မိမိကိုယ်ကို အဆုံးစီရင်သွားသော အော်စကာဆုရှင်၊ အမေရိကန်သရုပ်ဆောင် Robin Williams ၏ ဆန်ဖရန်စစ္စကို စံအိမ် ကန်ဒေါ်လာ ၁၈ သန်းဖြင့် အရောင်းအဝယ်ဖြစ်

အော်စကာဆုရှင် ရုပ်ရှင်သရုပ်ဆောင် ရော်ဘင် ဝီလျံစ် (Robin Williams) (ကွယ်လွန်) က သားသမီးများကို ဆယ်စုနှစ် ၂ ခု ကျော် ပြုစုပျိုးထောင်ပေးခဲ့သော ဆန်ဖရန်စစ္စကိုမှ စံအိမ်တစ်လုံး ကန်ဒေါ်လာ ၁၈ သန်းဖြင့် အရောင်းအဝယ် ဖြစ်သွားသည်။

အီတလီ ရီနေးဆင်းဗိသုကာဟန်ဖြင့် ၁၉၂၆ ခုနှစ်က ဆောက်လုပ်ခဲ့ခြင်း ဖြစ်သည်။

ဆန်ဖရန်စစ္စကိုမြို့၊ Sea Cliff အရပ်တွင် တည်ရှိပြီး ၃ ထပ်အဆောက်အအုံဖြစ်ကာ အကျယ်အဝန်း စတုရန်းပေ ၁၁၀၀၀ နီးပါးရှိကြောင်း Kron4 သတင်းဌာနက ဖော်ပြသည်။ ဆန်ဖရန်စစ္စကိုမြို့၊ El Camino Del Mar လမ်း၊ အမှတ် ၅၄၀ တွင် တည်ရှိပြီး Golden Gate တံတားကြီး၊ Marin Headlands ပန်းဥယျာဉ်နှင့် ပစိဖိတ်သမုဒ္ဒရာတို့၏ ရှုမျှော်ခင်းများ ပိုင်ဆိုင်ထားသည်။

ရော်ဘင်ဝီလျံစ်သည် Good Will Hunting ဇာတ်ကားတွင် စိတ်ပညာရှင်အဖြစ် ပါဝင်သရုပ်ဆောင်ကာ အော်စကာဆု ရရှိခဲ့ခြင်းဖြစ်သော်လည်း ၎င်းအား ပိုမိုလူသိများစေသည်မှာ Jumanji ဇာတ်ကားဖြင့် ဖြစ်သည်။

(ရော်ဘင်ဝီလျံစ်တို့ ဇနီးမောင်နှံက ၁၉၉၁ ခုနှစ်က ကန်ဒေါ်လာ ၃ ဒသမ ၁ သန်းဖြင့် ဝယ်ယူခဲ့ခြင်း ဖြစ်သည်။ ဓာတ်ပုံ-OpenHomes)

(Jumanji ရုပ်ရှင်မိတ်ဆက်ပွဲတွင် ရော်ဘင်ဝီလျံစ်ကို ဇနီးဟောင်း မာရှာ ဝီလျံစ်၊ သားသမီးများနှင့်အတူ တွေ့ခဲ့ရပုံ။ ဓာတ်ပုံ-Ron Galella Collection via Getty Images)

ဗိသုကာပညာရှင် Earle Bertz က ဒီဇိုင်းရေးဆွဲခဲ့ခြင်းဖြစ်ပြီး ခေတ်ဟောင်း၏ အလှတရားတို့ကို ခမ်းနားမှုဖြင့် ပေါင်းစည်းထားသည်။

အိပ်ခန်း ၆ ခန်း၊ ရေချိုးခန်း ၆ ခန်းနှင့် ကောင်းစွာထိန်းသိမ်းမွမ်းမံထားသော ပန်းဥယျာဉ်တို့ ပါဝင်သည်။

Good Will Hunting ဇာတ်ကားဖြင့် အော်စကာဆုရခဲ့သူ ရော်ဘင်ဝီလျံစ်သည် ယခုနေအိမ်ကို ဇနီးဟောင်း ရုပ်ရှင်ထုတ်လုပ်သူ Marsha Garces Williams နှင့်အတူ ဝယ်ယူခဲ့ခြင်း ဖြစ်သည်။

ရော်ဘင်ဝီလျံစ်တို့ စုံတွဲသည် ယခုစံအိမ်တွင် သားသမီးများကို ပြုစုပျိုးထောင်ပေးခဲ့ကြပြီး ၂၀၁၀ ပြည့်နှစ်တွင် ကွာရှင်းပြတ်စဲကြသောအခါ စံအိမ်ကို ဇနီးဖြစ်သူ Garces က ရရှိခဲ့သည်။

(ဧည့်ခန်း။ ဓာတ်ပုံ-OpenHomes)

(သီးသန့် နားနေ နေရာ။ ဓာတ်ပုံ-OpenHomes)

(ညစာစားခန်း။ ဓာတ်ပုံ-OpenHomes)

(မနက်စာ စားခန်း။ ဓာတ်ပုံ-OpenHomes)

၂၀၂၃ ခုနှစ်တွင် စတင်အရောင်းဈေးကွက်တင်ချိန်က ကန်ဒေါ်လာ ၂၅ သန်း ဈေးခေါ်ခဲ့သည်။

ဆန်ဖရန်စစ္စကို၏ အထင်ကရအရှိဆုံး နေအိမ်များတွင် ပါဝင်ပြီး ခေတ်ဟောင်းအလှကို ခေတ်သစ်၏ luxury တို့ဖြင့် ပေါင်းစည်းထားကြောင်း ဈေးကွက်တင်ကြော်ငြာတွင် ဖော်ပြခဲ့သည်။

(အိပ်ခန်းများအနက်မှ တစ်ခန်း။ ဓာတ်ပုံ-OpenHomes)

(Golden Gates တံတားကြီး၏ ရှုမျှော်ခင်းများကို လှမ်းမျှော်တွေ့မြင်ရသည်။ ဓာတ်ပုံ-OpenHomes)

(အခြား အိပ်ခန်းတစ်ခန်း။ ဓာတ်ပုံ-OpenHomes)

(ခြံဝန်းအတွင်း ရှုခင်း။ ဓာတ်ပုံ-OpenHomes)

ရော်ဘင်ဝီလျံစ်သည် ၂၀၁၄ ခုနှစ်၊ သြဂုတ်လ ၁၁ ရက်တွင် ကယ်လီဖိုးနီးယားပြည်နယ်၊ Paradise Cay ရှိ နေအိမ်တွင် သေဆုံးနေသည်ကို တွေ့ရှိခဲ့ကြသည်။

ရင်ခွဲစစ်ဆေးချက်များအရ မိမိကိုယ်ကို အဆုံးစီရင်ကာ သေဆုံးသွားခြင်းဖြစ်ကြောင်း ကောက်ချက်ဆွဲကြသည်။

ကြိုးဆွဲချအဆုံးစီရင်မှုကြောင့် အောက်ဆီဂျင်ပြတ်ကာ သေဆုံးခြင်းဖြစ်သည်ဟု ဆိုသည်။

ရော်ဘင်ဝီလျံစ်သည် ဦးနှောက်ဖောက်လွဲဖောက်ပြန်ဖြစ်စေသည့် Lewy body dementia ဝေဒနာကို ခံစားနေရသည်မှာ နှစ်ပေါင်းအတန်ကြာခဲ့ကြောင်း သိရသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: The San Francisco home where Robin Williams raised his children has sold for $18M Photo Credit- Ron Galella Collection via Getty Images, Open Homes