ပြည်ပ အိမ်ခြံမြေ သတင်း | Posted by နှင်းအိခင်
အိန္ဒိယနိုင်ငံတွင် Dukaan အမည်ရှိ e-Commerce ကုမ္ပဏီတစ်ခု၏ စီအီးအို Suumit Shah သည် အလိုအလျောက်စနစ်ကို အမြင့်ဆုံးအဆင့်အထိ အသုံးပြုသွားရန် ဆုံးဖြတ်ခဲ့သည်။
၂၀၂၃ ခုနှစ်၊ နွေရာသီတွင် Shah က ဆုံးဖြတ်ချက်တစ်ခု ရဲဝံ့စွာချမှတ်ခဲ့ပြီး ဝန်ထမ်း ၉၀ ရာခိုင်နှုန်းနီးပါးကို အလုပ်ထုတ်လိုက်ကာ ၎င်းတို့၏နေရာတွငသ် AI-powered chatbot များဖြင့် အစားထိုးခဲ့သည်။
လုပ်ငန်းလည်ပတ်မှု ကုန်ကျစရိတ်လျှော့ချရန်နှင့် စွမ်းဆောင်ရည်တိုးတက်လာစေရန် ရည်ရွယ်ချက်ဖြင့် ထိုသို့ လုပ်ဆောင်ခဲ့ခြင်းဖြစ်သည်။
Shah ၏ လုပ်ဆောင်ချက်အပေါ် အပြင်းအထန် ဝေဖန်ဆွေးနွေးကြမှုများ ပေါ်ပေါက်လာလျက် ရှိနေသည်။
ထိုသို့လုပ်ဆောင်ခဲ့ပြီး တစ်နှစ်အကြာတွင် Shah က သူ၏ ဆုံးဖြတ်ချက်ကို ပြန်လည်သုံးသပ်ခဲ့ရာ အောင်မြင်မှု ရခဲ့သော ခြေလှမ်းတစ်ခုဖြစ်သည်ဟု ဆိုသည်။
((AI နည်းပညာသုံး Customer ဝန်ဆောင်မှု))
Shah က ပြောပြသည်မှာ သူ၏ ကုမ္ပဏီတွင် AI နည်းပညာကို အကောင်အထည်ဖော်ခဲ့ရာတွင် Customer ဝန်ဆောင်မှုပိုင်း၌ ကြီးမားသည့် တိုးတက်မှုများ ရှိလာကြောင်း ပြောသည်။
Customer တို့ကို တုံ့ပြန်မှုအပိုင်းတွင် ယခင်က ၂ မိနစ်နီးပါး ကြာခဲ့ရာမှ ယခုအခါတွင် ချက်ချင်းတုံ့ပြန်မှု ပေးလာနိုင်ကြောင်း ၎င်းက ပြောသည်။
ထို့အပြင် customer တို့၏ ပြဿနာများကို ဖြေရှင်းပေးမှုအပိုင်းတွင် ယခင်က ၂ နာရီကျော် ကြာမြင့်ခဲ့ရာမှ ယခုအခါ မိနစ်အနည်းငယ်သာ ကြာတော့သည်ဟု ဆိုသည်။
နောက်ပိုင်းတွင် ပိုမိုထိရောက်မှုနှင့် customer experience တို့ ပိုမိုကောင်းမွန်မှုရလာမည်ဖြစ်ကြောင်း ၎င်းက အခိုင်အမာပြောသည်။
ဝေဖန်ထောက်ပြသူတို့ကမူ Customer ဝန်ဆောင်မှုအပိုင်းတွင် လူသားတို့၏ ရှုထောင့်ပုံစံကို အစားထိုး၍ မရနိုင်ကြောင်း၊ ဤမျှကြီးမားစွာ အလိုအလျောက်စနစ် အားကိုးလာခြင်းမှာ အနာဂတ် အလုပ်အကိုင် အခွင့်အလမ်းအတွက် ကြီးမားသည့် အန္တရာယ်ကြီးဖြစ်လာန်ိုင်ကြောင်း ဝေဖန်ကြသည်။
((AI က လူသားတို့၏ အလုပ်နေရာများတွင် အစားထိုးဝင်ရောက်လာမှု))
လူသားဝန်ထမ်းတို့၏ အလုပ်အကိုင်နေရာများတွင် AI က အစားထိုးဝင်ရောက်မှုနှင့် စပ်လျဉ်းပြီး နှစ်ပေါင်းများစွာ ဆွေးနွေးငြင်းခုံခဲ့ကြပြီး ဖြစ်သည်။
လူသားဝန်ထမ်းတို့နေရာတွင် စက်ယန္တရားများ ကြီးစိုးလာသည့် အနာဂတ်ကို သိပ္ပံဆန်းကြယ် ရုပ်ရှင်များပင် ရိုက်ကူးလာကြသည်။
ယနေ့အချိန်တွင် AI ၏ စွမ်းပကား ပိုမိုမြင့်မားလာသည်နှင့်အမျှ အဆိုပါအငြင်းအခုံမှာလည်း ဆက်လက်ကြီးထွားလာနေသည်။
အချို့ကမူ ထပ်တလဲလဲ လုပ်ရသော အချိန်ကုန်သည့်အလုပ်မျိုးကို AI ဖြင့် အစားထိုးခြင်းမှာ ထုတ်လုပ်နိုင်စွမ်း ပိုမိုမြင့်မားသောကြောင့် အပြုသဘောဆောင်သည့် ပြောင်းလဲမှုဖြစ်ကြောင်း ရှုမြင်ကြသည်။
အချို့ကမူ မကြာမီ ရင်ဆိုင်ရတော့မည့် ခြိမ်းခြောက်မှုကြီးတစ်ခုအဖြစ် ရှုမြင်ကြသည်။
အလိုအလျောက်စနစ်သုံးခြင်းများ အကျယ်တဝင့်ဖြစ်လာနေခြင်းကြောင့် အလုပ်လက်မဲ့များ အလွန်များပြားလာမည်ဟု သတိပေးလာကြသည်။
((AI နှင့် လုပ်ငန်းခွင် အနာဂတ်))
Dukaan ၏ AI သို့ ကူးပြောင်းမှုမှာ သာဓက တစ်ခုမျှသာ ဖြစ်သည်။
Amazon, Google နှင့် Tesla တို့ကဲ့သို့ ကမ္ဘာပေါ်ရှိ ထိပ်သီးကော်ပိုရေးရှင်းကြီးများမှာ အလိုအလျောက်စနစ်အတွက် ကြီးမားစွာ ရင်းနှီးမြှုပ်နှံမှုများ ပြုလုပ်လာနေသည်။
လက်ရှိအချိန်တွင် မေးခွန်းပြောင်းလဲသွားခဲ့ပြီ ဖြစ်သည်။
AI က လူသားတို့၏ အလုပ်များကို ဝင်ရောက်နေရာယူတော့မည်လားဟူသော မေးခွန်း မေးရတော့မည့်အချိန် မဟုတ်တော့။
မည်မျှ မြန်မြန်ဆန်ဆန်နှင့် ကျယ်ကျယ်ပြန့်ပြန့် နေရာယူလာမလဲဟု မေးခွန်းထုတ်ရန်သာ ကျန်တော့သည်။
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: A Year After Laying off Almost All His Staff and Replacing Them with an AI, This Indian Entrepreneur Shares an Unexpected Balance Sheet!
