ဧရာဝတီတိုင်းဒေသကြီး လွှတ်တော်အဆောက်အအုံ တည်ဆောက်ရန် ကျပ်သန်းနှစ်ထောင်ကျော် ခွင့်ပြု

ဧရာဝတီတိုင်းဒေသကြီး လွှတ်တော်ကို ပုသိမ်မြို့အ၀င် လက်ရှိ ၀န်ကြီးများ အိမ်ရာဝင်းအတွင်းရှိ မြေကွက်လပ်ပေါ်တွင် တည်ဆောက်ရန် ရွေးချယ်ထား ကြောင်း တိုင်းဒေသကြီး လွှတ် တော်ဥက္ကဋ္ဌ ဦးအောင်ကျော်ခိုင်က ပြောသည်။

အဆိုပါ မြေအကျယ် ၁၂ ဧကပေါ်တွင် လွှတ်တော်ခန်းမ၊ လွှတ်တော်ရုံးနှင့် အခြားသော အ ဆောက်အအုံများပါ တည်ဆောက်မည် ဖြစ်သည်။

လွှတ်တော်တည်ဆောက် ရန် ပြည်ထောင်စုအစိုးရက ကျပ်၂,၈၀၇ ဒသမ ၄၇၀ သန်း ခွင့်ပြုထားပြီး အမှန်တကယ် တည်ဆောက်ပါက ယင်းငွေကြေးထက် ပိုမိုကုန်ကျမည်ဟု ခန့်မှန်းကြောင်း လွှတ်တော်ဥက္ကဋ္ဌက သုံးသပ်ပြောကြားသည်။

တိုင်းမြို့တော်၏ ဂုဏ်နှင့်ညီ သည့် ခမ်းနားထည်ဝါသော လွှတ် တော် အဆောက်အအုံ တည် ဆောက်ရန်ရည်ရွယ်ထားပြီး မြေ နေရာသည် အစိုးရပိုင်မြေနေရာ ဖြစ်၍ ဧရာဝတီ တိုင်းဒေသကြီးအစိုးရထံ မြေရရှိရေး ခွင့်ပြုချက် တောင်းခံထားသည်ဟု သိရသည်။

‘‘နေရာ ခုနစ်နေရာထဲကမှ လွှတ်တော် တည်ဆောက်ရေး ကော်မတီက ရွေးချယ်သတ်မှတ် ခဲ့တာပါ။ အစိုးရအဖွဲ့ကလည်း ဒီ နေရာမှာ လွှတ်တော်ဆောက်ဖို့ ခွင့် ပြုပေးမှာပါ။ ဒီရက်ပိုင်းအတွင်း မှာပဲ မြန်မာနိုင်ငံ ဗိသုကာအသင်း က အင်ဂျင်နီယာတွေလာပြီး မြေ အခြေအနေလေ့လာတာတို့၊ ဒီဇိုင်း ထုတ်တာတို့ လုပ်မယ်’’ ဟု လွှတ် တော်ဥက္ကဋ္ဌဦးအောင်ကျော်ခိုင်က ပြောသည်။

ယခင်အစိုးရလက်ထက်တွင် ဧရာဝတီ တိုင်းဒေသကြီး လွှတ် တော်တည်ဆောက်ရန် ပုသိမ်မြို့ နှင့် ခုနစ်မိုင်ကျော်ဝေးသည့် ဇင် ပြွန်းကုန်းကျေးရွာရှိ ပုသိမ်မှန်စက် ရုံအနီး၌ တည်ဆောက်ရန် လျာ ထားခဲ့သော်လည်း အကောင်အ ထည် မပေါ်ခဲ့ပေ။

‘‘ဒီပတ်ဝန်းကျင်မှာ လေ ယာဉ်ကွင်းရော လေယာဉ်မောင်း သင်တန်းကျောင်းရော ရှိတယ်။ အသံဆူညံမှုတွေရှိမှာ သေချာပေ မယ့် နည်းပညာအကူအညီယူပြီး အသံဆူညံမှုမဖြစ်အောင် ဆောင် ရွက်မယ်’’ဟု လွှတ်တော်ဥက္ကဋ္ဌက ပြောသည်။

Credit : 7Day Daily