကွက်များအနက် သင့်တင့်မျှတသောသိန်း နှစ်ရာမှခြောက်ရာဝန်းကျင်မြေကွက်များ အရောင်းအ၀ယ်ဖြစ်ထွန်းနေကြောင်းယင်းမြို့နယ် အခြေစိုက်အကျိုးဆောင်များမှ ပြောသည်။

””ဒဂုံလေးမြို့နယ်ကတော့ ဈေးလျှော့ရောင်းတဲ့မြေကွက်တွေ အလုပ်ဖြစ်လာတယ်၊ဈေးကွက်က ရပ်မနေဘူး။သွားနေတယ်ပေါ့။လတ်တလော အလုပ်ဖြစ်တာကတော့ အရမ်းမြင့်တဲ့အကွက်တွေတော့ မဖြစ်ဘူး။အဖြစ်များတကတော့ နှစ်ရာ ၊ လေးရာ ။ ခြောက်ရာပေါ့ ဒီလိုမြေကွက်လေးတွေဖြစ်တယ်။ဖြစ်နေတယ်ဆိုတော့ ဈေးကွက်ကအေးမသွားတော့ပဲ သူ့ဟာနဲ့သူ လည်နေတာပေါ့။အခုဖြစ်တဲ့ ဈေးတွေက အရင်ကနဲ့ ယှဉ်ရင်တော့ ဈေးကျသွားတယ်လို့ပြောလို့ရတဲ့အကွက်တွေပေါ့။ဒါပေမယ့် ဒီဘက်အချိန်မှာကတော့ သူ့ဟာနဲ့သူ သင့်တင့်မျှတတဲ့အနေအထားလို့ပဲပြောရမှာပါ။ သိန်း ၈၀၀ လောက် အရင်ကပေါက်တဲ့ မြေကွက်တွေကို အခု သိန်း ၆၀၀ လောက်နဲ့ ဈေးချရောင်းပေးလာကြတယ်။အဲဒီလိုမြေကွက်တွေနဲ့ ဈေးးတန်းတွေလောက်ဘဲ အရောင်းအ၀ယ်ဖြစ်နေတယ်။နောက်ပြီး ရင်းနှီးမြုပ်နှံတဲ့ ၀ယ်ရောင်းတွေရော၊ တကယ်နေချင်တဲ့သူတွေရော က ဒီဈေးတန်းအနေအထားကိုပဲ အဓိကထားပြီး ၀ယ်ကြတယ်။ဈေးကွက်အနေအထားအရ ပြောရရင်တော့ နည်းနည်းမဆိုးဘူးလို့ပြောရမှာပေါ့””ဟု ဒဂုံမြို့နယ်အခြေစိုက် အောင်စည်ဟိန်းအကျိုးဆောင်လုပ်ငန်းမှ တာဝန်ရှိသူတစ်ဦးက ဆိုသည်။

အမှန်တကယ် နေထိုင်သူများအတွက် ၀ယ်ယူမှုသည် ၀ယ်ရောင်းများ၏ ဈေးကွက်ထက်ပိုမိုမြင့်မားနေကြောင်းလည်း သိရှိရသည်။ ””ခုနက ပြောတဲ့ဈေးတန်းတွေထဲမှာကိုမှ ၀ယ် ရောင်းတွေက သိန်း ၅၀၀ ၊ သိန်း ၆၀၀ လောက်နဲ့ ပြန်ကောက်တာတွေလည်းရှိတယ်၊။သူတို့ကတော့ ကြာရှည် ကိုင်ထားကြရတာများတယ်။ချက်ခြင်းပြန်ထွက်ဖို့ကလည်း မလွယ်ဘူးလေ ””ဟု ၎င်းပုဂ္ဂိုလ်မှ ဆက်လက်ပြောပြခဲ့သည်။

ဒဂုံမြို့သစ်တောင်ပိုင်း ၊ မြောက်ပိုင်း ၊ အရှေ့ဒဂုံ ၊ ဒဂုံဆိပ်ကမ်းစသည့်နေရာများတွင် အငှားဈေးကွက်သည်လည်း အခြားမြို့နယ်များနည်းတူ အားကောင်းလျက်ရှိကြောင်းသိရသည်။

မင်းချို မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးရေးသားဖော်ပြသည်။
Credit: iMyanmarHouse.com