ဂျနီဖာလိုပက်ဇ်က ဟိုက်ဒန်းဟေးလ်ရှိ နေအိမ်ကို ကန်ဒေါ်လာ ၁၂ ဒသမ ၅ သန်းဖြင့် အရောင်းဈေးကွက် ပြန်တင်

ဂျနီဖာလိုပက်ဇ်သည် အမေရိကန်ပြည်ထောင်စု၊ ကယ်လီဖိုးနီးယားပြည်နယ်၊ လော့စ်အိန်ဂျလိမြို့၊ ဟိုက်ဒန်းဟေးလ်ရှိ နေအိမ်ကို ကန်ဒေါ်လာ ၁၂ ဒသမ ၅ သန်းဖြင့် အရောင်းဈေးကွက်သို့ ပြန်လည်တင်သွင်းလာကြောင်း လော့စ်အိန်ဂျလိအခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။

နေအိမ်အကျယ်အဝန်းမှာ စတုရန်းပေ ၁၇၁၂၉ ပေရှိပြီး အိပ်ခန်း ၉ ခန်း၊ ရေချိုးခန်း ၁၃ ခန်း၊ မီးလင်းဖို ၈ ခု၊ ထိုင်ခုံ ၁၂ လုံးပါ ညစာစားခန်းတစ်ခုတို့ပါဝင်သည်။

ထို့အပြင် ထိုင်ခုံ ၂၀ ဆံ့ ကဇာတ်ရုံတစ်ခု၊ အရက်ဘားနှင့် အသံဖမ်းစတူဒီယိုတို့လည်း ပါဝင်သည်။
နေအိမ်ပြင်ပတွင် အပန်းဖြေစခန်းအသွင် ဆောက်လုပ်ထားသည့် ရေကူးကန်ပါဝင်ပြီး ကား ၈ စင်းဆန့် ကားဂိုဒေါင်တစ်ခုလည်း ရှိသည်။

ခြံဝန်းအကျယ်အဝန်းမှာ ၃ ဧကရှိပြီး နောက်ဆုံးအရောင်းအဝယ်ဖြစ်ခဲ့သည်မှာ ၂၀၁၀ ပြည့်နှစ်အတွင်းဖြစ်ကာ ကန်ဒေါ်လာ ၈ ဒသမ ၂ သန်းဖြင့် ရောင်းဝယ်ခဲ့ကြခြင်း ဖြစ်သည်။

၁၉၉၃ ခုနှစ်တွင် နေအိမ်ကိုဆောက်လုပ်ခဲ့ပြီး ၂၀၁၅ ခုနှစ်၊ ဖေဖော်ဝါရီလအတွင်း ကန်ဒေါ်လာ ၁၇ သန်းဖြင့် အရောင်းဈေးကွက်သို့ တင်သွင်းခဲ့သော်လည်း ရောင်းမထွက်ခဲ့ချေ။

၂၀၁၅ ခုနှစ်၊ စက်တင်ဘာတွင် ၁၄ ဒသမ ၅ သန်းသို့ ဈေးလျှော့ချပေးလိုက်သည့်တိုင် ရောင်းမထွက်ခဲ့သဖြင့် ယခုအခါ ၁၂ ဒသမ ၅ သန်းအထိ ဆက်လက်ဈေးလျှော့လာခဲ့ခြင်း ဖြစ်သည်။

၂၀၁၆ ခုနှစ်၊ နှစ်လယ်ပိုင်းတွင် ဂျနီဖာလိုပက်ဇ်သည် ဟောလိဝုဒ်သရုပ်ဆောင် ဆီလာဝါ့ဒ်နှင့် ခင်ပွန်းဖြစ်သူ ဟောင်းဝါ့ဒ် ရှားမန်းတို့ ပိုင်ဆိုင်သော ဘဲလ်အဲနေအိမ်ကြီးကို ကန်ဒေါ်လာ ၂၈ သန်းဖြင့် ဝယ်ယူခဲ့သေးသည်။

အဆိုပါသတင်းကို iMyanmarHouse.com တွင် ရေးသားဖော်ပြခဲ့ပြီးဖြစ်ပါသည်။
ပြန်လည်ဖတ်ရှုလိုပါက http://www.imyanmarhouse.com/news/read/486045 အင်တာနက်လင့်ခ်တွင် ဖတ်ရှုနိုင်ပါသည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)