အိမ်ခြံမြေအရောင်းအ ၀ယ်လုပ်ကိုင်ရာတွင် အခွန်ပေး ဆောင်ရန် ရာဖြတ်တန်ဖိုး စံနှုန်း သတ်မှတ်ချက်အသစ်များကို ဇွန် လမကုန်မီ ထုတ်ပြန်ပေးမည်ဖြစ် ကြောင်း မန္တလေးတိုင်းဒေသကြီး အစိုးရအဖွဲ့ ဘဏ္ဍာရေးဝန်ကြီး ဒေါက်တာမြင့်ကြူက ပြောသည်။
ယခုနှစ်အတွက် သတ်မှတ်ထားသည့် စံနှုန်းများသည် ယခင်နှစ်ထက် အနည်းငယ်လျော့ကျ မည်ဟု ဒေါက်တာမြင့်ကြူက ဆိုသည်။ ၂၀၁၄ အတွင်းက တိုင်းဒေသကြီးအစိုးရအဖွဲ့မှ သတ်မှတ်ထုတ်ပြန်ခဲ့သည့် အိမ်ခြံမြေစံနှုန်းသတ်မှတ်ချက်များမှာ ဈေးနှုန်းအလွန်မြင့်မားနေပြီး ပြည်သူလူထုက အခွန်ဆောင်ရာတွင် ယင်းသတ်မှတ်စံနှုန်းများဖြင့် တွက်ချက်ကောက်ခံ၍ အများပြည်သူနစ်နာရသကဲ့သို့ အိမ်ခြံမြေအရောင်းအ၀ယ်ဈေးတွင်ပါ ရိုက်ခတ်မှုရှိခဲ့သည်ဟု မန္တလေးမြို့ခံအိမ်ခြံမြေအကျိုးဆောင်များ က ပြောသည်။
ပြီးခဲ့သည့်နှစ်က မန္တလေး တိုင်းဒေသကြီးအစိုးရအဖွဲ့မှ သတ်မှတ်ထုတ်ပြန်ခဲ့သည့် အိမ်ခြံ မြေစံနှုန်းများတွင် ချမ်းမြသာစည် မြို့နယ် မြို့သစ်(၁)ရပ်ကွက် သိပ္ပံလမ်းပေါ်ရှိ မြေတစ်ဧကလျှင် အမြင့်ဆုံးဈေး ကျပ်သိန်းသုံးသိန်း ခြောက်သောင်းနှင့် ချမ်းအေးသာ စံမြို့နယ် လမ်း ၈၀ နှင့် ၂၆×၂၇ လမ်းများရှိ မြေကွက်များကို တစ် ဧကလျှင် ကျပ်သိန်းပေါင်း နှစ် သိန်းနှင့် သုံးသိန်းကြား သတ်မှတ် ခဲ့သည်။
အိမ်ခြံမြေစံနှုန်း သတ်မှတ် ချက်များသည် ပြင်ပပေါက်ဈေး ထက် များပြားနေကြောင်း၊ အ ချက်အလက် အထောက်အထား များဖြင့် တင်ပြကန့်ကွက်လာပါ က ပြန်လည်စိစစ်ကာ မှန်ကန် လျှင် ဈေးနှုန်းပြန်လည် လျှော့ချပေးမည်ဖြစ်ကြောင်း ဒေါက်တာမြင့်ကြူက ပြောသည်။ ပြီးခဲ့သည့်နှစ်က ချမ်းမြသာစည်နှင့် ပြည်ကြီးတံ ခွန်မြို့နယ်တို့အတွက် ဈေးနှုန်း များ ပြန်လည်လျှော့ချသတ်မှတ် ပေးခဲ့ကြောင်း ၎င်းကဆိုသည်။
လက်ရှိ မန္တလေးမြို့၏ အိမ် ခြံမြေအရောင်းအ၀ယ် ဈေးကွက် မှာ သိသိသာသာ ကျဆင်းနေ သည်ဟု မန္တလေးမြို့ခံ အိမ်ခြံမြေ အကျိုးဆောင်များက ပြောသည်။ စံနှုန်းသတ်မှတ်ချက်အသစ်များ သည် အခွန်ဆောင်သူများအ တွက် သင့်တင့်သည့် နှုန်းထား တစ်ရပ်ဖြစ်ပါက အရောင်းအ ၀ယ် အနည်းငယ် ပြန်လည်ကောင်းမွန်လာမည်ဟု မျှော်လင့်ရပြီး အိမ်ခြံမြေအရောင်းအ၀ယ် လုပ်ငန်း များတွင် အခွန်ရှောင်သူနည်း သွားကာ အခွန်ဆောင်သူ ပိုမိုများပြားလာနိုင်ဖွယ်ရှိသည်ဟု ၀ါရင့် အိမ်ခြံမြေအကျိုးဆောင်တစ် ဦးက ပြောသည်။
မြန်မာနိုင်ငံတွင် ကျပ်သိန်း တစ်သောင်းခွဲအထက် တန်ဖိုးရှိ သော အိမ်ခြံမြေ (သို့မဟုတ်) အခြားပစ္စည်းတစ်ခုခု အရောင်း အ၀ယ်ပြုလုပ်ပါက ၂၀၁၅-၁၆ ပြည်ထောင်စု အခွန်အကောက် ဥပဒေအရ ၀င်ငွေခွန် ၃၀ ရာခိုင် နှုန်းနှင့် တံဆိပ်ခေါင်းခွန် ၅ ရာ ခိုင်နှုန်း ပေးဆောင်ရမည်ဖြစ် ကြောင်း ပြဋ္ဌာန်းထားသည်။ မန္တလေးတိုင်းဒေသကြီးအတွင်း အိမ်ခြံမြေရာဖြတ်တန်ဖိုး စံဈေး နှုန်း သတ်မှတ်ခြင်းကို ပြီးခဲ့သည့် ၂၀၁၃-၁၄ ဘဏ္ဍာနှစ်တွင် စတင်ခဲ့သည်။
Credit: 7 day daily
