ကွန်ဒိုအိမ်ရာတွေ ဘာကြောင့်ရောင်းအားကျသလဲ

ဒီဇင်ဘာလရဲ့ အစကနဦးရက်တွေမှာ ရန်ကုန်မြို့ ဒဂုံမြို့နယ်ထဲက တပ်မတော်ခန်းမမှာ အိမ် ခြံ မြေ အရောင်းပြပွဲတွေလုပ်ခဲ့ပါတယ်။အိမ် ခြံ မြေ အရောင်းအဝယ်သတင်းတွေကို စိတ်ဝင်စားသူတစ်ယောက်အနေနဲ့ ဒီပွဲကိုအရောက်သွားဖြစ်ခဲ့ပါတယ်။ဒီလိုရောက်ပြီးတွေ့မြင်ခဲ့ရ
တာတွေထဲက ထူးခြားတာလေး ပြန်မျှဝေပါဆိုရင်တော့ ဈေးနှုန်းနဲ့ ဝယ်ယူမှုအပိုင်းကိုပဲ ထောက်ပြပြောဆိုရမှာပါ။

ဈေးနှုန်းအပိုင်းမှာ ကွန်ဒိုတွေရဲ့ေ ခ်ါဈေးဟာ အရင်အချိန်တွေထက် ဈေးအောက်ရောက်နေခဲပါတယ်။ရောင်းချမှုအပိုင်းမှာ ထူးခြားမှုကတော့ အရစ်ကျစနစ်တွေနဲ့ ၄၀ ရာခိုင်နှုန်းလောက်အထိ လျှော့ဈေးပေးရောင်းချနေခဲ့တာတွေတွေ့ရပါတယ်။
ဒါဟာ ပုံမှန်အခြေအနေမှာ ဝယ်သူကြိတ်ကြိတ်တိုးနေရမယ့် အနေအထားတစ်ရပ်ဖြစ်ပေမယ့် တကယ့်မြေပြင်အခြေအနေမှာတော့ ဝယ်ယူသူမရှိတာကိုတွေ့ခဲ့ရပါတယ်။

""ကွန်ဒိုဈေးကွက်ဘာကြောင့်အေးသွားခဲ့ရသလဲ""

ရန်ကုန်တိုင်းအိမ်ခြံမြေလုပ်ငန်းရှင်အသင်းဥက္ကဌဖြစ်သူ ဦးစိုင်းခွန်နောင်ကတော့ အခုလိုဘဲ သုံးသပ်ပြောဆိုပါတယ်။
""ကွန်ဒိုတွေ ဘာကြောင့်ရောင်းအားကျသွားသလဲဆိုတာပြောရရင်တော့အချက်သုံးချက်
နဲ့ပြောရမှာပေါ့။ပထမတစ်ချက်ကတော့ အခုလိုကွန်ဒိုဈေးကွက်မအေးခင်မှာ ကွန်ဒို developer တွေရဲ့ဖြစ်ခဲ့တဲ့ပြသနာတွေပေါ့။ပြသနာတွေဆိုတာက နှစ်ထပ်ရောင်း သုံးထပ်ရောင်းတွေဖြစ်ခဲ့တယ်။ပြီးတော့ ကွန်ဒိုတွေဆောက်နေရင်းတန်းလန်းမှာဘဲ အထပ်မြင့်တွေရပ်ဆိုင်းခံရတော့ အခန်းတွေမအပ်နိုင်ဘူး ။ဒါ ဖြစ်ပြီးတော့ နံပတ် ၂ အနေနဲ့ ဈေးကွက်အေးသွားတာပေါ့။နောက်တစ်ခုကဘာဖြစ်ခဲ့လဲဆိုရင် အချိန်မှီအခန်းတွေမအပ်နိုင်တဲ့အတွက် customer တွေဘက်ကယုံကြည်မှုအားလျော့သွားတယ်။ကြိုပွိုင့်ဝယ်ရတာလေ သူက။အဲဒါတွေနဲ့တစ်ဆက်တည်းမှာဘဲ ဈေးကအေးသွားတယ်။နံပတ် သုံး အချက်ကယုံကြည်မှုအားလျော့တာနဲ့အမျှ ဈေးကွက်ကအေးတယ်။ဆောက်
လုပ်စတိုက်တွေကလည်းဆက်မဆောက်နိုင်ဘူး။ပြီးမြောက်မှုကလည်း
နှေးကွေးတယ်။နောက်ပြီး တချို့ဆိုရင် ရပ်ကိုနေရတယ်။ဒါတွေအကုန်လုံး တိုက်ဆိုင်လို့ ဖြစ်တာလို့သုံးသပ်မိတယ်။"""လို့ ပြောပြခဲ့ပါတယ်။

ဒီနှစ် အတွင်းမှာ ကျဆင်းသွားခဲ့တဲ့ အိမ် ခြံ မြေ အဝန်းအဝိုင်းမှာ ကွန်ဒိုအိမ်ရာတွေသာ မကဘဲ အားလုံးကိုလည်းရိုက်ခတ်ခဲ့တယ်လို့ အကျိုးဆောင်အားလုံးကတညီတညွတ်တည်းသုံးသပ်ပြောဆိုကြပါတယ်။အမှန်တကယ်မှာလည်း ဒီနှစ် အိမ် ခြံ မြေ ဟာ ကပ်ဆိုက်ခဲ့တဲ့ နှစ်တစ်နှစ်လို့ပဲ သုံးသပ်ပြောဆိုရမှာပါ။လာမယ့်နှစ်မှာတော့ အထပ်မြင့်တွေပြန်လည်ခွင့်ပြုလာမှု၊ နိုင်ငံရေးအခြေအနေ တိုးတက်ကောင်းမွန်မှု၊ ကွန်ဒိုဥပဒေ၊ ရင်းနှီးမြုပ်နှံမှုဥပဒေတွေပေါ်ထွန်းလာပါက အပေါင်းလက္ခဏာဆောင်တဲ့ ဈေးကွက်တစ်ရပ်အဖြစ်
ပြန်လည်ဦးမော့လာနိုင်ဖွယ်ရှိကြောင်း တင်ပြရေးသားလိုက်ရပါတယ်။

မင်းဝဿန် မှ iMyanmarHouse.com အတွက် အထူးရေးသားဖော်ပြသည်။
Credit: iMyanmarHouse.com