ထိုင်း နာမည်ကြီးအဆိုတော် ကောင်းဟွေးရိုင်းက ငလျင်ကြောင့် အဆောက်အအုံပြိုကျသည့်အထဲတွင် မိဘ ၂ ပါး ပါသွားခဲ့ရသည့် ၁၉ နှစ်အရွယ် မိန်းကလေးတစ်ဦးကို သမီးအဖြစ် မွေးစားကာ တစ်ဘဝလုံး စောင့်ရှောက် ပေးသွားမည်ဟု ကြေညာ

((အဆိုတော် ကောင်းဟွေးရိုင်း၏ အချက်အလက်များ))

● အမည် - ကောင်းဟွေးရိုင်း (Kong Huayrai) ● ထိုင်းအဆိုတော် ၊ ရုပ်ရှင်သရုပ်ဆောင် ● မွေး- ၁၉၈၇ ခုနှစ်၊ ဧပြီလ ၁ ရက် (အသက် ၃၈ နှစ်) ● မွေးဖွားသည့်ဒေသ- ထိုင်းနိုင်ငံ၊ Wanon Niwat ခရိုင် ● အရပ်အမြင့်- ၁ ဒသမ ၆၅ မီတာ (၅ ပေ ၅ လက်မ)

ထိုင်းတွင် ငလျင်လှုပ်ခတ်မှုကြောင့် အဆောက်အအုံပြိုကျမှုများ ဖြစ်ပွားခဲ့ရာ မိန်းကလေးတစ်ဦး၏ ဖခင်ဖြစ်သူမှာ သေဆုံးသွားခဲ့ပြီး မိခင်မှာ အဆောက်အအုံထဲတွင် ပိတ်မိနေဆဲဖြစ်ကာ ကယ်ထုတ်ရန် စောင့်စားနေရသည်။

၎င်းတွင် အသက် ၇ နှစ်အရွယ် မောင်လေးနှင့် သက်ကြီးရွယ်အို အဘွားဖြစ်သူတို့ရှိသည်။

မိဘများမရှိတော့သော အခြေအနေတွင် လူမမယ် ကလေးငယ်နှင့် အိုမင်းမစွမ်းအဘွားတို့ကို စောင့်ရှောက်ရမည့် တာဝန်မှာ အသက် ၁၉ နှစ်သာရှိသေးသော မိန်းကလေး၏ ပုခုံးပေါ်သို့ ရောက်လာသည်။

ထိုင်းနာမည်ကြီးအဆိုတော် ကောင်းဟွေးရိုင်းက ထိုမိန်းကလေးကို သမီးအဖြစ် မွေးစားကာ ဘဝတလျှောက်လုံး စောင့်ရှောက်ပေးသွားမည်ဟု ကြေညာလာရာ ထိုင်းလူမှုကွန်ရက်သုံးစွဲသူတို့အကြား များစွာပျံ့နှံ့ဂယက်ရိုက်နေသည်။

ကောင်းဟွေးရိုင်းသည် ယခင်ကလည်း အတိဒုက္ခရောက်နေသည့် ကလေးငယ်တစ်ဦးကို မွေးစားခဲ့ဖူးသည်။

၂၀၂၂ ခုနှစ်အတွင်း ထိုင်းနိုင်ငံ ၊ Khon Kaen ပြည်နယ်ရှိ လမ်းဆုံတစ်ခုတွင် ဖိနပ်မပါ ခြေဗလာဖြင့် ပန်းကုံးများရောင်းကာ နာမကျန်းဖြစ်နေသော အဘွားနှင့် ညီမငယ်တို့ကို ရှာဖွေကျွေးမွေးနေသည့် ၄ တန်းကျောင်းသားကလေး တီလီကို ကောင်းဟွေးရိုင်း အမှတ်မထင် တွေ့ရှိခဲ့သည်။

တီလီသည် မိခင်ကြီး ရုတ်တရက်ကွယ်လွန်သွားပြီးနောက် အိပ်ယာထဲလဲနေသော အဘွားနှင့် ညီမငယ်တို့ကို ပန်းရောင်းကာ ရှာကျွေးနေရသူ ဖြစ်သည်။

တီလီက ကောင်းဟွေးရိုင်းကို မြင်လိုက်သည်နှင့် နာမည်ကြီးတစ်ယောက်မှန်း ချက်ချင်းသိသည်။

ကောင်းဟွေးရိုင်းက တီလီ၏ ပန်းကုံးအားလုံးကို ဝယ်ယူလိုက်ပြီး အိမ်ပြန်အနားယူရန် ပြောခဲ့ရာ တီလီမှာ များစွာ အံ့သြစိတ်လှုပ်ရှားခဲ့ရသည်။

ယင်းနောက်ပိုင်း ကောင်းဟွေးရိုင်းသည် တီလီ့ထံ ပြန်လည်သွားရောက်ခဲ့ကာ ဖိနပ်သစ်တစ်ရံနှင့် Scooter တစ်စင်း ဝယ်ပေးခဲ့သည်။

ထိုစဉ်က လူမှုကွန်ရက်တွင် ကောင်းဟွေးရိုင်း ရေးသားဖော်ပြခဲ့သည်မှာ “ကျွန်တော် တီလီနဲ့ ပတ်သက်ပြီး မပြောဖြစ်တာ ကြာပြီ။ ပန်းရောင်းတာရပ်ပြီး ကျောင်းစာကိုပဲ အာရုံစိုက်ဖို့ အခု သူ့ကို ပြောခဲ့ပါတယ်။ ငွေအတွက်ကတော့ သူ့အဖေက သူဌေးပါ” ဟု ဆိုသည်။

ကောင်းဟွေးရိုင်းက ကွန်မန့်တွင် ရှင်းပြသည်မှာ တီလီသည် အဘွားဖြစ်သူနှင့် နေထိုင်နေဆဲဖြစ်ကြောင်း၊ ကြွယ်ဝချမ်းသာသောဖခင်ဆိုသည်မှာ မိမိကိုယ်ကို ရည်ညွှန်းခြင်းဖြစ်ကြောင်း၊ တီလီအတွက် မိမိပံ့ပိုးကူညီ သွားမည်ဖြစ်ကြောင်း ပြောသည်။

တီလီကို တွေ့နေကျ လမ်းဆုံတွင် မတွေ့သည်မှာ အတော်ကြာပြီဖြစ်ကြောင်း များစွာသောသူတို့က မှတ်ချက်ပြုသည်။

ကောင်းဟွေးရိုင်း၏ ပရိသတ်တို့က သူ၏ စာနာမှုနှင့် ရက်ရောမှုတို့ကို ချီးကျူးသည့်အပြင် တီလီ၏ ချစ်စရာကောင်းအောင် နေထိုင်တတ်မှုကိုလည်း ချီးကျူးကြသည်။

ထို့နောက် ထိုကလေးငယ်၏ ဘဝသစ်အတွက် ဝမ်းမြောက်ကြောင်း မှတ်ချက်ပြုကြသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Thai star Kong Huayrai becomes ‘rich father’ to boy in need