ကျောက်ဖြူမြို့နယ် မဒေးကျွန်းတွင် သုံးနှစ်အတွင်း မြေဈေးနှုန်းများ အဆ ၅ဝ ကျော် မြင့်တက်

ကျောက်ဖြူမြို့နယ် မဒေးကျွန်းရှိ လယ်ယာမြေနှင့် မြေမျိုးစုံဈေးနှုန်းများမှာ မြို့ခံစီးပွားရေး လုပ်ငန်းရှင်များနှင့် ပြည်တွင်း ကုမ္ပဏီတစ်ချို့မှ ဆက်တိုက်ဝယ်လိုအားများ ပြားလာမှုကြောင့် သုံးနှစ်အတွင်း အဆ ၅ဝ ကျော်အထိ မြင့်တက်လာကြောင်း ဒေသခံများထံမှ သိရသည်။

အဆိုပါကျွန်းရှိ မြေဈေးနှုန်းများမှာ ၂ဝ၁၃ခုနှစ်မတိုင်မီက လယ်မြေ တစ်ဧက သုံး သိန်းကျော်၊ (၄ဝx၆ဝ) ခြံမြေတစ်ကွက်လေး သောင်းဝန်းကျင်နှင့် ဥယျာဉ်ခြံမြေ၊ တောင်ယာမြေဈေးနှုန်းများမှာ တစ်ဧကလျှင် ကျပ်တစ်သိန်း သာရှိကြောင်း ကျွန်းသူကျွန်းသားများထံမှ သိရသည်။

တရုတ်ရေနက်ဆိပ်ကမ်း စီမံကိန်းကြောင့် စီးပွားရေးလုပ်ငန်းရှင်များမှ ကုမ္ပဏီများ၊ စက်ရုံအလုပ်ရုံများ တည်ဆောက်ရန်နှင့် အမြင့်ဈေးဖြင့် ဝယ်ယူရင်းနှီးမြှုပ်နှံမှု များပြားလာသည့်အတွက် လက်ရှိတွင် ပျမ်းမျှ လယ်မြေတစ်ဧက ကျပ်သိန်း ၅ဝ၊ (၄ဝx၆ဝ) ခြံမြေတစ်ကွက် ကျပ်သိန်း ၄ဝ ဝန်းကျင်နှင့် ဥ ယျာဉ်ခြံမြေ များမှာလည်း တစ်ဧက ကျပ် ၂၅ သိန်းကျော် အထိ မြင့်တက်နေကြောင်း မဒေးကျွန်းရှိ လယ်မြေ အရောင်းအဝယ် လုပ်ကိုင်သူများမှ သိရသည်။

''မဒေးကျွန်းက ရခိုင်ပြည်နယ်မှာ တရုတ်မြို့တော်အထိ ဖြစ်လာမှာပါ။ မြေတွေကို တရုတ်စီမံကိန်း ကုမ္ပဏီ၊ ပြည်တွင်းပြည်ပ ကုမ္ပဏီတွေနဲ့ မြို့ခံနာမည်ကြီး စီးပွားရေးလုပ်ငန်းရှင်တွေက အကွက်ရိုက်ဝယ်နေကြတာပါ။ သူတို့က ဘယ်လောက်ပဲ ဈေးမြင့်မြင့် ဝယ်နေမြဲဝယ်နေကြတာ တွေ့ရပါတယ်။ ကျွန်းသူ၊ ကျွန်းသားမြေတွေက သိပ်ပြီးမကျန်တော့ဘူး။ လူတွေက ဆင်းရဲပြီး အသိဥာဏ်နည်းပါးတော့ ပြည်ချစ်၊ မျိုးချစ်စိတ် မမွေးနိုင်ကြဘဲ ငွေပုံကြီးမြင်ရင် အကုန်ရောင်းချလိုက်ကြတာပါ''ဟု မဒေးကျွန်းဒေသဖွံ့ဖြိုးရေး လုပ်ငန်းလုပ်ကိုင်သူ ဦးလှကျော်က ပြောသည်။

တရုတ်ရေနံတင်ဆိပ်ကမ်းနှင့် တရုတ်ကုမ္ပဏီများ တည်ရှိနေမှုကြာင့် ကျွန်း၏ အနာဂတ်ဖွံ့ဖြိုးတိုးတက်လာမည့် အရေးကို အများက မျော်လင့်ကြိုဆိုနေကြသော်လည်း ကျွန်းအား တရုတ်မူဝါဒ လွှမ်းမိုးသွားမည့်အရေးနှင့် အမျိုးဘာသာ၊ သာသနာထိခိုက်လာမည့် အရေးကို ဒေသခံများက အထူးစိုးရိမ်မှု များရှိနေကြောင်း ကျွန်းသူ ကျွန်းသားတို့က ဆိုကြသည်။ မဒေးကျွန်း တစ်ကျွန်းလုံးရှိမှာ မြေမျိုးစုံ ဧက ၃ဝဝဝ ကျော်ရှိပြီး ယင်းမှ လယ်ယာ မြေဧက ၆ဝဝကျော်နှင့် ကျန်မြေများမှာ ဥယျာဉ်ခြံမြေနှင့် တောင်မြေများဖြစ်ပြီး လက်ရှိတွင် မြေမျိုးစုံအားလုံး၏ ၂၅ရာခိုင်နှုန်းကျော်ကို ရောင်းချထားပြီးဖြစ်ကြောင်း ကျေးရွာအုပ်ချုပ်ရေးမှူးများထံမှ သိရသည်။ မဒေးကျွန်းမှာ ကျောက်ဖြူမြို့၏အရှေ့ တောင်ဘက် ခုနစ်မိုင်ကျော်အကွာတွင် တည်ရှိပြီး ရွာမ၊ ပြိန်ချောင်၊ သောက်တလူ တောင်၊ ကံ့ကော်တောင်၊ ရွာသစ်ဟူ၍ ကျေး ရွာငါးရွာရှိပြီး လူဦးရေ၃ဝဝဝ ဝန်းကျင်ခန့် နေထိုင်ကြောင်း သိရသည်။


Credit: The Yangon Times