သီလဝါဆိပ်ကမ်း၌ ဂျပန်နိုင်ငံမှ တည် ဆောက်မည့် အထွေထွေကုန်တင်ဆိပ်ကမ်းနှင့် ကုန်သေတ္တာတင်ဆိပ်ကမ်း တည်ဆောက်ရေး ပထမအဆင့်လုပ်ငန်းများ ၂ဝ၁၅ ခုနှစ် မေလတွင် စတင်မည်ဖြစ်ကြောင်း မြန်မာ့ဆိပ်ကမ်းအာဏာပိုင်မှ မြို့ပြအင်ဂျင်နီယာချုပ်၏ ပြောကြားချက်အရ သိရသည်။
“အကြိုအရည်အချင်း စစ်ဆေးမှု တင်ဒါကို ဂျပန်ကုမ္ပဏီနှစ်ခုက အောင်မြင်ခဲ့ပါတယ်။ ဒါကြောင့် တည်ဆောက်ရေး တင်ဒါကို ဒီဂျပန်ကုမ္ပဏီနှစ်ခုထဲကနေပဲ ရွေးချယ်သွားမှာပါ။ ပထမအဆင့် တည်ဆောက်ရေးလုပ်ငန်းကို မေလလောက်မှာ စတင်ဖို့ စီစဉ်နေပါတယ်” ဟု မြန်မာ့ဆိပ်ကမ်း အာဏာပိုင်မှ မြို့ပြအင်ဂျင်နီယာချုပ် ဦးမြသန်းက ပြောကြားသည်။
သီလဝါဆိပ်ကမ်း၌ ဂျပန်နိုင်ငံမှ အိုဒီအေချေးငွေဖြင့် တည်ဆောက်မည့် အထွေထွေကုန်တင်ဆိပ်ကမ်းနှင့် ကုန်သေတ္တာတင် ဆိပ်ကမ်းတည်ဆောက်ရေး လုပ်ငန်းများ ၂ဝ၁၇ခုနှစ်တွင် ပြီးဆုံးနိုင်ရန် မျှော်မှန်းထားကြောင်း JICA မှ Chief Representative TANAKA Masahiko က ဖေဖော်ဝါရီလအတွင်းက ပြောကြားသည်။
သီလဝါဆိပ်ကမ်း၌ ဂျပန်နိုင်ငံမှ တည်ဆောက်မည့် အထွေထွေ ကုန်တင်ဆိပ်ကမ်းနှင့် ကုန်သေတ္တာတင်ဆိပ်ကမ်း တည်ဆောက်ရေးတင်ဒါအား ဂျပန်နိုင်ငံကုမ္ပဏီနှစ်ခုမှ အောင်မြင်ခဲ့ကြောင်း မြန်မာ့ဆိပ်ကမ်းအာဏာပိုင်မှ သိရသည်။
လက်ရှိတွင် သီလဝါဆိပ်ကမ်း၌ အထွေထွေကုန်စည် ကိုင်တွယ်နိုင်သော ဆိပ်ကမ်းအနေဖြင့် MITT နှင့် MIPL ဆိပ်ကမ်းနှစ်ခုသာရှိပြီး၊ အထွေထွေကုန်စည်တင် ဆိပ်ခံတံတားတစ်စင်းမှာ တည်ဆောက်ဆဲဖြစ်ကြောင်း သိရသည်။
သီလဝါဆိပ်ကမ်း တိုးချဲ့တည်ဆောက်ရန် ပို့ဆောင်ရေးဝန်ကြီးဌာန၊ မြန်မာ့ဆိပ်ကမ်း အာဏာပိုင်အနေဖြင့် ဂျပန်နိုင်ငံမှ အိုဒီအေချေးငွေ အမေရိကန်ဒေါ်လာ သန်း ၂၄ဝ အနက်မှ ပထမအဆင့်အတွက် အမေရိကန်ဒေါ်လာ ၉၄ သန်းအား ရရှိထားကြောင်း သိရသည်။
သီလဝါဒေသတွင် ဆိပ်ကမ်းများ တည်ဆောက်ရန် မြေကွက်တစ်ကွက်လျှင် မျက်နှာစာအလျား မီတာ ၂ဝဝ၊ ကုန်းတွင်းဘက်သို့ ကီလိုမီတာ ၇၅ဝ (အကျယ် ၃၇ ဒသမ ဝ၆ ဧက)ရှိ မြေကွက် ၃၇ ကွက်ကို တိုးချဲ့ဖော်ထုတ်ခဲ့သည်။ ယင်းမြေကွက် ၃၇ ကွက်အနက်မှ မြေကွက် ၂၇ ကွက်တွင် ကုမ္ပဏီအသီးသီးမှ ဆိပ်ကမ်းများ တည်ဆောက်ထားပြီး၊ မြေကွက် ၁ဝ ကွက်မှာ နေရာလွတ် ကျန်ရှိနေသည်။ အဆိုပါ မြေကွက် ၁ဝ ကွက်အနက်မှ မြေကွက် ငါးကွက်အား မြန်မာ့ဆိပ်ကမ်းအာဏာပိုင်မှ ဂျပန်အိုဒီအေချေးငွေဖြင့် ဆိပ်ကမ်းတည်ဆောက်မည်ဖြစ်သည်။
Credit: eleven media group
