ကမ္ဘာကျော်သူဌေးကြီးလီကာရှင်းသည် မကြာသေး မီနှစ်များအတွင်းတရုတ်ပြည်မကြီးနှင့် ဟောင်ကောင်တို့ရှိ ၎င်းပိုင် အိမ်ခြံမြေများကို ပြန်လည်ရောင်းထုတ်လာသည်။
လီကာရှင်း၏ ချီအန်ကောင်(CK)အိမ်ခြံမြေလုပ်ငန်းသည် စင်္ကာပူရှိအိမ်ခြံမြေများ ၀ယ်ယူလာလျက်ရှိပြီး စင်္ကာပူ၏ လစ်ဘရယ်စီးပွားရေးပုံစံနှင့် တရားဥပဒေစိုးမိုးမှုတို့မှာ ၎င်းတို့လာရောက် ရင်းနှီးမြှုပ်နှံခြင်း၏ အခြေခံအကြောင်းရင်းဖြစ်ကြောင်းထုတ်ဖော်ပြောကြားသည်။
ဒေသတွင်းရှိရင်းနှီးမြှုပ်နှံသူများစွာမှာ ၎င်းတို့မည်သည့်ကဏ္ဍတွင် ရင်းနှီးမြှုပ်နှံရမည်ကိုမဆုံးဖြတ်နိုင်လျှင် ဟောင်ကောင် အချမ်းသာဆုံးပုဂ္ဂိုလ် လီကာရှင်း၏ ခြေလှမ်းများ ကိုအစဉ်တစိုက်စောင့်ကြည့်ကာဆုံးဖြတ်လေ့ရှိကြသည်။
ယခုအခါ လီကာရှင်း၏ ခြေလှမ်းများစင်္ကာပူသို့ ဦးလှည့်လာသည်ကိုထောက်ရှုခြင်းအားဖြင့် တရုတ်ပြည်မကြီး၏ စီးပွားရေးနှေးကွေးမှုနှင့် အန္တရာယ်ပြွမ်းသော အိမ်ခြံမြေဈေးကွက်မှာ မယုံကြည်ရသည့်အခြေအနေ ရှိကြောင်းခိုင်မာသည့် မဲတစ်ခုဖြစ်သည်ဟုလက်ခံထားကြသည်။
လီကာရှင်း၏ ကုမ္ပဏီများသည် ၂၀၁၃ ခုနှစ်မှ စတင်ကာတရုတ်ပြည်မကြီးနှင့် ဟောင်ကောင်တို့ရှိ ၎င်းတို့ပိုင်ဆိုင်သောအိမ်ခြံမြေများစွာကိုရောင်းထုတ် လျက်ရှိပြီးစင်္ကာပူတွင် အခွင့်အလမ်းသစ် များရှာဖွေ လျက်ရှိသည်။
CKကုမ္ပဏီသည် စင်္ကာပူတွင် ၎င်းတို့၏ အဌမမြောက် လူနေအိမ်ရာပရောဂျက်ကိုလာမည့်လအတွင်းစတင်အကောင်အထည်ဖော်ရန် စီစဉ်ထားသည်။
CKကုမ္ပဏီသည် မရီနာဘေးဒေသတွင် စတုရန်းမီတာ ၁၀၅၀၀၀ ရှိ ကူးသန်းရောင်းဝယ်ရေးဆိုင်ရာ အဆောက်အအုံ ပရောဂျက်တစ်ခုဆောက်လုပ်ရန်လည်း စိတ်ဝင်စားလျက်ရှိသည်။
CKကုမ္ပဏီသည် ယခင်နှစ်အတွင်းတရုတ်ပြည်၊ ရှန်ဟိုင်းတွင် ကူးသန်းရောင်းဝယ်ရေးဆိုင်ရာ အဆောက်အအုံပူဒေါင်ကိုဆောက်လုပ်လျက်ရှိရာမှ အဆောက်အအုံမပြီးမီတွင်ပင် ယွမ်ငွေ ၂၀ ဘီလီယံ (ကန်ဒေါ်လာ ၃ ဒသမ ၀၉ ဘီလီယံ )ဖြင့် ပြန်လည်ရောင်းချခဲ့သည်။
လီကာရှင်းသည် ၂၀၁၄ ခုနှစ်မှ စတင်ပြီး တရုတ်ပြည်မကြီးရှိ စုစုပေါင်းတန်ဖိုးကန်ဒေါ်လာ ၁ ဒသမ ၂ ဘီလီယံရှိ ၎င်းပိုင် အိမ်ခြံမြေများကို ပြန်လည်ရောင်းထုတ်နေခဲ့ခြင်း ဖြစ်သည်။
လီကာရှင်းကတရုတ်ပြည်မကြီးရှိပိုင်ဆိုင်မှုများအားလုံးရောင်းထုတ်ပြီးစင်္ကာပူတွင်အခြေချလာခြင်း၏ အကြောင်းရင်း ၃ ချက်ရှိရာ ၂ ချက်မှာ နိုင်ငံရေးအရဖြစ်သည်။
တရုတ်ပြည်မကြီးရှိပိုင်ဆိုင်မှုများကိုထုတ်ရောင်း လျက်ရှိခြင်းနှင့် စပ်လျဉ်း၍ တရုတ်အစိုးရပိုင် ဆင်ဟွာ သတင်းဌာနကလီကာရှင်းကို ပြစ်တင်ဝေဖန်ခဲ့သည်။
တရုတ်စီးပွားရေးနှေးကွေးကာအကျပ်ဆိုက်နေချိန်တွင် လီကာရှင်းသည် ပိုင်ဆိုင်မှုများကိုဆက်တိုက် ထုတ်ရောင်းကာတရုတ်အစိုးရအပေါ် အဆိုးမြင်မှု များ ပြန့်ပွားစေရန် ပြုမူလျက်ရှိကြောင်းဆင်ဟွာသတင်းဌာနက ဝေဖန်ခဲ့သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
