တရားႏိုင္သည့္ဒီကရီတြင္မပါဝင္ပါက ေျမကိုသာလက္ေရာက္ရျပီး အေဆာက္အအံုကို မရႏိုင္ - Property Knowledge in Myanmar from iMyanmarHouse.com
3698 ႀကိမ္ ၾကည့္႐ႈ ႔ၿပီး

တရားႏိုင္သည့္ဒီကရီတြင္မပါဝင္ပါက ေျမကိုသာလက္ေရာက္ရျပီး အေဆာက္အအံုကို မရႏိုင္

ဗဟုသုတ | Posted by ဇာနည္ေက်ာ္ (iMyanmarHouse.com)

### Zawgyi Version ###

ကၽြန္ေတာ္၏ေက်ာင္းေနဖက္ မိတ္ေဆြျဖစ္သူ ဦးထြန္းထြန္းေအာင္က “ ေရွ႕ေနၾကီးေရ ၊ ဧည့္ဝတ္ျပဳခ်င္လို႕ပါ ခင္ဗ်ာ ။ စားေသာက္ရင္းနဲ႕ပဲ စကားေျပာၾကတာေပါ့ ” ဟု ဆိုသျဖင့္ ကၽြန္ေတာ္က “ ဟုတ္ကဲ့ပါဗ်ာ ။ မထင္မွတ္ဘဲ ခ်ိန္းဆိုလိုက္တာက ၊ အေၾကာင္းထူးမ်ား ရွိေနလို႕လာဟင္ ”ဟု ေမးသျဖင့္ သူက “ ရွိပါျပီေကာဗ်ာ သူငယ္ခ်င္းရဲ႕ အၾကံညဏ္ကို အထူးလိုအပ္ေနျပီေလ ” ဟု ဆို၍ ကၽြန္ေတာ္က စကားလမ္းေၾကာင္း ဖြင့္ေပးလိုက္ပါသည္။

ထိုအခါ သူက “ ဒီလိုပါ ၊ ကိုယ္နဲ႕ ျခံေျမကြက္ပိုင္ဆိုင္မႈအတြက္ ၊ အမႈျဖစ္ၾကတဲ့ ပုဂၢိဳလ္ေတြကိစၥကို ၊ သူငယ္ခ်င္းကိုေျပာျပထားဖူးပါတယ္ ၊ မွတ္မိလား မသိဘူး” ဟုဆိုသျဖင့္ ကၽြန္ေတာ္က “ဟာ မွတ္မိတာေပါ့ ၊ သူငယ္ခ်င္းပဲ ႏိုင္မယ္လို႕ေျပာခဲ့ေသးတာပဲ ၊ မႏိုင္ဘူးလား ” ဟု ေျပာသျဖင့္ သူက “ သူငယ္ခ်င္းေျပာသလို ကိုယ္ပဲအႏိုင္ရလိုက္ပါတယ္ ၊ ဒါေပမဲ့ သူတို႕က တရားရႈံးျဖစ္လို႕ ၊ တရားမက်င့္ထံုး ဥပေဒအမိန္႕ ၂၁ ၊ နည္း ၃၅(၁) အရ ၊ အေရႊ႕မေျပာင္းႏိုင္သည့္ပစၥည္းကို ေပးအပ္ရန္ ဒီကရီ ရရွိထားတဲ့ ကိုယ့္အား၊ ယင္းပစၥည္းအား လက္ေရာက္ေပးအပ္ရမွာျဖစ္တယ္ ၊ အခ်င္းျဖစ္ေျမကို တရားႏိုင္မ်ား လက္ဝယ္သို႕ ေပးအပ္ရမွာျဖစ္တဲ့အတြက္ တရားရႈံးတို႕သည္ အခ်င္းျဖစ္ေျမေပၚမွာ ေနထိုင္ခြင့္ မရွိပါ ၊ အခ်င္းျဖစ္ေျမေပၚရွိ အေဆာက္အအံုမွာ သူတို႕က မေျပာင္းေသးဘဲ ေနထိုင္ေနပါတယ္၊ အဲဒါနဲ႕ အႏိုင္ဒီကရီကို အတည္ျပဳေပးရန္ ထပ္ျပီး တရားရုံးမွာ ဇာရီဖြင့္ျပီး အတည္ျပဳခဲ့ပါတယ္ ၊ ကို္ယ့္အေနနဲ႕ တရားရႈံးေတြေနတဲ့ တစ္ထပ္တိုက္ အေဆာက္အအံုေလးကိုေရာ မရႏိုင္ဘူးလား၊ သိခ်င္လို႕ပါ ” ဟု အားတက္သေရာနွင့္ ေမးျမန္းလာပါသည္။

ထို႕ေၾကာင့္ ကၽြန္ေတာ္က “ ဒါကေတာ့ ၊ သူငယ္ခ်င္းျဖစ္တဲ့အမႈမွာ အႏိုင္ဒီကရီခ်ေပးထားကတဲက အခ်င္းျဖစ္ပြားေနတဲ့ ျခံေျမကြက္ကို တရားျပိဳင္မ်ားက တရားလိုျဖစ္တဲ့ သူငယ္ခ်င္း၏ လက္ဝယ္သို႕ေပးအပ္ေစရန္ စရိတ္နွင့္တကြ ၊ ဒီကရီခ်မွတ္ေပးလိုက္တာ မဟုတ္လား ၊ အဲဒိီေတာ့ ေျမကို လက္ေရာင္ေပးအပ္ရန္ ဒီကရီကို အတည္ျပဳရာ၌ ယင္းေျပေပၚတြင္ တရားရႈံးေဆာက္ထားေသာ အိမ္ကိုဖ်က္ယူသြားရန္ ဒီကရီ၌ မပါတဲ့အတြက္ ၊ သူငယ္ခ်င္းအေနနဲ႕ ၊အဲဒီတစ္ထပ္တိုက္အေဆာက္အအံုေလးကိုေတာ့ မရႏိုင္ပါဘူး ”

“ ဒါေပမဲ့ သူငယ္ခ်င္းအေနနဲ႕ သိပ္ျပီး နွစ္သက္ရင္ေတာ့ တရားရႈံးနဲ႕ ညိွႏိႈင္းလိုက္ရင္ ရႏိုင္ပါတယ္ ” “ ဒါေပမဲ့လည္း တရားရံႈးရဲက ဆႏၵေပၚမွာပဲ မူတည္ပါတယ္ ”

“ အခ်င္းျဖစ္ေျမေပၚရွိ အေဆာက္အအံုမွာ တရားရႈံးပိုင္ အေဆာက္အအံုျဖစ္ရာ ၊ တရားရႈံးတုိ႕အား ေျမေပၚရွိ အေဆာက္အအံုမွ ဖယ္ရွားျခင္းသည္ အခ်င္းျဖစ္ေျမအျပင္ တရားရႈံးပိုင္ အေဆာက္အအံုကိုပါ တရားႏိုင္တို႕အား ေပးအပ္သည္ဟု မဆိုႏိုင္ပါ ” “ ဒါေၾကာင့္ တရားရႈံးက ၄င္းပိုင္အေဆာက္အအံုကို ၄င္း၏ဆႏၵအေလ်ာက္ ဖ်က္၍သြားခြင့္ရွိပါတယ္ ” ဟု ေျပာသျဖင့္ ၊ သူက “ သူငယ္ခ်င္းရယ္ ၊ သူတုိ႕က သူတို႕ရဲ႕အေဆာက္အအံုကို မဖ်က္ေသးဘဲ ၊ ဒီအတိုင္းပဲ ထားေနရင္၊ ကိုယ္က ဘယ္လိုလုပ္ရမလဲ ၊ ကိုယ့္ဖာသာ ဖ်က္ဆီးလိုက္ရင္ေရာ ၊ ရမလားဟင္ ” ဟု ေမးလာပါသည္။

သို႕အတြက္ ကၽြန္ေတာ္က “ ဟာ ဒါေတာ့ သြားမလုပ္နဲ႕ ၊ ျပႆနာတက္သြားလိ့္မ္မယ္၊ ဆင္ဖိုးထက္ ခၽြန္းဖိုးကၾကီး ဆိုသလို ျဖစ္သြားဦးမယ္ ၊ နည္းလမ္းေတြရွိပါတယ္ သူငယ္ခ်င္းရယ္ ၊ တရားရႈံးက ဖ်က္ယူလိုသည့္ဆႏၵမရွိ၍ တရားနိုင္၊ တရားရႈံးတို႕ ညွိႏိႈင္းၾကမည္ဆိုပါက နွစ္ဦၤးနွစ္ဖက္ ညွိႏိႈင္းသေဘာတူသည့္အတိုင္း၊ ေဆာင္ရြက္ႏိုင္ပါတယ္၊ သေဘာကေတာ့ သူငယ္ခ်င္းက အဲဒီတစ္ထပ္တိုက္ေလကို ၾကိဳက္နွစ္သက္ေနေလေတာ့ သင့္ေတာ္တဲ့ တန္ဖိုးေပးျပီး ဝယ္ရမွာေပါ့ကြာ ၊ တရားရႈံးကလည္း အေဆာက္အအံုကု မျပီးေရြ႕သြားလို႕ မရႏိုင္ေတာ့ ၊ သူငယ္ခ်င္းနဲ႕ပဲ ေျပလည္ေအာင္လုပ္ေပးလိမ့္မယ္လို႕ ကိုယ္ထင္တယ္ေလ၊ ဒါနဲ႕ ဥပေဒေၾကာင္းအရ ဆက္ေျပာရရင္ အကယ္၍ တရားရႈံးက ဖ်က္သိမ္းျခင္းလည္းမျပဴ ၊ နွစ္ဦးနွစ္ဖက္ ညွိႏိႈင္း၍လည္း သေဘာတူညီခ်က္မရွိပါက တရားႏိုင္သျဖင့္ တရားရႈံးအေပၚ တရားႏိုင္ေျမေပၚတြင္ တည္ေဆာက္ထားသည့္အေဆာက္အအံုကိုဖ်က္ယူေစရန္အတြက္ တရားတေဘာင္ စြဲဆိုရန္ လိုအပ္ပါတယ္၊ အေဆာက္အအံုကို ဖ်က္သိမ္းရန္ ဒီကရီရရွိသည့္အခါမွ ၊ တရားရုံးက ဒီကရီကို အတည္ျပဳရာတြင္ ေျမေပၚရွိ အေဆာက္အအံုုကို ဖ်က္သိမ္းဖယ္ရွားႏိုင္မွာ ျဖစ္တယ္။ အဲဒီေတာ့မွ သူငယ္ခ်င္းဖာသာ ဖ်က္သိမ္းလို႕ ရမယ္ေလ ”

“ ေက်ာက္စိုက္နွင့္ အံုဟုတ္စိန္၊ ေအအိုင္အာ ၊ ၁၉၂၇ ခုနွစ္ ၊ ရန္ကုန္ ၊ စာ-၈၂ ” အမႈတြင္ ေျမကိုလက္္ေရာက္ေပးအပ္ရန္ ဒီကရီခ်မွတ္ရာ၌ ေျမေပၚရွိ တရားရႈံးး၏ အေဆာက္အအံုကို ဖ်က္ရန္ ညြန္ၾကားခြင့္ မရွိေၾကာင္း သံုးသပ္ျပီးေနာက္တရားရုံးက သတ္မွတ္ေပးသည့္ အခ်ိန္ကာလအတြင္း တရားရႈံးအား ၄င္း၏အိမ္ကို ဖ်က္ယူႏိုင္ရန္အတြက္ အခ်ိန္ေပးျခင္းအားျဖင့္ ဒီကရီကို အတည္ျပဳႏိုင္ေၾကာင္း ညႊန္ျပခဲ့တယ္ ”

“ တရားမက်င့္ထံုး ဥပေဒပုဒ္မ ၅၁ (က)အရ ဒီကရီကို အတည္ျပဳသည့္တရားရုံး၏ လုပ္ပိုင္ခြင့္တြင္ ဒီကရီခ်မွတ္ေသာပစၥည္းကို လက္ေရာက္ေပးအပ္ျခင္းျဖင့္ ဒီကရီကို အတည္ျပဳႏိုင္ေၾကာင္း ျပဌာန္းထားပါတယ္ ”

“ ဒါနဲ႕ သူငယ္ခ်င္းေျပာခဲ့တဲ့ တစ္ဖက္က အမႈသည္ေတြဟာ တရားရႈံးေသာ္လည္း ။ အေဆာက္အအံုမွာ မေျပာင္းေသးဘဲ ေနတယ္လို႕ ေျပာခဲ့တယ္ မဟုတ္လား ၊ ဒါကလည္း ဥပေဒနဲ႕အညီ ေျဖရွင္းလို႕ပါတယ္ ”

“ေဒၚေသာင္းညြန္႕နွင့္ ဦးသိန္းတင္ပါ ၂၊ ၂၀၀၁ ခုနွစ္ ၊ ျမန္မာႏိုင္ငံ တရားစီရင္ထံုးမ်ား ။ စာ- ၄၃၀ ” မွာ တရားႏိုင္ဦးသိန္းတင္နွင့္ ေဒၚျမတို႕က အယူခံတရားလို တရားရႈံး ဦးၾကည့္နွင့္ ေဒၚေသာင္းညြန္႕တို႕အေပၚသ ရန္ကုန္တိုင္း ၊ တာေမြျမိဳ႕နယ္ ၊ ေျမတိုင္းရပ္ကြက္အမွတ္ ၇၀ ၊ ေျမကြက္အမွတ္ ၁၇ ဟု ေခၚတြင္ေသာ ၁၆ ေပ x ၈၂ ေပ အက်ယ္အဝန္းရွိ ေျမကြက္ကို လက္ေရာက္ေပးအပ္ေစလိုမႈ စြဲဆိုရာ တိုင္းတရားရုံးက အယူခံတရားျပိဳင္မ်ား စြဲဆိုသည့္အတိုင္း အႏိုင္ဒီကရီ ခ်မွတ္ေပးခဲ့တယ္၊ တရားရုံးခ်ဳပ္က ၁၉၉၇ ခုနွစ္ တရားမ ပထမအယူခံအမွတ္ ၃၂ တြင္ တိုင္းတရားရုံး ဒီကရီကို အတည္ျပဳခဲ့တယ္ ”

“ တရားႏိုင္တို႕ ရရွိထားသည့္ ဒီကရီအရ တရားရႈံးတုိ႕က ၊ အခ်င္းျဖစ္ေျမကို တရားႏိုင္မ်ား၏ လက္ဝယ္သို႕ ေပးအပ္ရမည္ျဖစ္ရာ ၊ တရားရႈံးတို႕သည္ အခ်င္းျဖစ္ေျမေပၚတြင္ ေနထိုင္ခြင့္ မရွိေပ ။အခ်င္းျဖစ္ေျမေပၚရွိ အေဆာက္အအံုတြင္ ေနထိုင္ျခင္းသည္လည္း တရားႏိုင္ဒီကရီ ရရွိထားတဲ့ ေျမေပၚတြင္ ေနထိုင္ျခင္းပင္ ျဖစ္တယ္ ”

“ ဇာရီရုံးက တရားမက်င့္ထံုးဥပေဒအမိန္႕ ၂၁ ၊ နည္း ၃၅ (၁)အရ ၊ ဒီကရီကို အတည္ျပဳရာတြင္ အခ်င္းျဖစ္ေျမကို တရားႏိုင္အား လက္ေရာက္ေပးအပ္ရမွာျဖစ္တယ္၊ ထိုသို႕ လက္ေရာက္ေပးအပ္ရာတြင္ ဒီကရီအရ လိုက္နာရန္ တာဝန္ရွိ ျပီး ပစၥည္းမွ ေျပာင္းေရႊ႕ေပးရန္ ျငင္းဆန္သူအား ဖယ္ရွားႏိုင္မွာ ျဖစ္တယ္”

“အခ်င္းျဖစ္ေျမမွ ထြက္ခြားသြားရန္ျငင္းဆန္သူ တရားရႈံးအား၊ ဖယ္ရွားျခင္းသည္ တရားမက်င့္ထံုးဥပေဒအမိန္႕ ၂၁ ၊ နည္း ၃၅ (၁)ပါ ျပဌာန္းခ်က္နွင့္ အညီ ေဆာင္ရြက္ျခင္းျဖစ္၍ ဒီကရီကို ေက်ာ္လြန္ေဆာင္ရြက္ရာ မေရာက္ပါ ” “ ေဒၚေသာင္းညြန္႕ရဲ႕ အယူခံအား တရားရုံးခ်ဳပ္အထူးခံုရုံးက အထူးအယူခံမႈကို ေအာက္ပါအတိုင္း ျပင္ဆင္ခ်က္ျဖင့္ အတည္ျပဳလိုက္တယ္။

၁။ တရားရႈံးသည္ အခ်င္းျဖစ္ေျမေပၚရွိ အေဆာက္အအံုကို မိမိ၏ဆႏၵအေလ်ာက္ ဖ်က္ယူသြားႏိုင္တယ္၂။ အေဆာက္အအံုအတြက္ တရားႏိုင္နွင့္တရားရုံးတို႕ နွစ္ဦးနွစ္ဖက္ ညွိႏိႈင္းလိုပါက ၊ ညွိႏိႈင္းၾကျပီး နွစ္ဦးနွစ္ဖက္ သေဘာတူညီမႈ ရရွိလွ်င္ ယင္းသေဘာတူညီမႈအတိုင္း ေဆာင္ရြက္ေပးရန္။၃။ နွစ္ဦးနွစ္ဖက္ ညွိႏိႈင္းသေဘာတူညီမႈလည္းမရွိ ၊ တရားရႈံးက မိမိဆႏၵအေလ်ာက္ ၊ အေဆာက္အအံုကို ဖ်က္ယူျခင္းလည္းမျပလွ်င္ ၊ ဇာရီရုံးက တရားမက်င့္ထံုးဥပေဒအမိန္႕ ၂၁ ၊ နည္း ၃၅ (၁) အရ အခ်င္းျဖစ္ေျမကို တရားႏုိင္အား လက္ေရာက္ေပးအပ္ျခင္းျဖင့္ အတည္ျပဳရန္ ။၄။ တရားႏိုင္က တရားရႈံးကအခ်င္းျဖစ္ေျမေပၚမွ အေဆာက္အအံုကိုဖ်က္ယူေစလိုလို႕ ဆံုးျဖတ္လိုက္တယ္ ၊ သူငယ္ခ်င္း ”

Credit: ၾကယ္နီေလး(ဥပေဒ)

### Unicode Version ###

ကျွန်တော်၏ကျောင်းနေဖက် မိတ်ဆွေဖြစ်သူ ဦးထွန်းထွန်းအောင်က “ ရှေ့နေကြီးရေ ၊ ဧည့်ဝတ်ပြုချင်လို့ပါ ခင်ဗျာ ။ စားသောက်ရင်းနဲ့ပဲ စကားပြောကြတာပေါ့ ” ဟု ဆိုသဖြင့် ကျွန်တော်က “ ဟုတ်ကဲ့ပါဗျာ ။ မထင်မှတ်ဘဲ ချိန်းဆိုလိုက်တာက ၊ အကြောင်းထူးများ ရှိနေလို့လာဟင် ”ဟု မေးသဖြင့် သူက “ ရှိပါပြီကောဗျာ သူငယ်ချင်းရဲ့ အကြံညဏ်ကို အထူးလိုအပ်နေပြီလေ ” ဟု ဆို၍ ကျွန်တော်က စကားလမ်းကြောင်း ဖွင့်ပေးလိုက်ပါသည်။

ထိုအခါ သူက “ ဒီလိုပါ ၊ ကိုယ်နဲ့ ခြံမြေကွက်ပိုင်ဆိုင်မှုအတွက် ၊ အမှုဖြစ်ကြတဲ့ ပုဂ္ဂိုလ်တွေကိစ္စကို ၊ သူငယ်ချင်းကိုပြောပြထားဖူးပါတယ် ၊ မှတ်မိလား မသိဘူး” ဟုဆိုသဖြင့် ကျွန်တော်က “ဟာ မှတ်မိတာပေါ့ ၊ သူငယ်ချင်းပဲ နိုင်မယ်လို့ပြောခဲ့သေးတာပဲ ၊ မနိုင်ဘူးလား ” ဟု ပြောသဖြင့် သူက “ သူငယ်ချင်းပြောသလို ကိုယ်ပဲအနိုင်ရလိုက်ပါတယ် ၊ ဒါပေမဲ့ သူတို့က တရားရှုံးဖြစ်လို့ ၊ တရားမကျင့်ထုံး ဥပဒေအမိန့် ၂၁ ၊ နည်း ၃၅(၁) အရ ၊ အရွှေ့မပြောင်းနိုင်သည့်ပစ္စည်းကို ပေးအပ်ရန် ဒီကရီ ရရှိထားတဲ့ ကိုယ့်အား၊ ယင်းပစ္စည်းအား လက်ရောက်ပေးအပ်ရမှာဖြစ်တယ် ၊ အချင်းဖြစ်မြေကို တရားနိုင်များ လက်ဝယ်သို့ ပေးအပ်ရမှာဖြစ်တဲ့အတွက် တရားရှုံးတို့သည် အချင်းဖြစ်မြေပေါ်မှာ နေထိုင်ခွင့် မရှိပါ ၊ အချင်းဖြစ်မြေပေါ်ရှိ အဆောက်အအုံမှာ သူတို့က မပြောင်းသေးဘဲ နေထိုင်နေပါတယ်၊ အဲဒါနဲ့ အနိုင်ဒီကရီကို အတည်ပြုပေးရန် ထပ်ပြီး တရားရုံးမှာ ဇာရီဖွင့်ပြီး အတည်ပြုခဲ့ပါတယ် ၊ ကိုယ့်အနေနဲ့ တရားရှုံးတွေနေတဲ့ တစ်ထပ်တိုက် အဆောက်အအုံလေးကိုရော မရနိုင်ဘူးလား၊ သိချင်လို့ပါ ” ဟု အားတက်သရောနှင့် မေးမြန်းလာပါသည်။

ထို့ကြောင့် ကျွန်တော်က “ ဒါကတော့ ၊ သူငယ်ချင်းဖြစ်တဲ့အမှုမှာ အနိုင်ဒီကရီချပေးထားကတဲက အချင်းဖြစ်ပွားနေတဲ့ ခြံမြေကွက်ကို တရားပြိုင်များက တရားလိုဖြစ်တဲ့ သူငယ်ချင်း၏ လက်ဝယ်သို့ပေးအပ်စေရန် စရိတ်နှင့်တကွ ၊ ဒီကရီချမှတ်ပေးလိုက်တာ မဟုတ်လား ၊ အဲဒီတော့ မြေကို လက်ရောင်ပေးအပ်ရန် ဒီကရီကို အတည်ပြုရာ၌ ယင်းပြေပေါ်တွင် တရားရှုံးဆောက်ထားသော အိမ်ကိုဖျက်ယူသွားရန် ဒီကရီ၌ မပါတဲ့အတွက် ၊ သူငယ်ချင်းအနေနဲ့ ၊အဲဒီတစ်ထပ်တိုက်အဆောက်အအုံလေးကိုတော့ မရနိုင်ပါဘူး ”

“ ဒါပေမဲ့ သူငယ်ချင်းအနေနဲ့ သိပ်ပြီး နှစ်သက်ရင်တော့ တရားရှုံးနဲ့ ညှိနှိုင်းလိုက်ရင် ရနိုင်ပါတယ် ” “ ဒါပေမဲ့လည်း တရားရှုံးရဲက ဆန္ဒပေါ်မှာပဲ မူတည်ပါတယ် ”

“ အချင်းဖြစ်မြေပေါ်ရှိ အဆောက်အအုံမှာ တရားရှုံးပိုင် အဆောက်အအုံဖြစ်ရာ ၊ တရားရှုံးတို့အား မြေပေါ်ရှိ အဆောက်အအုံမှ ဖယ်ရှားခြင်းသည် အချင်းဖြစ်မြေအပြင် တရားရှုံးပိုင် အဆောက်အအုံကိုပါ တရားနိုင်တို့အား ပေးအပ်သည်ဟု မဆိုနိုင်ပါ ” “ ဒါကြောင့် တရားရှုံးက ၎င်းပိုင်အဆောက်အအုံကို ၎င်း၏ဆန္ဒအလျောက် ဖျက်၍သွားခွင့်ရှိပါတယ် ” ဟု ပြောသဖြင့် ၊ သူက “ သူငယ်ချင်းရယ် ၊ သူတို့က သူတို့ရဲ့အဆောက်အအုံကို မဖျက်သေးဘဲ ၊ ဒီအတိုင်းပဲ ထားနေရင်၊ ကိုယ်က ဘယ်လိုလုပ်ရမလဲ ၊ ကိုယ့်ဖာသာ ဖျက်ဆီးလိုက်ရင်ရော ၊ ရမလားဟင် ” ဟု မေးလာပါသည်။

သို့အတွက် ကျွန်တော်က “ ဟာ ဒါတော့ သွားမလုပ်နဲ့ ၊ ပြဿနာတက်သွားလိ့်မ်မယ်၊ ဆင်ဖိုးထက် ချွန်းဖိုးကကြီး ဆိုသလို ဖြစ်သွားဦးမယ် ၊ နည်းလမ်းတွေရှိပါတယ် သူငယ်ချင်းရယ် ၊ တရားရှုံးက ဖျက်ယူလိုသည့်ဆန္ဒမရှိ၍ တရားနိုင်၊ တရားရှုံးတို့ ညှိနှိုင်းကြမည်ဆိုပါက နှစ်ဦၤးနှစ်ဖက် ညှိနှိုင်းသဘောတူသည့်အတိုင်း၊ ဆောင်ရွက်နိုင်ပါတယ်၊ သဘောကတော့ သူငယ်ချင်းက အဲဒီတစ်ထပ်တိုက်လေကို ကြိုက်နှစ်သက်နေလေတော့ သင့်တော်တဲ့ တန်ဖိုးပေးပြီး ဝယ်ရမှာပေါ့ကွာ ၊ တရားရှုံးကလည်း အဆောက်အအုံကု မပြီးရွေ့သွားလို့ မရနိုင်တော့ ၊ သူငယ်ချင်းနဲ့ပဲ ပြေလည်အောင်လုပ်ပေးလိမ့်မယ်လို့ ကိုယ်ထင်တယ်လေ၊ ဒါနဲ့ ဥပဒေကြောင်းအရ ဆက်ပြောရရင် အကယ်၍ တရားရှုံးက ဖျက်သိမ်းခြင်းလည်းမပြူ ၊ နှစ်ဦးနှစ်ဖက် ညှိနှိုင်း၍လည်း သဘောတူညီချက်မရှိပါက တရားနိုင်သဖြင့် တရားရှုံးအပေါ် တရားနိုင်မြေပေါ်တွင် တည်ဆောက်ထားသည့်အဆောက်အအုံကိုဖျက်ယူစေရန်အတွက် တရားတဘောင် စွဲဆိုရန် လိုအပ်ပါတယ်၊ အဆောက်အအုံကို ဖျက်သိမ်းရန် ဒီကရီရရှိသည့်အခါမှ ၊ တရားရုံးက ဒီကရီကို အတည်ပြုရာတွင် မြေပေါ်ရှိ အဆောက်အအုံကို ဖျက်သိမ်းဖယ်ရှားနိုင်မှာ ဖြစ်တယ်။ အဲဒီတော့မှ သူငယ်ချင်းဖာသာ ဖျက်သိမ်းလို့ ရမယ်လေ ”

“ ကျောက်စိုက်နှင့် အုံဟုတ်စိန်၊ အေအိုင်အာ ၊ ၁၉၂၇ ခုနှစ် ၊ ရန်ကုန် ၊ စာ-၈၂ ” အမှုတွင် မြေကိုလက်ရောက်ပေးအပ်ရန် ဒီကရီချမှတ်ရာ၌ မြေပေါ်ရှိ တရားရှုံးး၏ အဆောက်အအုံကို ဖျက်ရန် ညွန်ကြားခွင့် မရှိကြောင်း သုံးသပ်ပြီးနောက်တရားရုံးက သတ်မှတ်ပေးသည့် အချိန်ကာလအတွင်း တရားရှုံးအား ၎င်း၏အိမ်ကို ဖျက်ယူနိုင်ရန်အတွက် အချိန်ပေးခြင်းအားဖြင့် ဒီကရီကို အတည်ပြုနိုင်ကြောင်း ညွှန်ပြခဲ့တယ် ”

“ တရားမကျင့်ထုံး ဥပဒေပုဒ်မ ၅၁ (က)အရ ဒီကရီကို အတည်ပြုသည့်တရားရုံး၏ လုပ်ပိုင်ခွင့်တွင် ဒီကရီချမှတ်သောပစ္စည်းကို လက်ရောက်ပေးအပ်ခြင်းဖြင့် ဒီကရီကို အတည်ပြုနိုင်ကြောင်း ပြဌာန်းထားပါတယ် ”

“ ဒါနဲ့ သူငယ်ချင်းပြောခဲ့တဲ့ တစ်ဖက်က အမှုသည်တွေဟာ တရားရှုံးသော်လည်း ။ အဆောက်အအုံမှာ မပြောင်းသေးဘဲ နေတယ်လို့ ပြောခဲ့တယ် မဟုတ်လား ၊ ဒါကလည်း ဥပဒေနဲ့အညီ ဖြေရှင်းလို့ပါတယ် ”

“ဒေါ်သောင်းညွန့်နှင့် ဦးသိန်းတင်ပါ ၂၊ ၂၀၀၁ ခုနှစ် ၊ မြန်မာနိုင်ငံ တရားစီရင်ထုံးများ ။ စာ- ၄၃၀ ” မှာ တရားနိုင်ဦးသိန်းတင်နှင့် ဒေါ်မြတို့က အယူခံတရားလို တရားရှုံး ဦးကြည့်နှင့် ဒေါ်သောင်းညွန့်တို့အပေါ်သ ရန်ကုန်တိုင်း ၊ တာမွေမြို့နယ် ၊ မြေတိုင်းရပ်ကွက်အမှတ် ၇၀ ၊ မြေကွက်အမှတ် ၁၇ ဟု ခေါ်တွင်သော ၁၆ ပေ x ၈၂ ပေ အကျယ်အဝန်းရှိ မြေကွက်ကို လက်ရောက်ပေးအပ်စေလိုမှု စွဲဆိုရာ တိုင်းတရားရုံးက အယူခံတရားပြိုင်များ စွဲဆိုသည့်အတိုင်း အနိုင်ဒီကရီ ချမှတ်ပေးခဲ့တယ်၊ တရားရုံးချုပ်က ၁၉၉၇ ခုနှစ် တရားမ ပထမအယူခံအမှတ် ၃၂ တွင် တိုင်းတရားရုံး ဒီကရီကို အတည်ပြုခဲ့တယ် ”

“ တရားနိုင်တို့ ရရှိထားသည့် ဒီကရီအရ တရားရှုံးတို့က ၊ အချင်းဖြစ်မြေကို တရားနိုင်များ၏ လက်ဝယ်သို့ ပေးအပ်ရမည်ဖြစ်ရာ ၊ တရားရှုံးတို့သည် အချင်းဖြစ်မြေပေါ်တွင် နေထိုင်ခွင့် မရှိပေ ။အချင်းဖြစ်မြေပေါ်ရှိ အဆောက်အအုံတွင် နေထိုင်ခြင်းသည်လည်း တရားနိုင်ဒီကရီ ရရှိထားတဲ့ မြေပေါ်တွင် နေထိုင်ခြင်းပင် ဖြစ်တယ် ”

“ ဇာရီရုံးက တရားမကျင့်ထုံးဥပဒေအမိန့် ၂၁ ၊ နည်း ၃၅ (၁)အရ ၊ ဒီကရီကို အတည်ပြုရာတွင် အချင်းဖြစ်မြေကို တရားနိုင်အား လက်ရောက်ပေးအပ်ရမှာဖြစ်တယ်၊ ထိုသို့ လက်ရောက်ပေးအပ်ရာတွင် ဒီကရီအရ လိုက်နာရန် တာဝန်ရှိ ပြီး ပစ္စည်းမှ ပြောင်းရွှေ့ပေးရန် ငြင်းဆန်သူအား ဖယ်ရှားနိုင်မှာ ဖြစ်တယ်”

“အချင်းဖြစ်မြေမှ ထွက်ခွားသွားရန်ငြင်းဆန်သူ တရားရှုံးအား၊ ဖယ်ရှားခြင်းသည် တရားမကျင့်ထုံးဥပဒေအမိန့် ၂၁ ၊ နည်း ၃၅ (၁)ပါ ပြဌာန်းချက်နှင့် အညီ ဆောင်ရွက်ခြင်းဖြစ်၍ ဒီကရီကို ကျော်လွန်ဆောင်ရွက်ရာ မရောက်ပါ ” “ ဒေါ်သောင်းညွန့်ရဲ့ အယူခံအား တရားရုံးချုပ်အထူးခုံရုံးက အထူးအယူခံမှုကို အောက်ပါအတိုင်း ပြင်ဆင်ချက်ဖြင့် အတည်ပြုလိုက်တယ်။

၁။ တရားရှုံးသည် အချင်းဖြစ်မြေပေါ်ရှိ အဆောက်အအုံကို မိမိ၏ဆန္ဒအလျောက် ဖျက်ယူသွားနိုင်တယ်၂။ အဆောက်အအုံအတွက် တရားနိုင်နှင့်တရားရုံးတို့ နှစ်ဦးနှစ်ဖက် ညှိနှိုင်းလိုပါက ၊ ညှိနှိုင်းကြပြီး နှစ်ဦးနှစ်ဖက် သဘောတူညီမှု ရရှိလျှင် ယင်းသဘောတူညီမှုအတိုင်း ဆောင်ရွက်ပေးရန်။၃။ နှစ်ဦးနှစ်ဖက် ညှိနှိုင်းသဘောတူညီမှုလည်းမရှိ ၊ တရားရှုံးက မိမိဆန္ဒအလျောက် ၊ အဆောက်အအုံကို ဖျက်ယူခြင်းလည်းမပြလျှင် ၊ ဇာရီရုံးက တရားမကျင့်ထုံးဥပဒေအမိန့် ၂၁ ၊ နည်း ၃၅ (၁) အရ အချင်းဖြစ်မြေကို တရားနိုင်အား လက်ရောက်ပေးအပ်ခြင်းဖြင့် အတည်ပြုရန် ။၄။ တရားနိုင်က တရားရှုံးကအချင်းဖြစ်မြေပေါ်မှ အဆောက်အအုံကိုဖျက်ယူစေလိုလို့ ဆုံးဖြတ်လိုက်တယ် ၊ သူငယ်ချင်း ”

Credit: ကြယ်နီလေး(ဥပဒေ)

ေနာက္ဆံုးရ အိမ္ၿခံေျမ ဗဟုသုတမ်ား

ရန္ကုန္တုိင္းေဒသႀကီး အစုိးရမွ စီမံခန္႔ခြဲသည့္ ေျမကြက္မ်ားကို ၀ယ္မည္ဆုိလွ်င္
ဝါကၽြတ္မွာ ေနအိမ္သစ္တစ္လံုးဝယ္ယူေနထုိင္ဖုိ႔အတြက္ ဘာေတြ ျပင္ဆင္ထားရမလဲ…..
အေပ်ာက္စနစ္ႏွင့္ ၀ယ္ထားသည့္ တုိက္ခန္းမ်ားရွိေသာ ေျမကို ၀ယ္မည္ဆုိလွ်င္
တိုက္ခန္းအိမ္ၿခံေျမ အေရာင္းအ၀ယ္ စာခ်ဳပ္ခ်ဳပ္ရင္ စရန္ေငြ ဘယ္ေလာက္ေပးရမလဲ
အေဆာက္အအံုၿပီးစီးေၾကာင္းလက္မွတ္ (BCC) ဆိုတာဘာလဲ ?
အိမ္ခန္း၊ ဆိုင္ခန္းငွားရမ္းလွ်င္ လုပ္ငန္းလိုင္စင္လုပ္ရန္ လိုအပ္သလား။
အေပ်ာက္စနစ္ တုိက္ခန္းမ်ားတြင္ အိမ္ငွားကြယ္လြန္သြားပါက တုိက္ခန္းကို ေျမရွင္ရပုိင္ခြင့္ရွိပါသလား...
လယ္ေျမကို အျခားသီးႏွံေျပာင္းလဲစိုက္ပ်ိဳးလို႔ ရပါသလား ?
အေဆာက္အအံုဖ်က္သိမ္းခြင့္ ေလွ်ာက္ထားျခင္းမရွိဘဲ အိမ္ေဟာင္းဖ်က္ခြင့္ရိွသလား ?
ေျမကြက္တြင္ က်ဴးေက်ာ္သူသည္ အျမဲတန္းကာလစည္းကမ္းသတ္ ၁၂ နွစ္ကို အားကိုး၍မရႏိုင္

အိမ္ၿခံေျမ သတင္းမ်ားကို
Email ျဖင့္ ဖတ္ရန္

အိမ္တြင္း အိမ္ျပင္ အလွဆင္ျခင္း ၀န္ေဆာင္မႈ (Interior Design and Decoration)
US Dollar to Myanmar Kyat Exchange Rate (ေဒၚလာ - ျမန္မာက်ပ္ေငြ ေငြလဲႏႈန္း)
iMyanmarHouse.com - Mobile App
မေလွ်ာ့အားမာန္ မခ်န္သတၱိ - ေနမင္းသူ (MD, iMyanmarHouse.com)