ရန်ကုန်တိုင်းဒေသကြီး ရှိ လုပ်ငန်းမလုပ်သည့် စက်မှုဇုန် မြေကွက်များကို အစိုးရရောင်း ချထားသည့် ဈေးနှုန်းအတိုင်း လျော်ကြေးပေးကာ ပြန်လည်သိမ်းယူပြီး လုပ်ငန်းလုပ်ကိုင်လိုသူများ ထံ လွှဲပြောင်းရောင်းချပေးသင့် ကြောင်း စက်မှုဇုန်စီမံခန့်ခွဲမှုကော် မတီဥက္ကဋ္ဌအချို့က အကြံပြုပြော ကြားသည်။
ရန်ကုန်တိုင်းဒေသကြီး အစိုးရသည် စက်မှုဇုန် ၂၉ ခုတွင် လုပ် ငန်းဆောင်ရွက်ခြင်းမရှိသည့် မြေ ကွက်များကို မေလ ၁၉ ရက်မှ စတင် စာရင်းကောက်ယူရာ လက်ရှိ၌ စက်မှုဇုန် ကိုးခုကိုသာ စာ ရင်းကောက်ယူနိုင်သေးသည်ဟု ဆိုသည်။
‘‘အစိုးရက စာရင်းတွေ တောင်းလို့ မြေကွက်လွတ်တွေ စာရင်းတော့ ပေးလိုက်ရတယ်။ ဘယ်လို လုပ်မယ်ဆိုတာတော့ မသိသေးဘူး’’ ဟု ရွှေပြည်သာ စက်မှုဇုန် (၂)၊ (၃)၊ (၄)စီမံခန့်ခွဲမှု ကော်မတီဥက္ကဋ္ဌ ဦးအေးကိုက ပြောသည်။
ရန်ကုန်တိုင်းဒေသကြီးရှိ စက်မှုဇုန်များတွင် မြေကွက်လွတ် များကို လုပ်ငန်းမလုပ်လျှင် ပြန်သိမ်းရန် ယခင်အစိုးရ ဒုတိယ သမ္မတ ဦးဆောင်ပြီး ၂၀၁၄ နိုဝင်ဘာမှစ၍ စာရင်း ကောက်ယူခဲ့သည်။
သို့သော် လုပ်ငန်းမလုပ် သော စက်မှုဇုန် မြေကွက်များ သည် မြို့ရွာနှင့် အိုးအိမ်ဖွံ့ဖြိုးရေး ဦးစီးဌာန၏ တရားဝင်ဂရန်ရရှိ ထားသဖြင့် သိမ်းယူရန် အခက်အ ခဲများရှိသည်။
‘‘သိမ်းတဲ့ပုံစံထက် အစိုးရက မူလရောင်းဈေးအတိုင်း ပြန်လျော်ပေးပြီး တကယ်လုပ်မယ့်သူကို လက်လွှဲရောင်းချပေးတာမျိုး လုပ်သင့်တယ်’’ဟု လှိုင်သာယာ စက်မှုဇုန် စီမံခန့်ခွဲမှုကော်မတီ ဥက္ကဋ္ဌ ဦးမြတ်သင်းအောင်က အ ကြံပြုသည်။
ရန်ကုန်တိုင်းဒေသကြီးရှိ စက်မှုဇုန် ၂၉ ခုတွင် လုပ်ငန်းမလုပ်သည့် မြေကွက် ၂,၃၃၉ ဧကနှင့် ဂိုဒေါင်အလွတ် ၁,၂၉၉ လုံးရှိနေသည်ဟု တိုင်းဒေသကြီးမှ ကောက်ယူထားသောစာရင်းအရ သိရသည်။
စက်မှုဇုန်များတွင် လုပ်ငန်း မလုပ်ဘဲ မြေကွက်များ ဝယ်ယူ ရင်းနှီးထားမှုသည် စက်မှုဇုန်ဖွံ့ဖြိုး ရေးလုပ်ငန်းအတွက် လုပ်ဆောင် ရာ၌လည်း အခက်အခဲ ဖြစ်ရ ကြောင်းလည်း စက်မှုဇုန်စီမံခန့် ခွဲမှုကော်မတီဥက္ကဋ္ဌအချို့က ပြောကြားသည်။
Credit: 7Daydaily
