ပြည်ပ အိမ်ခြံမြေ သတင်း | Posted by အေးမြတ်သူ
တရုတ်ပြည်တွင် ဆင်းရဲနွမ်းပါးသော မိသားစုတွင် ကြီးပြင်းခဲ့ရသော်လည်း ကျောင်းစာထူးချွန်သည့် လူငယ်တစ်ဦးသည် ပေကျင်းမြို့တော်ရှိ အထင်ကရ တက္ကသိုလ်ကြီးဖြစ်သော Tsinghua University တွင် PhD တန်း တက်ရောက်ခွင့်ရသော ကျောင်းသားတစ်ဦးဖြစ်လာသည်အထိ ကြိုးစားနိုင်ခဲ့သည်။
ယခုအခါ ထိုလူငယ်ကို သူ၏ ဇာတိမြို့က မြို့အုပ်ချုပ်ရေးအကြံပေးပုဂ္ဂိုလ်တစ်ဦးအဖြစ် ခန့်အပ်လိုက်သည့် သတင်းမှာ ပြည်မကြီး လူမှုကွန်ရက်သုံးစွဲသူတို့အကြား သတင်းကြီးနေသည်။
ပန်ကျုံးဝမ် (Pang Zhongwang) အမည်ရှိ လူငယ်လေး၏ သတင်းများမှာ ၂၀၁၇ ခုနှစ်အတွင်းကလည်း လူမှုကွန်ရက်တွင် မွှေးပျံ့ခဲ့ဖူးသည်။
တရုတ်ပြည်တွင် အောင်မြင်ရန် ခက်ခဲသည်ဟု နာမည်ကြီးသော ကောက်ခေါင် (Gaokao) ဟုခေါ်သည့် တက္ကသိုလ်ဝင်ခွင့် စာမေးပွဲတွင် အမှတ် ၇၅၀ ပေးသည့်အနက် ၆၈၄ မှတ်အထိ ရရှိခဲ့သည့်သတင်းမှာ နာမည်ကြီးခဲ့သည်။
တရုတ်ပြည်တွင် gaokao စာမေးပွဲဖြေဆိုသူအများစုမှာ အမှတ် ၅၀၀ မှ ၆၀၀ ကြားသာ ရကြသည်။
ပန်ကျုံးဝမ် တက်ရောက်ခွင့်ရခဲ့သည့် တက္ကသိုလ်မှာ အမှတ် ၆၅၀ အထက်ရသူများသာ တက်ခွင့်ရသည်။
အထူးသဖြင့် ဆင်းရဲသားလေးတစ်ဦးက ထိုမျှ ထူးချွန်နေမှုကို လူအများ စိတ်ဝင်စားကြခြင်း ဖြစ်သည်။
ပန်ကျုံးဝမ်၏ ဖခင်မှာ စိတ်ကစဉ့်ကလျားရောဂါ ခံစားနေရပြီး မိခင်ကြီးမှာလည်း သွပ်ချာပါဒလိုက်နေသည်။
ပန်ကျုံးဝမ်သည် တရုတ်ပြည်၏ ဒိတ်ဒိတ်ကြဲတက္ကသိုလ်များတွင် တစ်ခုအပါအဝင်ဖြစ်သော Tsinghua တွင် တက်ရောက်ခွင့်ရခဲ့သည်။
ကျောင်းစာအလွန်ထူးချွန်သော ပန်ကျုံးဝမ်ကို လုပ်ငန်းရှင်တို့က ကျောင်းထားပေးမည်ဟု ကမ်းလှမ်းခဲ့သော်လည်း ၎င်းက ငြင်းပယ်ခဲ့သည်။
(မှတ်ချက်။ ပန်ကျုံးဝမ်သည် မည်သည့်ငွေဖြင့် ကျောင်းတက်ခဲ့သည်ကို ဖော်ပြထားခြင်းမရှိချေ။ ဖြစ်နိုင်ချေရှိသည်မှာ ပညာတော်သင်ဆု၊ ကျောင်းမှ ထောက်ပံ့ငွေ၊ အချိန်ပိုင်းအလုပ်များဖြင့် ရပ်တည်ဖြတ်သန်းခဲ့ခြင်း ဖြစ်နိုင်သည်။ ပန်ကျုံးဝမ်ကဲ့သို့ အလွန်ထူးချွန်သော ကျောင်းသားများကို Tsinghua တက္ကသိုလ်က full scholarship ပေးသည်။ ထို့အပြင် အစိုးရကလည်း National Student Aid Loan ဟုခေါ်သော အတိုးမဲ့ ကျောင်းစရိတ်ထုတ်ချေးမှုရှိပြီး ဘွဲဲ့ရပြီးမှ ပြန်ဆပ်ရသည့် အစီအစဉ်မျိုးရှိသည်။ Tsinghua တက္ကသိုလ်တွင် စာတော်သော ထိပ်တန်းကျောင်းသားများသည် သင်ကြားရေး အထောက်အကူပေးခြင်း၊ ပါမောက္ခများ၏ ဓာတ်ခွဲခန်းများတွင် ကူညီပေးခြင်း၊ စာကြည့်တိုက်တွင် အကူအညီပေးခြင်းတို့ဖြင့် ဝင်ငွေများ ရကြသည်။ ထို့အပြင် Tsinghua တက္ကသိုလ်တွင် PhD ကျောင်းသားများကို နေစရိတ်နှင့် လူနေမှုစရိတ်များ ထောက်ပံ့ပေးသည်။))
ယခုအခါ အသက် ၂၆ နှစ်အရွယ်ရှိပြီဖြစ်သူ ပန်ကျုံးဝမ်သည် Tsinghua တက္ကသိုလ်တွင် သိပ္ပံသုတေသနများ၌ အသုံးပြုသည့် အတိအကျတိုင်းတာနိုင်သော တိုင်းတာရေးကိရိယာများ ထုတ်လုပ်သည့်ပညာရပ်ကို PhD ကျောင်းသားအဖြစ် ဆည်းပူးလျက်ရှိသည်။
(ပန်ကျုံးဝမ်သည် စီးပွားရေးလုပ်ငန်းရှင်များ၏ အထောက်အပံ့များကို ငြင်းပယ်ခဲ့သည်။ ဓာတ်ပုံ-Baidu)
ပြီးခဲ့သော မေလ ၁၀ ရက်တွင် ပန်ကျုံးဝမ်၏ ဇာတိဒေသဖြစ်သည့် ဟီဘေးပြည်နယ်၊ ဝူချောင်ခရိုင် အုပ်ချုပ်ရေးအဖွဲ့က ပန်ကျုံးဝမ်အား အတိုင်ပင်ခံပုဂ္ဂိုလ်၊ ယဉ်ကျေးမှုနှင့် ခရီးသွားလုပ်ငန်း သံတမန်အဖြစ် ခန့်အပ်လိုက်ကြောင်း Hebei Economic Daily သတင်းဌာနက ဖော်ပြသည်။
မိခင်ကြီး နာမကျန်းဖြစ်နေစဉ် ဆေးဖိုးမရှိသောကြောင့် ပန်ကျုံးဝမ်မှာ အိမ်နီးချင်းများထံမှ လိုက်လံငွေချေးခဲ့ရသည်။
ပန်ကျုံးဝမ်၏ မိခင်ကြီးသည် ၂၀၂၀ ပြည့်နှစ်က ကွယ်လွန်သွားပြီး ကွယ်လွန်ချိန်တွင် အသက် ၄၈ နှစ်သာ ရှိသေးသည်။
မိမိတို့ မိသားစုကို ဘိုးဘွားများက ကြည့်ရှုထောက်ပံ့လေ့ရှိကြောင်း ပန်ကျုံးဝမ်က ပြောပြသည်။
(တက္ကသိုလ်ဝင်ခွင့် စာမေးပွဲမဖြေဆိုမီတွင် အခြားကျောင်းသားများမှာ ကျောင်းစာကိုသာ အချိန်ပေး အာရုံစိုက်နေကြချိန်တွင် ပန်ကျုံးဝမ်မှာ ဘူးပလုံးများ လိုက်ကောက်ကာ ဝင်ငွေရှာပြီး မိသားစုကို ထောက်ပံ့ခဲ့ရသည်။ ထိုသို့ ကြမ်းတမ်းစွာ ရုန်းကန်ရသည့်တိုင် စာမေးပွဲတွင် ထူးချွန်စွာ အောင်မြင်ခဲ့သည်။ ဓာတ်ပုံ-Shutterstock)
“ဒီကလေးက ကျွန်မဘဝရဲ့ အကြီးမားဆုံး မျှော်လင့်ချက်ပါ။ ကျွန်မက တစ်ရက်လေးတောင် ကျောင်းမတက်ဖူးပါဘူး။ ဒါကြောင့် ပညာတတ်တွေကို ကျွန်မ တကယ်လေးစားပါတယ်။ သားလေးကို ကျောင်းစာကြိုးစားဖို့ပဲ ကျွန်မ တိုက်တွန်းပါတယ်” ဟု ပန်ကျုံးဝမ်၏ မိခင်ကြီးက သတင်းမီဒီယာတို့ကို ပြောခဲ့ဖူးသည်။
“အမေက ကျွန်တော့်ကို အရာရာ အကောင်းမြင်စိတ်ရှိဖို့ အမြဲတိုက်တွန်းပါတယ်။ ရှေ့ကိုပဲ ကြည့်သင့်တယ်လို့ အမေက ယုံကြည်ထားတယ်။ အမေက အမြဲတမ်း ပြုံးနေလေ့ရှိပါတယ်။ ဒါကြောင့် ကျွန်တော်က ဘာကြောင့် ဝမ်းနည်းစိတ်ပျက်နေရမှာလဲ” ဟု ပန်ကျုံးဝမ်က ပြောသည်။
(ပန်ကျုံးဝမ်၏ ကွယ်လွန်သွားပြီဖြစ်သော မိခင်ကြီး။ ဓာတ်ပုံ-Baidu)
ပန်ကျုံးဝမ်၏ ဘဝဇာတ်ကြောင်းမှာ တရုတ်ရိုးရာ စကားပုံတစ်ခုဖြစ်သော နိကျင်း ချူးရန်းထိုင် (ဆင်းရဲဒုက္ခက အစွမ်းအစကို မွေးဖွားပေးတယ်) ဆိုသည်မှာ မှန်ကန်ကြောင်း သက်သေပြနေသည်။
မိတ်ဆွေသည် အိမ်ခြံမြေအကျိုးဆောင်လုပ်ငန်း (သို့) ဆောက်လုပ်ရေးလုပ်ငန်း လုပ်ကိုင်နေသူတစ်ဦးဖြစ်ပါက iMyanmarHouse.com (အိုင်မြန်မာဟောက်စ်ဒေါ့ကွန်း) မှ သင်၏အိမ်ခြံမြေလုပ်ငန်း အထူးတလည် အောင်မြင်နိုင်စေရန်အတွက် ကူညီပံ့ပိုးပေးနိုင်ပါသည် ။ iMyanmarHouse.com (အိုင်မြန်မာဟောက်စ်ဒေါ့ကွန်း) ဝဘ်ဆိုက်နှင့် လက်တွဲ၍ အိမ်ခြံမြေလုပ်ငန်းလုပ်ကိုင်ပြီး မြန်မာနိုင်ငံတဝှမ်းလုံးတွင်အောင်မြင်နေသော အကျိုးဆောင် စုစုပေါင်း (၂၃၀၀) ကျော် နှင့် ဆောက်လုပ်ရေးလုပ်ငန်း စုစုပေါင်း (၇၀၀) ကျော်ရှိပါသည် ။ iMyanmarHouse.com (အိုင်မြန်မာဟောက်စ်ဒေါ့ကွန်း) ဝဘ်ဆိုက်ကို တစ်လလျှင် ပြည်တွင်းပြည်ပ မှ လူဦးရေ (၃.၈) သန်းကျော် ဝင်ရောက်အသုံးပြုနေပြီး မြန်မာတစ်နိုင်ငံလုံးတွင် နံပါတ်(၁) လူသုံးအများဆုံး အိမ်ခြံမြေရောင်းဝယ်ငှားဝဘ်ဆိုက် ဖြစ်ပါသည် ။ ရန်ကုန် ၊ မန္တလေး၊ ငွေဆောင်၊ ချောင်းသာ၊ တောင်ကြီး၊ ကလော၊ ပြင်ဦးလွင်၊ စစ်တွေ၊ မြဝတီ အစရှိသော မြန်မာတစ်နိုင်ငံလုံးတွင်ရှိသည့် အိမ်ခြံမြေစီမံကိန်းများကို ရောင်းချပေးနေပါသည်။သင်၏ အကျိုးဆောင်လုပ်ငန်း (သို့မဟုတ်) ဆောက်လုပ်ရေးလုပ်ငန်းအောင်မြင်စေရန်အတွက် iMyanmarHouse.com (အိုင်မြန်မာဟောက်စ်ဒေါ့ကွန်း) နှင့် အခုပင်လျှင် ဆက်သွယ် မေးမြန်းစုံစမ်းနိုင်ပါသည် ။ (Hot Line ဖုန်း : 09-252605671 ~ 5 )
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: Meet China PhD student Pang Zhongwang who rises from waste collector to cultural ambassador Photo Credit-Shutterstock, Baidu
