သရုပ်ဆောင်ကြေးအမြင့်မားဆုံး နာမည်ကြီး တရုတ်မင်းသား ဟွမ်ရှောက်မင်က ၁၃ နှစ်အရွယ် ကလေးတစ်ဦးထံမှ စင်္ကာပူဒေါ်လာ သန်း ၂၀ တန် အိမ်တစ်လုံး ဝယ်ယူခဲ့ပြီး ကလေးငယ်က ပိုင်ဆိုင်မှု လွှဲပြောင်းမပေးသောကြောင့် တရားစွဲ

ဟွမ်ရှောက်မင် (Huang Xiaoming) သည် တရုတ်ပြည်၏ သရုပ်ဆောင်ကြေးအမြင့်ဆုံး ရုပ်ရှင်မင်းသားများတွင် တစ်ဦးအပါအဝင် ဖြစ်သည်။

၂၀၀၁ ခုနှစ်က ထုတ်လွှင့်ပြသခဲ့သော The Prince of Han Dynasty တွင် ဧကရာဇ် ဝူ အဖြစ် ပါဝင်သရုပ်ဆောင်ခဲ့ရာမှ စတင်လူသိများခဲ့ပြီး ၂၀၀၆ ခုနှစ်က ပြသခဲ့သော သိမ်းငှက်သူရဲကောင်း အတွဲ ၂ (The Return of the Condor Heroes)တွင် ရန်ကော်အဖြစ် လုယိဖေးနှင့် ခေါင်းဆောင်မင်းသားအဖြစ် တွဲဖက် သရုပ်ဆောင်ကာ လျှမ်းလျှမ်းတောက် ကျော်ကြားခဲ့သည်။

ဟွမ်ရှောက်မင်သည် ရုပ်ရှင်မင်းသမီး Angelababy နှင့် ကွာရှင်းပြီး ၎င်းအောက် ၁၅ နှစ်ငယ်သော မိန်းကလေး Ye ke နှင့် တွဲခဲ့မှုအပေါ် ပရိသတ်များ၏ အပြင်းအထန် ဝေဖန်ခံရမှုကြောင့် ပရိသတ်တို့နှင့် သတင်းထောက်များကို အခမ်းအနားတစ်ခုတွင် ဦးညွှတ်ကာ တရားဝင် တောင်းပန်ခဲ့သည်။

Ye Ke သည် ဟွမ်ရှောက်မင်၏ ကိုယ်ဝန်ကို လွယ်ထားရသည်ဟူသော သတင်းများလည်း ရှိသည်။

Ye Ke တွင်လည်း ခင်ပွန်းဟောင်းရှိပြီး ခင်ပွန်းဟောင်းအား ကွာရှင်းကြေး ဒေါ်လာ ၃၇ သန်းပေးရန် ဟွမ်ရှောက်မင်ထံမှ တောင်းယူခဲ့သည်ဟူသော သတင်းများလည်း ရှိသည်။

((ဟွမ်ရှောက်မင်၏ အိမ်ပြဿနာ))

အက်ရှင် ထိပ်သီးကြယ်ပွင့် ဂျက်ကီရှန်းသည် ပေကျင်းမြို့မှ တန်ဖိုးကြီး လူနေခန်းများ သိမ်းယူခံရပြီး စိတ်ညစ်စရာ ကြုံတွေ့ခဲ့ရသည်။

ငွေများများရှိလေ ပြဿနာများလေဟူသော စကားပုံ ရှိသည်။

အိမ်ခြံမြေနှင့် ပတ်သက်ပြီး စိတ်ညစ်စရာ ကြုံတွေ့နေရသည့် အခြား တရုတ်မင်းသားတစ်ဦးမှာ ဟွမ်ရှောက်မင် ဖြစ်သည်။

ဟွမ်ရှောက်မင်သည် ပြီးခဲ့သော ၇ နှစ်က ပေကျင်းမြို့ရှိ နေအိမ်တစ်ခုကို ယွမ် ၃၆ သန်း (စင်္ကာပူဒေါ်လာ ၇ ဒသမ ၂ သန်း) ဖြင့် ၂၀၁၃ ခုနှစ်ခန့်က ဝယ်ယူခဲ့သည်။

ဟွမ်ရှောက်မင်သည် အဆိုပါအိမ်အတွက် ငွေပေးချေပြီဖြစ်သော်လည်း ယခုတိုင် ပိုင်ဆိုင်မှု လွှဲပြောင်းရရှိသေးခြင်း မရှိသောကြောင့် တရားစွဲရန်မှ တစ်ပါး ရွေးချယ်စရာ မရှိခဲ့။

(ဟွမ်ရှောက်မင်သည် ပေကျင်းမြို့ရှိ အဆိုပါ အိမ်တွင် ဇနီးဟောင်း Angelababy မိဘများနှင့်အတူ နေထိုင်ခဲ့သည်။)

ဟွမ်ရှောက်မင်သည် ယခုအိမ်ကို ကျန်းဟောင်လုံထံမှ အရောင်းအဝယ် စာချုပ်ဖြင့် ဝယ်ယူခဲ့ခြင်း ဖြစ်သည်။

ထိုစဉ်က ကျန်းဟောင်လုံမှာ အသက် ၁၃ နှစ်အရွယ်သာ ရှိသေးသောကြောင့် သူ၏ မိဘများက အရောင်းအဝယ်ကို ကြီးကြပ်ကွပ်ကဲပေးခဲ့သည်။

ထိုအချိန်က ဟွမ်ရှောက်မင်သည် ပေကျင်းမြို့တွင် နေအိမ်ဝယ်ယူရန် လိုအပ်သည့် စည်းမျဉ်းစည်းကမ်းများနှင့် မကိုက်ညီသေးသောကြောင့် သူ၏ အမည်ပေါက် ဝယ်ယူနိုင်ခဲ့ခြင်းမရှိဘဲ မိခင်၏ အမည်ဖြင့် စာရင်းသွင်းခဲ့သည်။

ဟွမ်ရှောက်မင်က စာချုပ်ပါအတိုင်း ယွမ် ၃၆ သန်း ပေးချေကာ ပြုပြင်မွမ်းမံမှုများ ပြုလုပ်ခဲ့ပြီးနောက် နေအိမ်တွင် စတင်နေထိုင်ခဲ့သည်။

အချိန်ကာလ ကြာမြင့်လာသည့် နောက်ပိုင်း အိမ်တန်ဖိုးမှာ ယွမ် သန်း ၁၀၀ နီးပါးအထိ ဈေးတက်လာခဲ့သည်။

ဟွမ်ရှောက်မင်က မိမိအား နေအိမ်ပိုင်ဆိုင်မှု လွှဲပြောင်းပေးရန် ကျန်းဟောင်လုံထံ အကြိမ်ကြိမ် ပြောဆိုခဲ့သော်လည်း ကျန်းဟောင်လုံက ၎င်းအား ရှောင်ရှား နေခဲ့သည်။

ပြဿနာကို ပိုမိုရှုပ်ထွေးစေသည့်အချက်မှာ ကျန်းဟောင်လုံသည် ထိုအိမ်ကို ဘဏ်တွင် အပေါင်ထားပြီး ငွေချေးယူထားရာတွင် ချေးငွေ ပြန်မဆပ်သောကြောင့် ၂၀၁၇ ဒီဇင်ဘာတွင် ဘဏ်က သိမ်းယူခဲ့ခြင်း ဖြစ်သည်။

ထို့ကြောင့် ဟွမ်ရှောက်မင်က ယခုအခါ အသက် ၂၀ ကျော်ပြီဖြစ်သော ကျန်းဟောင်လုံအား တရားစွဲရန် ဆုံးဖြတ်ခဲ့ကြသည်။

(ဟွမ်ရှောက်မင်က နေအိမ်ဧည့်ခန်းတွင် သားငယ်အတွက် ကစားကွင်းတစ်ခု ပြုလုပ်ပေးထားပုံ။)

မိတ်ဆွေသည် အိမ်ခြံမြေအကျိုးဆောင်လုပ်ငန်း (သို့) ဆောက်လုပ်ရေးလုပ်ငန်း လုပ်ကိုင်နေသူတစ်ဦးဖြစ်ပါက iMyanmarHouse.com (အိုင်မြန်မာဟောက်စ်ဒေါ့ကွန်း) မှ သင်၏အိမ်ခြံမြေလုပ်ငန်း အထူးတလည် အောင်မြင်နိုင်စေရန်အတွက် ကူညီပံ့ပိုးပေးနိုင်ပါသည် ။ iMyanmarHouse.com (အိုင်မြန်မာဟောက်စ်ဒေါ့ကွန်း) ဝဘ်ဆိုက်နှင့် လက်တွဲ၍ အိမ်ခြံမြေလုပ်ငန်းလုပ်ကိုင်ပြီး မြန်မာနိုင်ငံတဝှမ်းလုံးတွင်အောင်မြင်နေသော အကျိုးဆောင် စုစုပေါင်း (၂၃၀၀) ကျော် နှင့် ဆောက်လုပ်ရေးလုပ်ငန်း စုစုပေါင်း (၇၀၀) ကျော်ရှိပါသည် ။ iMyanmarHouse.com (အိုင်မြန်မာဟောက်စ်ဒေါ့ကွန်း) ဝဘ်ဆိုက်ကို တစ်လလျှင် ပြည်တွင်းပြည်ပ မှ လူဦးရေ (၃.၈) သန်းကျော် ဝင်ရောက်အသုံးပြုနေပြီး မြန်မာတစ်နိုင်ငံလုံးတွင် နံပါတ်(၁) လူသုံးအများဆုံး အိမ်ခြံမြေရောင်းဝယ်ငှားဝဘ်ဆိုက် ဖြစ်ပါသည် ။ ရန်ကုန် ၊ မန္တလေး၊ ငွေဆောင်၊ ချောင်းသာ၊ တောင်ကြီး၊ ကလော၊ ပြင်ဦးလွင်၊ စစ်တွေ၊ မြဝတီ အစရှိသော မြန်မာတစ်နိုင်ငံလုံးတွင်ရှိသည့် အိမ်ခြံမြေစီမံကိန်းများကို ရောင်းချပေးနေပါသည်။သင်၏ အကျိုးဆောင်လုပ်ငန်း (သို့မဟုတ်) ဆောက်လုပ်ရေးလုပ်ငန်းအောင်မြင်စေရန်အတွက် iMyanmarHouse.com (အိုင်မြန်မာဟောက်စ်ဒေါ့ကွန်း) နှင့် အခုပင်လျှင် ဆက်သွယ် မေးမြန်းစုံစမ်းနိုင်ပါသည် ။ (Hot Line ဖုန်း : 09-252605671 ~ 5 )

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Huang Xiaoming Bought His S$20mil Home From A 13-Year-Old Who Refused To Transfer The Ownership, So He Sued The Kid (todayonline)