နှစ်ဆန်းပိုင်းတွင် ချင်းပြည်နယ် အတွင်း ကုမ္ပဏီ ၁၀ ခုမှ ဟိုတယ်များစတင် တည်ဆောက်မည်

ချင်းပြည်နယ်သို့ လာရောက်လည်ပတ်ကြမည့် ပြည်တွင်း၊ ပြည်ပခရီးသွားများ စားသောက်နေထိုင်ရေး အဆင်ပြေစေရန် အချက်အချာကျသည့် မြို့ကြီးခြောက်မြို့တွင် ဟိုတယ် ၁၀လုံးကို ၂၀၁၇ ခုနှစ် နှစ်ဆန်းပိုင်းတွင် စတင် ဆောက်လုပ်သွားမည်ဖြစ်ကြောင်း သိရသည်။

အဆိုပါ ဟိုတယ်ဆောက်လုပ် ခွင့်ရလုပ်ငန်းရှင်များမှာ ချင်းပြည် နယ်မြှို့တော် ဟားခါးမြို့တွင် KL Amazing Company, King Soloman Company နှင့် ချမ်းသာ ရွှေမြေကုမ္ပဏီတို့ကလည်းကောင်း၊ ဖလမ်းမြို့ တွင် Adventures Myanmar Company နှင့် Falam Cherry Company တို့ကလည်း ကောင်း၊ တီးတိန်မြို့တွင်Unique Asia Gate Construction Company နှင့် ရွှေစင်နန်းတော်တို့က လည်းကောင်း၊ ပလက်ဝမြို့တွင် Sweet Hotel Group ကလည်း ကောင်း၊ မတူပီမြို့တွင် ရွှေပြည်တံ ခွန်နှင့် ချင်းတွင်းဧရာတို့ကလည်း ကောင်း၊ စစ်ကိုင်းတိုင်းဒေသကြီး ကလေးမြို့အနီး ခိုင်ကမ်းမြို့ တွင် တောင် ဇလပ်ဟိုတယ်နှင့် ဒေါက်တာကမ်ကျင့်ဒါးလ်တို့အား ပြည်နယ်အစိုးရမှ ပထမအသုတ်အဖြစ် စိစစ် ရွေးချယ်ထားရာ အဆိုပါကုမ္ပဏီများသည် ၂၀၁၇ ခုနှစ် နှစ်ဆန်းပိုင်းမှစတင်ကာ လုပ်ငန်းများဆောင်ရွက် တော့ မည်ဖြစ်ကြောင်း ပြည်နယ် အစိုးရအဖွဲ့မှ တာဝန်ရှိသူတစ်ဦးက ဒီဇင်ဘာ ၂၈ ရက်တွင် ပြောကြားသည်။

ချင်းပြည်နယ်တွင် ပြည်တွင်း၊ ပြည်ပခရီးသွားလုပ်ငန်းမြှင့်တင်ရေးအတွက် စတင်အကောင်အထည် ဖော်ဆောင်ရွက်လျက်ရှိရာ ယခုပွင့်လင်းရာသီတွင် ပြည်နယ်ဒေသတစ်ခုလုံး၌ အရှိန်အဟုန်မြှင့်ဆောင်ရွက် သွား မည်ဖြစ်ပြီး ဒေသ၏ လိုအပ်ချက် ဖြစ်သော လမ်းပန်းဆက်သွယ်ရေး၊ ခရီးသွားများတည်း ခိုစားသောက် နေထိုင်နိုင်ရေးတို့ကိုအလေးထား ဆောင်ရွက်နေခြင်းဖြစ်သည်။ ယခုအခါ ချင်းပြည်နယ် ကန် ပက်လက်မြို့တွင် အဆင့်မီဟိုတယ် ရှစ်လုံး၊ မင်းတပ်နှင့်ကန်ပက်လက်မြို့များတွင် ဆောက်လုပ်ဆဲဟို တယ် သုံးလုံးရှိကြောင်း သိရသည်။


Credit: Democracy Today