ဒေါ်နယ်ထရမ့်၏ စံအိမ်တော်အတွင်း AK-47 ရိုင်ဖယ်ဖြင့် ဝင်လာသော လူငယ် ၃ ဦး ဖမ်းဆီးခံရ

[Unicode]

အမေရိကန်ပြည်ထောင်စု၊ ဖလော်ရီဒါပြည်နယ်၊ Palm Beach တွင်တည်ရှိကာ အမေရိကန်သမ္မတ ဒေါ်နယ်ထရမ့် ပိုင်ဆိုင်ထားပြီး မကြာခဏ အပန်းဖြေလေ့ရှိသည့် ကမ္ဘာကျော် မာရာလာဂိုစံအိမ်အတွင်းသို့ အသက် ၁၅ နှစ်အရွယ် လူငယ် ၃ ဦးသည် AK-47 ရိုင်ဖယ်သေနတ်များဖြင့် ကျူးကျော်ဝင်ရောက်သွားရာ ရဲတပ်ဖွဲ့ဝင်များက ဖမ်းဆီးလိုက်ကြသည်။

မာရာလာဂိုသည် အပန်းဖြေကလပ်တစ်ခုအဖြစ်လည်း နာမည်ကျော်ပြီး ကလပ်ဝင်ကြေးမှာ အလွန်မြင့်မားလှရာ သူဌေးကြီးများနှင့် အကျော်အမော်များသာ ကလပ်ဝင်နိုင်ကြသည်။

အဆိုပါထူးခြားသောဖြစ်ရပ်သည် သောကြာနေ့ည သန်းခေါင်ယံအချိန်ဝန်းကျင်ခန့်က ဖြစ်ပွားခဲ့ခြင်း ဖြစ်သည်။

အဆိုပါလူငယ်များသည် ထရမ့်၏ စံအိမ်မှ ၂ မိုင်ခန့် ဝေးကွာသည့်နေရာတွင် လမ်းပေါ်၌ Hyundai ကားတစ်စီးအတွင်း ရပ်နား စုဝေးနေမှုကို ရဲတပ်ဖွဲ့က သတိပြုမိခဲ့ကြောင်း Palm Beach ရဲတပ်ဖွဲ့က NBC သတင်းဌာန၏ မိတ်ဖက်ဖြစ်သော ဒေသတွင်း သတင်းဌာနတစ်ခုသို့ ပြောကြားသည်။

ရဲတပ်ဖွဲ့က အဆိုပါကားထံ ချဉ်းကပ်သွားချိန်တွင် ကားကို မောင်းကာထွက်ပြေးသွားခဲ့ရာ ရဲတပ်ဖွဲ့က လိုက်လံဖမ်းဆီးရမှု ဖြစ်ပေါ်ခဲ့သည်။

နောက်ဆုံးတွင် လူငယ်များသည် မာရာလာဂိုစံအိမ်အနီးသို့ရောက်သောအခါ ကားပေါ်မှ ထွက်ပြေးခဲ့ကြသည်။ ၎င်းတို့ထံတွင် ယူဆောင်သွားသော ကျောပိုးအိတ်ကြီးတစ်လုံးထဲတွင် ရိုင်ဖယ်သေနတ်တစ်လက်ပါဝင်သည်ဟု ဆိုသည်။ အဆိုပါအိတ်ဖြင့် စံအိမ်အတွင်းသို့ ဝင်ပြေးခဲ့ကြခြင်း ဖြစ်သည်။

မာရာလာဂိုကလပ်မှ လုံခြုံရေးက စစ်ဆေးရာတွင် ကျောပိုးအိတ်အတွင်း ရိုင်ဖယ်တစ်လက်နှင့် ကျည် ၁၄ တောင့်ပါ ကျည်ကတ်တစ်ခုကို ရှာဖွေတွေ့ရှိခဲ့သည်ဟု ရဲတပ်ဖွဲ့က ပြောကြားသည်။

(ကယ်လီဖိုးနီးယားပြည်နယ်ဥပဒေအရဆိုလျှင် ကျည် ၁၀ တောင့်အထက်ပါသော ကျည်ကတ်များ ဝယ်ယူပိုင်ဆိုင်ခွင့် မရှိချေ။)

လူငယ်များကို မာရာလာဂိုစံအိမ်အတွင်းတွင် ဖမ်းဆီးထိန်းသိမ်းခဲ့သည်။

ရိုင်ဖယ်သေနတ်နှင့် ပတ်သက်ပြီး ရဲအရာရှိတစ်ဦးက စစ်မေးရာတွင် လူငယ်တစ်ဦးက သေနတ်ကို တစ်နေရာတွင် ရှာတွေ့ခဲ့ခြင်းဖြစ်သည်ဟု ဖြေကြားခဲ့သည်။

ယခုအခါ လူငယ် ၃ ဦးလုံးသည် လက်နက်ကိုင်ဆောင်ကာ ပိုင်နက်ကျူးလွန်မှု၊ လက်နက်ကိုင် ဖောက်ထွင်းမှုနှင့် ဖမ်းဆီးခြင်းကို ခုခံမှုတို့ဖြင့် အမှုဖွင့်အရေးယူခံထားရသည်။

ရဲတပ်ဖွဲ့က ပြောကြားရာတွင်မူ လူငယ်များသည် ၎င်းတို့ဝင်ပြေးခဲ့သည်မှာ သမ္မတ၏ အပန်းဖြေစခန်းအတွင်းဖြစ်နေသည်ကို သိပုံမရဘဲ ဖမ်းဆီးခြင်းမှ လွတ်မြောက်ရန် မတော်တဆ ဝင်ရောက်ခဲ့မိခြင်းသာဖြစ်ကြောင်း ပြောကြားသည်။

ဖမ်းဆီးထားသော လူငယ်များ၏ အသေးစိတ်အချက်အလက်များကိုမူ ရဲတပ်ဖွဲ့က ထုတ်ပြန်ထားခြင်း မရှိချေ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Three teens arrested after illegally entering Mar-a-Lago with AK-47 in backpack (New York Post)

[Zawgyi]

ေဒၚနယ္ထရမ့္၏ စံအိမ္ေတာ္အတြင္း AK-47 ရိုင္ဖယ္ျဖင့္ ဝင္လာေသာ လူငယ္ ၃ ဦး ဖမ္းဆီးခံရ

အေမရိကန္ျပည္ေထာင္စု၊ ဖေလာ္ရီဒါျပည္နယ္၊ Palm Beach တြင္တည္ရွိကာ အေမရိကန္သမၼတ ေဒၚနယ္ထရမ့္ ပိုင္ဆိုင္ထားျပီး မၾကာခဏ အပန္းေျဖေလ့ရွိသည့္ ကမၻာေက်ာ္ မာရာလာဂိုစံအိမ္အတြင္းသို႔ အသက္ ၁၅ ႏွစ္အရြယ္ လူငယ္ ၃ ဦးသည္ AK-47 ရိုင္ဖယ္ေသနတ္မ်ားျဖင့္ က်ဴးေက်ာ္ဝင္ေရာက္သြားရာ ရဲတပ္ဖြဲ႔ဝင္မ်ားက ဖမ္းဆီးလိုက္ၾကသည္။

မာရာလာဂိုသည္ အပန္းေျဖကလပ္တစ္ခုအျဖစ္လည္း နာမည္ေက်ာ္ျပီး ကလပ္ဝင္ေၾကးမွာ အလြန္ျမင့္မားလွရာ သူေဌးၾကီးမ်ားႏွင့္ အေက်ာ္အေမာ္မ်ားသာ ကလပ္ဝင္ႏိုင္ၾကသည္။

အဆိုပါထူးျခားေသာျဖစ္ရပ္သည္ ေသာၾကာေန႔ည သန္းေခါင္ယံအခ်ိန္ဝန္းက်င္ခန္႔က ျဖစ္ပြားခဲ့ျခင္း ျဖစ္သည္။

အဆိုပါလူငယ္မ်ားသည္ ထရမ့္၏ စံအိမ္မွ ၂ မိုင္ခန္႔ ေဝးကြာသည့္ေနရာတြင္ လမ္းေပၚ၌ Hyundai ကားတစ္စီးအတြင္း ရပ္နား စုေဝးေနမႈကို ရဲတပ္ဖြဲ႔က သတိျပဳမိခဲ့ေၾကာင္း Palm Beach ရဲတပ္ဖြဲ႔က NBC သတင္းဌာန၏ မိတ္ဖက္ျဖစ္ေသာ ေဒသတြင္း သတင္းဌာနတစ္ခုသို႔ ေျပာၾကားသည္။

ရဲတပ္ဖြဲ႔က အဆိုပါကားထံ ခ်ဥ္းကပ္သြားခ်ိန္တြင္ ကားကို ေမာင္းကာထြက္ေျပးသြားခဲ့ရာ ရဲတပ္ဖြဲ႔က လိုက္လံဖမ္းဆီးရမႈ ျဖစ္ေပၚခဲ့သည္။

ေနာက္ဆံုးတြင္ လူငယ္မ်ားသည္ မာရာလာဂိုစံအိမ္အနီးသို႔ေရာက္ေသာအခါ ကားေပၚမွ ထြက္ေျပးခဲ့ၾကသည္။ ၎တို႔ထံတြင္ ယူေဆာင္သြားေသာ ေက်ာပိုးအိတ္ၾကီးတစ္လံုးထဲတြင္ ရိုင္ဖယ္ေသနတ္တစ္လက္ပါဝင္သည္ဟု ဆိုသည္။ အဆိုပါအိတ္ျဖင့္ စံအိမ္အတြင္းသို႔ ဝင္ေျပးခဲ့ၾကျခင္း ျဖစ္သည္။

မာရာလာဂိုကလပ္မွ လံုျခံဳေရးက စစ္ေဆးရာတြင္ ေက်ာပိုးအိတ္အတြင္း ရိုင္ဖယ္တစ္လက္ႏွင့္ က်ည္ ၁၄ ေတာင့္ပါ က်ည္ကတ္တစ္ခုကို ရွာေဖြေတြ႔ရွိခဲ့သည္ဟု ရဲတပ္ဖြဲ႔က ေျပာၾကားသည္။

(ကယ္လီဖိုးနီးယားျပည္နယ္ဥပေဒအရဆိုလွ်င္ က်ည္ ၁၀ ေတာင့္အထက္ပါေသာ က်ည္ကတ္မ်ား ဝယ္ယူပိုင္ဆိုင္ခြင့္ မရွိေခ်။)

လူငယ္မ်ားကို မာရာလာဂိုစံအိမ္အတြင္းတြင္ ဖမ္းဆီးထိန္းသိမ္းခဲ့သည္။

ရိုင္ဖယ္ေသနတ္ႏွင့္ ပတ္သက္ျပီး ရဲအရာရွိတစ္ဦးက စစ္ေမးရာတြင္ လူငယ္တစ္ဦးက ေသနတ္ကို တစ္ေနရာတြင္ ရွာေတြ႔ခဲ့ျခင္းျဖစ္သည္ဟု ေျဖၾကားခဲ့သည္။

ယခုအခါ လူငယ္ ၃ ဦးလံုးသည္ လက္နက္ကိုင္ေဆာင္ကာ ပိုင္နက္က်ဴးလြန္မႈ၊ လက္နက္ကိုင္ ေဖာက္ထြင္းမႈႏွင့္ ဖမ္းဆီးျခင္းကို ခုခံမႈတို႔ျဖင့္ အမႈဖြင့္အေရးယူခံထားရသည္။

ရဲတပ္ဖြဲ႔က ေျပာၾကားရာတြင္မူ လူငယ္မ်ားသည္ ၎တို႔ဝင္ေျပးခဲ့သည္မွာ သမၼတ၏ အပန္းေျဖစခန္းအတြင္းျဖစ္ေနသည္ကို သိပံုမရဘဲ ဖမ္းဆီးျခင္းမွ လြတ္ေျမာက္ရန္ မေတာ္တဆ ဝင္ေရာက္ခဲ့မိျခင္းသာျဖစ္ေၾကာင္း ေျပာၾကားသည္။

ဖမ္းဆီးထားေသာ လူငယ္မ်ား၏ အေသးစိတ္အခ်က္အလက္မ်ားကိုမူ ရဲတပ္ဖြဲ႔က ထုတ္ျပန္ထားျခင္း မရွိေခ်။

(iMyanmarHouse.com Team မွ ေရးသား ေဖာ္ျပသည္။)

Credit: iMyanmarHouse.com

Ref: Three teens arrested after illegally entering Mar-a-Lago with AK-47 in backpack (New York Post)