သီလ၀ါ အထူးစီးပွားရေးဇုန် အပိုင်း(က)အတွက် ရောင်းချခဲ့သည့် အစုရှယ်ယာတန်ဖိုး ကျပ် ၂၁ ဘီလျံအပြင် ရှယ်ယာများ ထပ်မံရောင်းချဦးမည် မဟုတ်

သီလ၀ါအထူးစီးပွားရေးဇုန်အပိုင်း(က)အတွက် ရောင်းချခဲ့သည့် အစုရှယ်ယာတန်ဖိုး ကျပ် ၂၁ ဘီလျံအပြင် ရှယ်ယာ ထပ်မံရောင်းချပေးဦးမည် မဟုတ်ကြောင်း Myanmar Thilawa SEZ Holdings Public Limited ၏ Managing Director ဦးသိန်းဟန်က ပြောကြားသည်။

သီလ၀ါ အထူးစီးပွားရေးဇုန် အစုရှယ်ယာများကို ဘဏ်များမှတစ်ဆင့် ၂၀၁၄ ခုနှစ် မတ် ၃ ရက်တွင် စတင်ရောင်းချခဲ့ပြီး ရှယ်ယာတစ်စုလျှင် ကျပ် ၁၀၀၀၀ နှုန်းဖြင့် ရောင်းချခဲ့ကာ ရှယ်ယာအရေအတွက် ၂ ဒသမ ၁၄၅ သန်း၊ ကျပ် ၂၁ ဘီလျံဖိုး ရောင်းချခဲ့ကြောင်း သိရသည်။

“သီလ၀ါရှယ်ယာတွေကပထမရောင်းချပြီးခဲ့တဲ့၂၁ဘီလျံအပြင် လတ်တလောမှာ ထပ်မံရောင်းချပေးဖို့ မရှိသေးဘူး။ လုပ်ငန်းလိုအပ်ချက် အရနဲ့ Board of Director အစည်းအဝေးနဲ့ ဆုံးဖြတ်ပြီးမှပဲ ထပ်မံရောင်းချပေးမှာပါ” ဟု ဦးသိန်းဟန်က ဆက်လက်ပြောကြားသည်။

သီလ၀ါ ရှယ်ယာများကို ရောင်းချစဉ်က ၀ယ်ယူသူ များပြားခဲ့ပြီး ရောင်းချရန် လျာထားသည့် အရေအတွက် ၂ ဒသမ ၁၄၅ သန်းထက် ကျော်လွန်ကာ ၀ယ်ယူရန် အဆိုပြုသည့် ရှယ်ယာစုစုပေါင်း လေးသန်းကျော် ရှိခဲ့ကြောင်း သိရသည်။

ယင်းအဆိုပြုသူများအနက် ရှယ်ယာအစု တစ်စုလျှင် ကျပ် ၁၀၀၀၀ မှ အစု ၅၀၀ ကျပ်သိန်း ၅၀ အထိ ၀ယ်ယူရန် အဆိုပြုသူ အားလုံးသည် မိမိဝယ်ယူရန် အဆိုပြုသည့် ပမာဏအတိုင်း ရရှိခဲ့ပြီး ရှယ်ယာအစု ၅၀၀၊ ကျပ်သိန်း ၅၀၀ အထက် ၀ယ်ယူရန် အဆိုပြုသူများမှာမူ အချိုးကျစနစ်ဖြင့် ရရှိခဲ့ကြောင်း သိရသည်။

ရှယ်ယာများကို ရောင်းချခဲ့ရာတွင်လည်းရှယ်ယာအနည်းငယ် ၀ယ်ယူသူကို ဦးစားပေး ရောင်းချခဲ့ကာ ကျန်ရှိသည့် ရှယ်ယာများမှာရှယ်ယာများများဝယ်ယူလိုသူများထံ နိုင်ငံတကာ ထုံးစံအတိုင်း Pro-rata စနစ်ဖြင့် အချိုးကျ ရောင်းချပေးခဲ့ကြောင်း သိရသည်။

ထို့အပြင်သီလ၀ါရှယ်ယာများကို ပြန်လည်အရောင်းအ၀ယ် ပြုလုပ်နိုင်သည့်သီလ၀ါအစုရှယ်ယာများလွှဲပြောင်းခြင်းနှင့် ရောင်းဝယ်ခြင်း၊ မှတ်ပုံတင်ခြင်း ၀န်ဆောင်မှုဌာနကို အစုရှယ်ယာရှင်များအား ရှယ်ယာရောင်းဝယ်ခြင်းများ လွယ်ကူ အဆင်ပြေစေရန်အတွက် ၂၀၁၄ ခုနှစ် အောက်တိုဘာလအတွင်းက ကုန်သည်စက်မှု အသင်းချုပ်ရုံးတွင် ဖွင့်လှစ်ပေးခဲ့ကြောင်း သိရသည်။

ယင်းဝန်ဆောင်မှုဌာနတွင်ဝယ်ယူထားသည့်အစုရှယ်ယာရှင်များ အနေဖြင့် မိမိရှယ်ယာများကို ပြန်လည်ရောင်းချနိုင်ပြီး ထပ်မံဝယ်ယူလိုသူများ အနေဖြင့်လည်း ၀ယ်ယူလိုသည့် လျှောက်လွှာတင်ရန် လိုအပ်ကြောင်း သိရသည်။ အဆိုပါ ဌာနတွင် လက်ရှိ သီလ၀ါ အစုရှယ်ယာ တစ်စုလျှင် ကျပ် ၂၀၀၀၀ ၀န်းကျင် ပေါက်ဈေးရှိနေကြောင်း သိရသည်။

သီလ၀ါ အထူးစီးပွားရေးဇုန်ကို ၂၀၁၃ နိုဝင်ဘာ ၃၀ ရက်တွင် စတင်အကောင်အထည် ဖော်ခဲ့ပြီး ၂၀၁၅ နှစ်လယ်ပိုင်းတွင် စတင်ကာ စီးပွားဖြစ် လည်ပတ်မည်ဖြစ်ကြောင်း သိရသည်။ သီလ၀ါ အထူးစီးပွားရေးဇုန်သည် မြန်မာအစိုးရနှင့် ဂျပန်အစိုးရတို့ ပူးပေါင်းဆောင်ရွက်သည့်စီမံကိန်းဖြစ်ပြီး မြန်မာပူးပေါင်းကော်ပိုရေးရှင်းအဖွဲ့ (Myanmar Consortium) မှ ၅၁ ရာခိုင်နှုန်း၊ ဂျပန်ပူးပေါင်းကော်ပိုရေးရှင်းအဖွဲ့ (Japanese Consortium) မှ ၄၉ ရာခိုင်နှုန်း ထည့်ဝင်ထားကြောင်း သိရသည်။

Credit : Eleven