နီပေါနိုင်ငံ၏ တစ်ဦးတည်းသော ဘီလျံနာ ဘိုင်နော့ဒ် ချောင်ဒရီ ပိုင်ဆိုင်သည့် CG Hotels and Resorts ကုမ္ပဏီက ဒူဘိုင်းတွင် Jumeirah Lake Towers အမည်ရှိ ဟိုတယ်သစ် တစ်လုံးကို စတင်ဆောက်လုပ်လျက်ရှိကြောင်း အရှေ့အလယ်ပိုင်းအခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။
CG Hotels and Resorts သည် လာမည့် ဇူလိုင်လတွင် ရ၀မ်ဒါနိုင်ငံ၊ ကီဂါလီတွင် လူနေအိမ်ရာသစ်တစ်ခုကို စတင်ရောင်းချပေးတော့မည်လည်း ဖြစ်သည်။
CG Hotels and Resorts သည် ယခုဟိုတယ်သစ်ကို အိန္ဒိယထိပ်တန်း developer ဖြစ်သော Taj Hotels Resorts and Palaces နှင့် ပူးပေါင်းဆောက်လုပ်မည်ဖြစ်ပြီး အခန်း ၂၀၀ ပါ ဇိမ်ခံဟိုတယ်များအဖြစ် တည်ဆောက်မည်ဖြစ်သည်။
CG Hotels and Resorts သည် အရှေ့အလယ်ပိုင်းနှင့် အာဖရိကတစ်လွှား မဟာဗျူဟာမြောက် ဈေးကွက်ဖြန့်ကျက်ရန် ရည်မှန်းထားချက်များကို ရ၀မ်ဒါနှင့် ဒူဘိုင်းတို့တွင် ဟိုတယ်များဆောက်လုပ်ခြင်းဖြင့် စတင်လိုက်ခြင်းလည်း ဖြစ်သည်။
CG Hotels and Resorts ၏ မဟာဗျူဟာပစ်မှတ်များမှာ အရှေ့အလယ်ပိုင်းတွင် မတ်စ်ကက်ထ်၊ အဘူဒါဘီ၊ ဒူဘိုင်း၊ ဒိုဟာ၊ ဆော်ဒီအာရေးဗီးယားနှင့် အီရန်တို့ဖြစ်ပြီး အာဖရိကတွင် ကီဂါလီ၊ နိုင်ရိုဘီ၊ ဒါအီးစလမ်၊ ကမ်ပါလာ၊ ဘူရွန်ဒီနှင့် မိုဇမ်ဘစ်တို့ ဖြစ်သြည်။
ယင်းမဟာဗျူဟာအရ CG Hotels and Resorts သည် ၂၀၂၀ ခုနှစ်တွင် ကမ္ဘာတစ်လွှား ဟိုတယ်ပေါင်း ၂၀၀ ကျော် အပြီးသတ် ဆောက်လုပ်နိုင်ရန် ရည်မှန်းထားပြီး ကမ္ဘာတစ်ဝန်းဟိုတယ်လုပ်ငန်းတွင် ဦးဆောင်နိုင်ရန် မျှော်မှန်းထားသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
