မကြာသေးမီရက်ပိုင်းက ဖြစ်သည်။ စာရေးသူ၏ ရုံးခန်းသို့ တပည့်တစ်ဦး ရောက်လာပါသည်။ သူ့ကို မြင်လိုက်သည်နှင့် အခက်အခဲတစ်ခုနဲ့ ကြုံနေပြီဟု သိလိုက်သည်။ စိတ်ဓာတ်ကျနေပုံရသည်။
''ငါ့တပည့်ကြည့်ရတာ စိတ်မကြည်မလင်နဲ့ စိတ်ပျက်နေပုံရတယ်။ ဘာအခက်အခဲတွေနဲ့ တွေ့နေပြန်ပြီလဲ''
''ဒီလိုပါဆရာ၊ ကျွန်တော်က နယ်ကို ရုံးချိန်းသွားမှာမို့ အပြန်မှ အခုဝယ်မယ်ဆိုတဲ့ တိုက်ခန်းရဲ့ စာရွက်စာတမ်းတွေ ကြည့်ပေးမယ်။ စရန်မပေးနဲ့ဦးလို့ မှာထားတာကို စရန်ငွေပေးဖြစ်အောင် ပေးလိုက်တယ် ဆရာ''
''အခု ဘာဖြစ်နေလို့လဲ''
''ကျွန်တော် ပြန်လာမှ စာရွက်စာတမ်းတွေကို စစ်ကြည့်လိုက်တော့ ငှားရမ်းခကို စံငှားရမ်းခအဖြစ် မြို့နယ်ငှားရမ်းခကြီးကြပ်ရေးဝန်ရုံးက သတ်မှတ်ပေးထားပြီး၊ မြို့နယ်ငှားရမ်းခကြီးကြပ်ရေးဝန်ရုံးမှာပဲ ပေးသွင်းနေရတဲ့ တိုက်ခန်း ဖြစ်နေတယ်။ အခု မြေရှင်က လာပြီး ကန့်ကွက်နေတယ်လို့ ပြောတယ်ဆရာ၊ အဲဒါ ဘယ်လိုဆောင်ရွက်ရင်ရမလဲဆိုတာ သိချင်ပါတယ် ဆရာ။ ရောင်းလို့ဝယ်လို့ ဖြစ်ပါသလား ဆရာ''
''တိုက်ခန်း အရောင်းအဝယ် ပြုလုပ်ရာမှာ မြေရှင်နဲ့ သဘောတူညီချက် ရယူဖို့မလိုဘဲ မိမိစိတ်ကြိုက် မည်သူ့ကိုမဆို လွတ်လပ်စွာ ရောင်းချခွင့်၊ လွှဲပြောင်းခွင့် ရှိတယ်'' လို့ ဒေါ်ငွေသိန်းနဲ့ ဒေါ်သိန်းညွန့် ၁၉၉၃ ခုနှစ် မြန်မာနိုင်ငံ တရားစီရင်ထုံး စာမျက်နှာ ၁၇''မှာ ဆုံးဖြတ်ညွှန်ကြားထားတာ သိတယ်မဟုတ်လား။ ဒါကြောင့် မြေရှင်အနေနဲ့ ကန့်ကွက်ပိုင်ခွင့်တော့ မရှိဘူး၊ အခြားတစ်ခုခုကြောင့် ဖြစ်မယ် ထင်တယ်''
''မြို့ပြဆိုင်ရာ ငှားရမ်းခကြီးကြပ်ရေးဝန်ရုံးမှာ အိမ်လခ ပေးသွင်းနေရတယ်ဆိုတဲ့ ကိစ္စက ဖြစ်နိုင်လား ဆရာ''
''ဒီအချက်တစ်ခုတည်းနဲ့တော့ မဖြစ်နိုင်ဘူး။ တချို့ အိမ်ရှင်(မြေရှင်) တွေက အိမ်လခတိုးတောင်းလို့ အိမ်ငှားက မြို့ပြဆိုင်ရာ ငှားရမ်းခကြီးကြပ်ရေးဝန်ရုံး အခု မြို့နယ်အုပ်ချုပ်ရေးမှူးရုံးမှာ မြို့ပြဆိုင်ရာငှားရမ်းခကြီးကြပ်ရေး အက်ဥပဒေ ပုဒ်မ ၂၇ အရ စံငှားရမ်းခ သတ်မှတ်ပေးပါလို့ လျှောက်ထားနိုင်တယ်။ ငှားရမ်းခ ကြီးကြပ်ရေးဝန်ရုံးက အိမ်ရှင်ကို အကြောင်းကြားပြီး၊ စုံစမ်းစစ်ဆေးလို့ သင့်တော်တဲ့ ငှားရမ်းခကို စံငှားရမ်းခအဖြစ် သတ်မှတ်ပေးနိုင်တယ်။ အိမ်ငှားက သတ်မှတ်ပေးထားတဲ့ စံငှားရမ်းခကို အိမ်ရှင်ထံ ပေးဆောင်ရမှာဖြစ်တယ်။ အဲဒီမှာ အိမ်ရှင်က အိမ်ငှားရမ်းခကို လက်မခံဘူးဆိုရင် မြို့ပြဆိုင်ရာ ငှားရမ်းခကြီးကြပ်ရေး အက်ဥပဒေ ပုဒ်မ ၁၆ အရ မြို့နယ်ငှားရမ်းခကြီးကြပ်ရေးဝန်ထံ ပေးသွင်းနိုင်တယ်လို့ ပြဋ္ဌာန်းထားတယ်''
''ဒါဆိုရင် အိမ်ရှင်(မြေရှင်) က၊ အိမ်ငှားရမ်းခကို မယူလို့ မြို့နယ်ငှားရမ်းခကြီးကြပ်ရေးဝန်ရုံး ဆရာပြောတဲ့ အခု မြို့နယ်အုပ်ချုပ်ရေးမှူးရုံးထံ ပေးသွင်းတာဖြစ်မှာပေါ့နော်''
''အဲဒီလို ရိုးရိုးတန်းတန်းဆိုရင်တော့ တိုက်ခန်းဝယ်တဲ့သူက မြေရှင်ထံ စံငှားရမ်းခနှုန်းအတိုင်း အိမ်လခ သွားပေးမယ်။ ဒါမှမဟုတ်ရင် မြေရှင်သဘောတူတဲ့ အိမ်ငှားရမ်းခကို မြေရှင်(အိမ်ရှင်) ထံ ပေးမယ်။ အိမ်ရှင်ကလည်း လက်ခံမယ်ဆိုရင် အခြား ဘာပြဿနာမှ မရှိတော့ဘူးပေါ့။ တကယ်လို့ အိမ်ရှင်ဖြစ်သူက ငှားရမ်းခကို လက်မခံခဲ့ရင် တိုက်ခန်းဝယ်သူက ငှားရမ်းခ ကြီးကြပ်ရေးဝန်ထံ အိမ်ငှားအဖြစ် ဆက်လက်နေထိုင်ခွင့်နဲ့ ငှားရမ်းခပေးသွင်းခွင့်ပြုဖို့ လျှောက်ထားရမှာဖြစ်တယ်''
''ဆရာပြောမှ ကျွန်တော် သတိရတော့တယ်ဆရာ''
''ကဲ- ပြောပါဦး''
''အခု တိုက်ခန်းရောင်းမယ့်သူကို ငှားရမ်းခကြီးကြပ်ရေးဝန်ရုံးက နေထိုင်ခွင့်ချပေးထားတဲ့ အခန်းလို့ ပြောတယ်ဆရာ၊ ဒါကြောင့် ရောင်းလို့ မရဘူးဆိုပြီး ကန့်ကွက်တာလို့လည်း ပြောတယ်''
''ဟုတ်ပြီ၊ အခုမှပဲ ရှင်းတော့တယ်၊ မြို့ပြဆိုင်ရာ ငှားရမ်းခကြီးကြပ်ရေးဝန်က တိုက်ခန်းရောင်းမယ့်သူကို မြို့ပြဆိုင်ရာ ငှားရမ်းခကြီးကြပ်ရေး အက်ဥပဒေပုဒ်မ ၁၃ ပိုဒ်ခွဲ (၁) အရ၊ ဆက်လက်နေထိုင်ခွင့်နဲ့ စံငှားရမ်းခ သတ်မှတ်ပေးထားတာ ဖြစ်တယ်''
''ဟုတ်ကဲ့ ဆရာ''
''အဲဒီလို အခြေအနေမျိုးဆိုရင်တော့ အခြားသူကို ဥပဒေအရ မိမိသဘောအလျောက် ရောင်းချခွင့် မရှိဘူး''
''ဆရာ ဆိုလိုတဲ့သဘောက မြို့ပြဆိုင်ရာ ငှားရမ်းခကြီးကြပ်ရေး အက်ဥပဒေပုဒ်မ ၁၃ ပုဒ်မခွဲ (၁) အရ၊ စံငှားရမ်းခ သတ်မှတ်ပေးပြီး ဆက်လက်နေထိုင်ခွင့် ပြုထားတဲ့ တိုက်ခန်းဆိုရင် တိုက်ခန်းနေသူက တိုက်ခန်းကို ရောင်းချလွှဲပြောင်းခွင့် မရှိဘူးဆိုတဲ့ သဘောပေါ့နော်''
''မှန်ပါတယ်၊ ဒါပေမယ့် မဖြစ်မနေ ဝယ်လိုက်မိပြီဆိုရင်တော့ ဥပဒေနဲ့အညီ ကုစားလို့တော့ ရတာရှိတယ်''
''ပြောပြပါဦး ဆရာ''
''မြို့ပြဆိုင်ရာ ငှားရမ်းခကြီးကြပ် အက်ဥပဒေ ပုဒ်မ ၁၃ ပိုဒ်ခွဲ ၂ မှာ ငှားရမ်းခကြီးကြပ်ရေးဝန်ရုံးက အမိန့်ချမှတ်ထားတဲ့အတွက် နေထိုင်ခွင့်ရထားသူဟာ အဆိုပါ တိုက်ခန်း၊ အိမ်ခန်း၊ ဥပစာကနေ မိမိအလိုအလျောက် ထွက်ခွာသွားမယ်ဆိုရင် ငှားရမ်းခကြီးကြပ်ရေးဝန်က နေထိုင်ခွင့်အမိန့်ကို ဖျက်သိမ်းနိုင်တယ်လို့ ပြဋ္ဌာန်းထားတယ်၊ ဒါကြောင့် ကြီးကြပ်ရေးဝန်ရဲ့ နေထိုင်ခွင့်အမိန့်နဲ့ နေသူဟာ အဆိုပါ ဥပစာက ထွက်ခွာသွားရင် ဒါမှမဟုတ် ရောင်းသွားရင် အဲဒီဥပစာဟာ အခန်းလွတ်ဖြစ်သွားမှာ ဖြစ်တယ်။ ဝယ်သူက အလိုအလျောက် နေထိုင်ခွင့် မရနိုင်ဘူး။ ဥပဒေနဲ့အညီ ဆက်လက်နေထိုင်ခွင့်ကို မြို့ပြဆိုင်ရာ ငှားရမ်းခကြီး ကြပ်ရေးဝန်ထံ လျှောက်ထားရမှာဖြစ်တယ်''
''မြေရှင်က ရောင်းသွားတာ သိရင် ဘယ်လိုဆောင်ရွက်နိုင်သလဲ ဆရာ''
''မြို့ပြဆိုင်ရာ ငှားရမ်းခကြီးကြပ်ရေး အက်ဥပဒေပုဒ်မ ၂၁ မှာ အိမ်ရှင်(မြေရှင်)က နေထိုင်ခွင့်ရထားတဲ့ အိမ်ငှားထွက်ခွာသွားတယ်လို့ သိတဲ့အခါ၊ ဒါမှမဟုတ် အခြားသူ တစ်ဦးတစ်ယောက်က ဝင်ရောက်နေထိုင်တယ်လို့ သိတဲ့အခါ ငှားရမ်းခကြီးကြပ်ရေးဝန်ထံ အိမ်ရှင်အား လက်ရောက်ပေးအပ်ရန် လျှောက်ထားနိုင်တယ်လို့ ပြဋ္ဌာန်းထားတယ်။
ဒါနဲ့ ပတ်သက်လို့ ''မိုဆက်တီးနှင့် မိုင်မွန်နာဘီဘီပါ နှစ်ဦး၊ ၁၉၆၂ ခုနှစ် မြန်မာနိုင်ငံ တရားစီရင်ထုံး စာမျက်နှာ ၁၅၆'' အမှုမှာ ကွယ်လွန်သူ မူလအိမ်ငှား အနိစ္စရောက်ပြီးနောက် အခင်းဖြစ်တဲ့ အိမ်ခန်းသည် လစ်လပ်သည်ဟု ယူဆရမည်။ ယင်းသို့ လစ်လပ်နေသည့်အတွင်း သေဆုံးသူ၏ အမည်ဖြင့် အခန်းခပေး၍ နေသူသည် ကြီးကြပ်ရေးဝန်၏ အခွင့်အမိန့်တစ်စုံတစ်ရာ မရရှိဘဲ ထိုအခန်းတွင် နေထိုင်သည်ဟု ယူဆရမည်။ မြို့ပြဆိုင်ရာ ငှားရမ်းခကြီးကြပ်ရေး အက်ဥပဒေ ပုဒ်မ ၂၁ အရ အိမ်ခန်းမှ ဖယ်ရှားထွက်ခွာစေရန် အမိန့်ချမှတ်နိုင်ကြောင်း ဆုံးဖြတ်ထားတယ်''
''ဟုတ်ကဲ့ပါ ဆရာ၊ ဥပဒေနဲ့အညီ ဘယ်လို ဆောင်ရွက်ရမယ် ဆိုတာ သိပါပြီ ဆရာ''ဟု ဂါဝရပြု ထွက်ခွာသွားပါတော့သည်။
Credit: ဈေးကွက်ဂျာနယ်
