လယ်ယာမြေအတွက် မြေခွန်ပြေစာ ပုံစံ-(၈)ဖြင့် ထွက်ရှိပြီး မြို့မြေအတွက် မြေခွန်ပြေစာ ပုံစံ-(၁)ဖြင့် ထွက်ရှိပါသည်။ ထို့ပြင် G မြေအဖြစ်လဲ မြေအတန်းအစားဖြစ်ကြောင်း ဖော်ပြထားပါသဖြင့် ဥယျာဉ်ခြံမြေ အမျိုး အစားပေါ်တွင် လူနေရပ်ကွက်အဖြစ် စုပေါင်းနေထိုင်နေကြသည် ဖြစ်ပါသည်။
၂၀၁၂ခုနှစ် ၊ လယ်ယာမြေဥပဒေအရ လယ်ယာမြေအမျိုးအစားထဲပါဝင်သော စိုက်ပျိုးမြေများမှာ ပုံစံ-၇ ထွက်ရှိပါသည်။ ထို့ကြောင့် မိမိလက်ရှိ နေထိုင်သော ခြံမြေအား မြေစာရင်းရုံးတွင် လမ်းအမည်များ၊ ဦးပိုင် နံပါတ်များ၊ အကွက်အမှတ်များ ထွက်ရှိမရှိ သွားရောက်စုံစမ်းသင့်ပါသည်။ လက်ရှိအရောင်းအဝယ်ပြုလျှင်တော့ အရပ်ကတိစာချုပ်ဖြင့် လွှဲပြောင်းရောင်းချနိုင်မည်ဖြစ်ပါသည်။ သက်တမ်းကြာမြင့်စွာ လူနေထိုင်မှုရှိနေသော မြေအား လူနေရပ်ကွက် (သို့) ကျေးရွာအဖြစ် တရားဝင်ခွင့်ပြုချက်ပြုခဲ့သည်များလဲ ရှိခဲ့ပါသည်။ အဆိုပါ လူနေရပ်ကွက်၏ လမ်းအမည်များပါ မြေစာရင်းမှတ်တမ်းများတွင် ထားရှိပါက အစိုးရမှ စီမံကိန်းဖြင့် ခွင့်ပြုသည့် အခါ တရားဝင်မြေငှားဂရန်များ လျှောက်ထားနိုင်သည့် အခွင့်အရေးရရှိမည်ဖြစ်ကြောင်း ဖြေဆိုရေးသားပေးလိုက် ပါသည်။
ဖြေဆိုသူ - iMyanmarHouse.com ၏ ဥပဒေအကြံပေး ပညာရှင်အဖွဲ့
အိမ်ခြံမြေ မေးခွန်းများကို မေးရန် ဤနေရာကို သွားပါ။
