ဂျပန်ကုမ္ပဏီနှင့် ထိုင်းကုမ္ပဏီကို လက်လီလက်ကားလုပ်ငန်း လုပ်ကိုင်ခွင့် စပြု - Property News in Myanmar | iMyanmarHouse.com
ဂျပန်ကုမ္ပဏီနှင့် ထိုင်းကုမ္ပဏီကို လက်လီလက်ကားလုပ်ငန်း လုပ်ကိုင်ခွင့် စပြု - Property News in Myanmar from iMyanmarHouse.com
1262 ကြိမ် ကြည့်ရှု့ ပြီး

ဂျပန်ကုမ္ပဏီနှင့် ထိုင်းကုမ္ပဏီကို လက်လီလက်ကားလုပ်ငန်း လုပ်ကိုင်ခွင့် စပြု

ပြည်တွင်း အိမ်ခြံမြေ သတင်း | Posted by ဇာနည်ကျော် (iMyanmarHouse.com)

ဂျပန်အခြေစိုက် MyCare Uni-charm နှင့် ထိုင်းအခြေစိုက် Pacific Andaman (SEA) ကုမ္ပဏီတို့ကို ပြည်တွင်း၌ လက်လီလက်ကားလုပ်ငန်း လုပ်ကိုင်ရန်အတွက် စတင်ခွင့်ပြုလိုက်ပြီဖြစ်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ အကြီးတန်းအရာရှိတစ်ဦးက ပြောကြားသည်။

MyCare Unicharm ကုမ္ပဏီသည် ရာနှုန်းပြည့် နိုင်ငံခြားရင်းနှီးမြှုပ်နှံမှုဖြင့် ကလေးအသုံးအဆောင်ပစ္စည်းများနှင့် အလှကုန်ပစ္စည်းများကို လက်ကားရောင်းချမည်ဖြစ်ပြီး Pacific Andaman (SEA) ကုမ္ပဏီသည် ဖက်စပ်ရင်းနှီးမြှုပ်နှံမှုဖြင့် အမျိုးသမီးနှင့် ကလေးတစ်ကိုယ်ရေ သန့်ရှင်းရေးသုံးပစ္စည်း၊ ဆေးပလတ်စတာများ၊ အိမ်သန့်ရှင်းရေးသုံးပစ္စည်းများ၊ စားသောက်ကုန်ပစ္စည်းများနှင့် အချိုရည်များကို လက်ကားရောင်းချမည်ဖြစ်ကြောင်း အဆိုပါဝန်ကြီးဌာနထံမှ သိရသည်။

လက်ရှိအချိန်တွင် အဆိုပါကုမ္ပဏီနှစ်ခုအပြင် ပြည်တွင်း၌ လက်လီလက်ကားလုပ်ငန်းဆောင်ရွက်နေပြီသားဖြစ်သည့် ပြည်ပနှင့်ဖက်စပ် AEON Orange ကုမ္ပဏီနှင့် ပြည်တွင်း City Mart Holding ကုမ္ပဏီတို့ကိုလည်း လက်လီလက်ကားရောင်းချခွင့်လုပ်ငန်း မှတ်ပုံတင်ကတ် ထုတ်ပေးထားကြောင်း အဆိုပါအကြီးတန်းအရာရှိက ပြောဆိုသည်။

“လက်လီလက်ကားလုပ်ငန်း မှတ်ပုံတင်ဖို့ လာလျှောက်တာကတော့ ၈ ခုရှိ တယ်။ အခုမှ စလုပ်မယ့် နိုင်ငံခြားကုမ္ပဏီနှစ်ခုနဲ့ လုပ်ငန်းလုပ်နေပြီသားကုမ္ပဏီ ၂ ခုကို မှတ်ပုံတင်ကတ် စထုတ်ပေးထားတယ်။ ကျန်လေးခုထဲမှာ သုံးခုက မှတ်ပုံတင်ဖို့ အကျုံးမဝင်လို့ အသိအမှတ်ပြုမှတ်တမ်းထားလိုက်တယ်။ ကျန်တစ်ခုက သတ်မှတ်ချက်နဲ့ မကိုက်ညီလို့ မခွင့်ပြုသေးဘူး” ဟု ၎င်းက ရှင်းပြသည်။

မြန်မာနိုင်ငံအနေနှင့် လက်လီလက်ကားလုပ်ငန်းများကို ရာနှုန်းပြည့် နိုင်ငံခြားရင်းနှီးမြှုပ်နှံမှုနှင့် ဖက်စပ်ရင်းနှီးမြှုပ်နှံမှုများကို ပြီးခဲ့သည့် မေလအတွင်း၌ စတင်ခွင့်ပြုလိုက်ပြီး လုပ်ငန်းလုပ်ကိုင်လျက်ရှိသည့် ကုမ္ပဏီများနှင့် လုပ်ငန်းစတင်လုပ်ကိုင်မည့် ကုမ္ပဏီများအကြား တန်းတူယှဉ်ပြိုင်နိုင်ရန်နှင့် ပြည်တွင်းတွင် လက်လီလက်ကားလုပ်ငန်း လုပ်ကိုင်နေသည့် စာရင်းအတိအကျမရှိသေးသည့်အတွက် လုပ်ငန်းလုပ်ကိုင်မည့် ကုမ္ပဏီအသစ်များနှင့် လုပ်ငန်းလုပ်ကိုင်လျက်ရှိသည့် ကုမ္ပဏီအဟောင်းများကို ဝန်ကြီးဌာနက လုပ်ငန်းမှတ်ပုံတင်ကတ် ထုတ်ပေးနေခြင်းဖြစ်သည်။

နိုင်ငံခြားသားကုမ္ပဏီများ၊ ဖက်စပ်ကုမ္ပဏီများကို ပြည်တွင်း၌ လက်လီလက်ကား အရောင်းဆိုင်များဖွင့်လှစ်ပါက အဝတ်အထည်၊ နာရီ၊ အလှကုန်ပစ္စည်းများ၊ လူသုံးကုန်ပစ္စည်းများ၊ အိမ်သုံးပစ္စည်းများပါဝင်သည့် ဦးစားပေးကုန်ပစ္စည်း ၂၄ မျိုးကိုသာ ရောင်းချရန် စီးပွားရေးနှင့်ကူးသန်းရောင်းဝယ်ရေးက သတ်မှတ်ထားသည်။

လက်လီလက်ကားလုပ်ငန်းလုပ်ကိုင်ခွင့် ခွင့်ပြုချက်၌ နိုင်ငံခြားသားရင်းနှီးမြှုပ်နှံမှု ၈၀ ရာခိုင်နှုန်းမှ ရာနှုန်းပြည့်ပိုင်သော လုပ်ငန်းများသည် လက်လီလုပ်ငန်းလုပ်ကိုင်ပါက မြေငှားရမ်းခမပါဝင်ဘဲ အမေရိကန်ဒေါ်လာ သုံးသန်းနှင့်အထက် ရင်းနှီးမြှုပ်နှံရမည်ဖြစ်ကြောင်း၊ လက်ကားလုပ်ငန်းလုပ်ကိုင်ပါက အမေရိကန်ဒေါ်လာ ငါးသန်းနှင့်အထက် ရင်းနှီးမြှုပ်နှံရမည့်အပြင် စတုရန်းမီတာ ၉၀၀ အထက်ရှိသည့် ဆူပါ မားကက်အကြီးစားများကိုသာ ဖွင့်ခွင့်ပြုမည်ဖြစ်ပြီး Convenience စတိုးဆိုင်လေးများကို ဖွင့်ခွင့်ပြုမည်မဟုတ်ကြောင်း အဆိုပါဝန်ကြီးဌာနထံမှ သိရသည်။

 

Credit: The Voice

နောက်ဆုံးရ အိမ်ခြံမြေ သတင်းများ

မဲပေါက်ထားသည့် တိုင်းအစိုးရအိမ်ရာ အခန်းပေါင်း ၇၀ဝ ကျော်နေထိုင်ခွင့်ကြန့်ကြာနေမှု ဂျပန်ချေးငွေ စောင့်ဆိုင်းနေရခြင်းကြောင့်ဟုဆို...
ပေါ့ပ်ကြယ်ပွင့် ရီဟားနား၏ နေအိမ်အတွင်း လူတစ်ဦးဝင်လာကာ တစ်ညလုံးနေထိုင်သွားခြင်းကြောင့် ပြန်လည်ရောင်းထုတ်ရန် စီစဉ်လျက်ရှိ...
မုံရွာမြို့နန္ဒဝန် တန်ဖိုးမျှတအိမ်ရာ တိုက်ခန်း ၄၄ဝ ဆောက်လုပ်ထားရာ တစ်နှစ်ကျော်အတွင်း ၂၇ ခန်းသာ ရောင်းထွက်...
အင်မလီဘလန့်နှင့် ခင်ပွန်း အမေရိကန် သရုပ်ဆောင်၊ ရုပ်ရှင်ထုတ်လုပ်သူ ဂျွန်ကရာစင်စကီးတို့သည် နယူးယောက်မြို့၊ ဘရွတ်ကလင်းအရပ်ရှိ ကွန်ဒိုခန်းကို ကန်ဒေါ်လာ ၁၁ သန်းဖြင့် ဝယ်ယူ...
ပြည်တွင်းဘဏ်များအား သက်တမ်းသုံးနှစ်ထက်ပိုသည့် အိမ်ရာချေးငွေ ထုတ်ချေးခြင်းကို ဗဟိုဘဏ်ခွင့်ပြု...
ဂျနီဖာလိုပက်ဇ်က နယူးယောက်ကွန်ဒိုခန်း၊ မန်ဟက်တန်ရှိ penthouse ခန်းနှင့် ကယ်လီဖိုးနီးယားရှိ ၈ ဧကကျယ်ဝန်းသော ခြံဝန်းနှင့် နေအိမ်များကို အရောင်းဈေးကွက်တင်...
ရန်ကုန်မြို့၌ ယာဉ်ကြောကျပ်တည်းမှု ပြဿနာများဖြေရှင်းရန် အတွင်းပတ်လမ်း၊ အပြင်ပတ်လမ်းနှင့် မိုးပျံရထားလမ်းကို အကောင်အထည်ဖော်မည်...
ဂျပန်ကုမ္ပဏီ AEON က လက်လီလုပ်ငန်းများတွင် ရင်းနှီးမြှုပ်နှံမည်
စက်မှုလုပ်ငန်းများ အွန်လိုင်းမှမှတ်ပုံတင်နိုင်
အိမ်ရာစီမံကိန်းများအတွက် ချေးငွေကို ဘဏ်ချေးငွေစုစုပေါင်း၏ ၅ ရာခိုင်နှုန်းအထိ ထုတ်ချေးခွင့်ပြု ချေးငွေသက်တမ်း ကန့်သတ်ချက်ကိုလည်း ပယ်ဖျက်...

အိမ်ခြံမြေ သတင်းများကို
Email ဖြင့် ဖတ်ရန်

US Dollar to Myanmar Kyat Exchange Rate (ဒေါ်လာ - မြန်မာကျပ်ငွေ ငွေလဲနှုန်း)
iMyanmarHouse.com - Mobile App
iMyanmarHouse.com - Monthly Property Magazine