ဗီယက်နမ်နိုင်ငံက FECON Engineering and Underground construction ကုမ္ပဏီသည် မြန်မာနိုင်ငံတွင် ပထမဦးဆုံး
ရင်းနှီးမြှုပ်နှံမှုအဖြစ် ပြည်တွင်းကုမ္ပဏီတစ်ခုဖြစ်သည့် Super Rainbow ဆောက်လုပ်ရေးကုမ္ပဏီနှင့် အကျိုးတူပူးပေါင်းကာ သီလ၀ါဆိပ်ကမ်း တိုးချဲ့ခြင်းအပိုင်း၏ အခြေခံအုတ်မြစ်ချ ဆောက်လုပ်ရေးလုပ်ငန်းကို လုပ်ဆောင်သွားမည်ဖြစ်ကြောင်း အဆိုပါကုမ္ပဏီက သတင်းထုတ်ပြန်ထားသည်။
အဆိုပါ ဆောက်လုပ်ရေးလုပ်ငန်းအတွက် ဗီယက်နမ်-မြန်မာ ကုမ္ပဏီနှစ်ခု အကျိုးတူပူးပေါင်းမှု လုပ်ငန်းအတွက် FECON Rainbow Foundation Construction ကုမ္ပဏီလီမိတက်အဖြစ် တည်ထောင်ရန် အမျိုးသားစီမံကိန်းနှင့် စီးပွားရေးဖွံ့ဖြိုးတိုးတက်မှု
ဝန်ကြီးဌာန၏ ယာယီလိုင်စင်ကို နိုဝင်ဘာ ၂၄ ရက်တွင် ရရှိခဲ့သည်။
အဆိုပါ FECON Rainbow Foundation Construction ကုမ္ပဏီတွင် FECON ဗီယက်နမ်
ကုမ္ပဏီက ၇၅ ရာခိုင်နှုန်းနှင့် Super Rainbow မြန်မာကုမ္ပဏီက ၂၅ ရာခိုင်နှုန်း ရှယ်ယာပါဝင်ပြီး သီလ၀ါ ဆိပ်ကမ်းတိုးချဲ့ခြင်းအပိုင်း၏ အခြေခံအုတ်မြစ်ချခြင်း လုပ်ငန်းအစီအစဉ်များကို လာမည့် ၂၀၁၆ ခုနှစ်၊ ဇွန်လတွင် တရားဝင် စတင် လုပ်ကိုင်သွားမည်ဖြစ်သည်။
မြန်မာနိုင်ငံသည် ၂၀၁၅ ခုနှစ်အတွင်းတွင် အရေးပါလှသည့် ရွေးကောက်ပွဲ အောင်မြင်စွာကျင်းပနိုင်ပနိုင်ခဲ့သည့်အပြင် အာဆီယံစီပွားရေး အသိုက်အမြုံတစ်ခုအဖြစ် ပါဝင်လာသည့် အခြေအနေများရှိသည့်အတွက် မြန်မာနိုင်ငံသည် လာမည့် ၂၀၁၆ တွင် နိုင်ငံ၏ သယ်ယူပို့ဆောင်ရေး၊ စွမ်းအင်ထုတ်လုပ်ခြင်းနှင့် အိမ်ခြံမြေ လုပ်ငန်းများတွင်
ရင်းနှီးမြှုပ်နှံမှုတိုးလာနိုင်မည်ဟု မျှောက်မှန်းတွက်ဆ၍ ယခုကဲ့သို့ FECON Rainbow Foundation Construction ကုမ္ပဏီကို တည်ထောင်ခဲ့ခြင်း ဖြစ်သည်ဟု သိရသည်။
ထို့ပြင် ဂျပန်ကုမ္ပဏီများ အများဆုံး ရင်းနှီးမြှုပ်နှံသည့် မြန်မာနိုင်ငံ၏ စက်မှုလုပ်ငန်းများအနက် အဓိက ထုတ်လုပ်မှုစွမ်းအားရှိသည့်နေရာတစ်ခု ဖြစ်လာနိုင်သည်ဟု ယူဆသဖြင့် သီလ၀ါစက်မှုဇုန်အတွင်း အုတ်မြစ်ချ တည်ဆောက်ရေးလုပ်ငန်းအပြင် အခြားသော စီမံကိန်းများစွာကို လုပ်ဆောင်နိုင်ရန်အတွက်လည်း FECON ကုမ္ပဏီက မျှော်လင့်ကြောင်း သိရသည်။
Credit; Myanmar Times
