ဗြိတိန်တော်ဝင်မင်းသားဟယ်ရီ၏ ကြင်ယာတော် မီဂန်မာကယ်နှင့် ရုပ်ရှင်မင်းသမီး ဂွင်းနက် ပက်ထရိုးတို့စံအိမ်များအနီး ဒိတ်ဒိတ်ကြဲ အိမ်နီးချင်းသစ်တစ်ဦးတိုးလာ

ဒိတ်ဒိတ်ကြဲကြယ်ပွင့်များ အခြေချနေထိုင်သော ကယ်လီဖိုးနီးယားပြည်နယ်၊ မွန်တီစီတိုမြို့သို့ အခြားထိပ်သီးကြယ်ပွင့်တစ်ဦး ထပ်မံရောက်ရှိလာသည်။ ထိုသူကား ဂျနီဖာ အန်နစ္စတန် ဖြစ်သည်။

အသက် ၅၆ နှစ်ရှိပြီဖြစ်သော ဂျနီဖာ အန်နစ္စတန်သည် မွန်တီစီတိုတွင် အော်ပရာဝင်းဖရေး၏ နေအိမ်ကို ၂၀၂၂ ခုနှစ်၊ စက်တင်ဘာလအတွင်းက ကန်ဒေါ်လာ ၁၄ ဒသမ ၈ သန်းဖြင့် ဝယ်ယူခဲ့ခြင်း ဖြစ်သည်။

ဂျနီဖာ အန်နစ္စတန်သည် အဆိုပါ စံအိမ်ကို ဝယ်ယူပြီးနောက်ပိုင်း ပြန်လည်ပြုပြင်မွမ်းမံမှုများစွာ ပြုလုပ်နေခဲ့သည်။

စံအိမ်တွင် အိပ်ခန်း ၄ ခန်း၊ ရေချိုးခန်း ၃ ခန်းအပြင် ရေကူးကန်တစ်ခုလည်း ပါဝင်သည်။

မကြာသေးမိက ထွက်ပေါ်လာခဲ့သော ကောင်းကင်ဓာတ်ပုံများအရ အဆိုပါစံအိမ်တွင် ပြုပြင်မွမ်းမံမှုများ ပြုလုပ်နေသည်မှာ လက်စသတ်တော့မည်ဖြစ်ကြောင်း တွေ့ရသည်။

ဂျနီဖာ အန်နစ္စတန်က ယခုအိမ်ကို သူ၏ ပင်မနေအိမ်အဖြစ် အသုံးပြုသွားဖွယ်ရာ ရှိသည်ဟူသော ခန့်မှန်းချက်များလည်း ထွက်ပေါ်နေသည်။

(ပုံတွင်တွေ့ရသည်မှာ ဂျနီဖာအန်နစ္စတန် မဝယ်သေးမီက ရိုက်ကူးထားသော မြင်ကွင်းဖြစ်ပြီး ယခင်က အော်ပရာဝင်းဖရေး ပိုင်ဆိုင်ခဲ့သော စံအိမ်ဖြစ်သည်။ ဓာတ်ပုံ-BACKGRID)

(▲ ကောင်းကင်ဓာတ်ပုံများအရ ဂျနီဖာအန်နစ္စတန်သည် စံအိမ်ဝန်းအတွင်း ရေကူးကန်တစ်ခု ဖြည့်သွင်း ဆောက်လုပ်ခဲ့ပုံကို တွေ့ရသည်။ ဓာတ်ပုံ-BACKGRID)

(▲ ဂျနီဖာ အန်နစ္စတန်သည် နေအိမ်ကို ပြုပြင်မွမ်းမံမှုများ ပြုလုပ်နေမှုမှာ အပြီးသတ်လုရှိသည်ကို တွေ့ရပြီး အဆိုပါစံအိမ်တွင် အမြဲအခြေချနေထိုင်ဖွယ်ရှိသည်ဟူသော ခန့်မှန်းချက်များ ထွက်ပေါ်နေ သည်။ ဓာတ်ပုံ-BACKGRID)

(▲ ဂျနီဖာ အန်နစ္စတန်သည် လက်ရှိအားဖြင့် လော့စ်အိန်ဂျလိမြို့တွင် နေထိုင်နေသည်။ အန်နစ္စတန် သည် လော့စ်အိန်ဂျလိမြို့၊ Bel Air အရပ်ရှိ စံအိမ်တွင် ၂၀၁၂ ခုနှစ်ကတည်းက နေထိုင်နေခြင်း ဖြစ်သည်။ ဓာတ်ပုံ-AFP Via Getty Images)

ဂျနီဖာ အန်နစ္စတန်၏ လော့စ်အိန်ဂျလိစံအိမ်မှာ ကန်ဒေါ်လာ ၂၁ သန်းခန့် တန်ကြေးရှိသည်။

မကြာသေးမီ ကာလများအတွင်း လော့စ်အိန်ဂျလိကို ကျောခိုင်းသည့် ထိပ်သီးကြယ်ပွင့်များ အများအပြား ရှိခဲ့သည်။

ပြီးခဲ့သောနှစ်အတွင်း ဂွင်းနက်ပက်ထရိုးက Tinseltown ရှိ သူ၏နေအိမ်ကို အရောင်းဈေးကွက်တင်ခဲ့ပြီး မွန်တီစီတိုသို့ ပြောင်းရွှေ့ခဲ့သည်။

လော့စ်အိန်ဂျလိကို ကျောခိုင်းသွားသူများတွင် Cameron Diez နှင့် Adam Levine တို့လည်း အပါအဝင် ဖြစ်သည်။

ဗြိတိန်တော်ဝင်မင်းသားဟယ်ရီနှင့် မီဂန်မာကယ်တို့သည် မွန်တီစီတိုတွင် ၂၀၂၀ ပြည့်နှစ်ကတည်းက အခြေချနေထိုင်နေခြင်း ဖြစ်သည်။

ဂျနီဖာ အန်နစ္စတန်နှင့် ဂွင်းနက်ပက်ထရိုးတို့သည် နီးကပ်သော ဆက်ဆံရေးရှိကြသည်ဟု လူသိများသည်။

ယခုအခါ ၎င်းတို့မှာ မီဂန်မာကယ်နှင့်လည်း အိမ်နီးချင်းများ ဖြစ်လာကြသည်။

(▲ ဂျနီဖာ အန်နစ္စတန်၏ မွန်တီစီတို စံအိမ်မှာ မြေထဲပင်လယ်ဗိသုကာဟန်ဖြင့် ဆောက်လုပ်ထားပြီး အကျယ်အဝန်း စတုရန်းပေ ၄၃၂၀ ရှိကာ ပင်လယ်ပြင်၏ ရှုမျှော်ခင်းများ ပိုင်ဆိုင်ထားသည်။ ဓာတ်ပုံ- BACKGRID)

(▲ အိပ်ခန်း ၄ ခန်းနှင့် ရေချိုးခန်း ၃ ခန်းပါသော စံအိမ်ဖြစ်ပြီး ယခင်က အော်ပရာ ဝင်းဖရေး ပိုင်ဆိုင်ခဲ့ သည်။ အော်ပရာ ဝင်းဖရေးမှာ ယခုအခါ အနီးရှိ ပိုမိုကြီးမားသော စံအိမ်တစ်လုံးတွင် နေထိုင်လျက် ရှိသည်။ ဓာတ်ပုံ-BACKGRID)

(▲ ဂွင်းနက်ပက်ထရိုးက Tinseltown ရှိ စံအိမ်ကို ရောင်းချပြီး မွန်တီစီတိုသို့ ပြီးခဲ့သောနှစ်အတွင်း ပြောင်းရွှေ့ခဲ့သည်။)

(▲ ဂွင်းနက်ပက်ထရိုးနှင့် ဟယ်ရီ၏ ကြင်ယာတော် မီဂန်မာကယ်တို့မှာ မွန်တီစီတိုတွင် မိတ်ဆွေသူငယ်ချင်းများ ဖြစ်နေကြသည်။)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Meghan Markle and Gwyneth Paltrow are getting a new neighbor: Jennifer Aniston puts finishing touches on $15M Montecito mansion Photo Credit-BACKGRID, AFP Via Getty Images