မြန်မာနိုင်ငံသားများဘဏ်၏ ရှယ်ယာဈေးနှုန်းမြင့်တက်သီလ၀ါဈေးနှုန်းများ ကျဆင်း

ရန်ကုန်စတော့အိတ်ချိန်းတွင် ယခုအပတ် ဈေးကွက်အဖွင့် မြန်မာနိုင်ငံသား
များဘဏ်၏ ရှယ်ယာဈေးနှုန်းမြင့်တက် ခဲ့သော်လည်း သီလ၀ါအများပိုင်ကုမ္ပဏီ (MTSH) ၏ ရှယ်ယာဈေးနှုန်းကျဆင်းခဲ့ကြောင်း စတော့ဈေးကွက်လေ့လာသူများထံမှ သိရသည်။

လက်ရှိ ရန်ကုန်စတော့အိတ်ချိန်းတွင် အများပိုင်ကုမ္ပဏီသုံးခုမှ ယင်းတို့၏အစုရှယ်ယာများအား အရောင်းအ၀ယ်ပြုလုပ်လျက်ရှိပြီး ယခု အပတ် ဇန်န၀ါရီ ၂၀ ရက်တွင် ပထမပုဂ္ဂလိကဘဏ်၏ရှယ်ယာများ အား ရန်ကုန်စတော့အိတ်ချိန်းတွင် စတင်အရောင်းအ၀ယ်ပြုလုပ်မည်
ဖြစ်သော်လည်း ရှယ်ယာဈေးကွက်မှာအေးစက်နေကြောင်း စတော့ဈေး ကွက်လေ့လာသူများထံမှ သိရသည်။

စတော့ဈေးကွက်လေ့လာသူ ဦးမြင့်နိုင်က ""ပုံမှန်ဆိုရင်ကုမ္ပဏီအ သစ်ဈေးကွက်ထဲကိုဝင်မယ့်အပတ်ဆိုရင် ရှယ်ယာဈေးရောအရောင်း အ၀ယ်ပါ သိသိသာသာအပြောင်းအလဲဖြစ်ပေမယ့် ဒီအခါတော့ဈေး ကွက်က တော်တော်လေးနေတယ်။MCB ရဲ့ရှယ်ယာဈေးတက်ပြီး MTSH ဈေးကျတယ်ဆိုပေမယ့် သိပ်မသိသာဘူး""ဟု ဇန်န၀ါရီ ၁၆ ရက်က ဒီမိုကရေစီတူဒေးသို့ ပြောသည်။

ယခု ဇန်န၀ါရီ ၁၆ ရက် ရန်ကုန်စတော့အိတ်ချိန်းတွင် မြန်မာ နိုင်ငံသား
များဘဏ် (MCB) ရှယ်ယာအဖွင့်ဈေးမှာ ရှယ်ယာတစ်စုလျှင် ကျပ် ၉၁၀၀ ဖြစ်ပြီး မွန်းလွဲ ၁ နာရီ ဈေးကွက်အပိတ် ကျပ် ၉၂၀၀ သို့ မြင့်တက်ခဲ့ခြင်းဖြစ်ကြောင်း ဇန်န၀ါရီ ၁၆ ရက်တွင်
ရှယ်ယာစုစုပေါင်း အရေအတွက် ၁၁၈ ခု၊ စုစုပေါင်းတန်ဖိုး ကျပ် ၁၀၈၅၆၀၀ ဖြစ်သည်။

အလားတူ ဇန်န၀ါရီ ၁၆ ရက်က သီလ၀ါအများပိုင်ကုမ္ပဏီ(MTSH)၏အဖွင့်ဈေး
မှာ ရှယ်ယာတစ်စုလျှင် ကျပ် ၄၅၀၀ မှ ဈေးကွက်အပိတ်တွင်ကျပ် ၄၄၀၀ သို့ကျဆင်းခဲ့ပြီး ရှယ်ယာစုစုပေါင်းအရေအတွက် ၄၃၈၆ ခု၊
စုစုပေါင်းတန်ဖိုး ကျပ် ၁၉၅၁၉၀၀၀ ဖြစ်ကြောင်း သိရသည်။

စတော့ဈေးကွက်လေ့လာသူ ဦးကြည်ရှိန်က ""လက်ရှိ စတော့ဈေး ကွက်ကို ယုံကြည်တဲ့သူနည်းနေပြီး ဈေးကွက်ထဲကို အုံနဲ့ကျင်းနဲ့ဝယ်ယူမယ့်သူတွေ မ၀င်လာသေးဘဲနဲ့တော့ လက်ရှိစတော့ဈေးကွက်က အခြေ အနေကောင်း
ဖို့မမြင်ဘူး""ဟု ဆိုသည်။

Credit: Democracytoday