အင်္ဂလန်ရှိ မြို့လေးတစ်မြို့တွင် လမ်းထောင့်၌ အခွံခွာထားသော ငှက်ပျောသီးများ ထည့်ထားသည့် ပန်းကန်ပြားတစ်ချပ် လစဉ် ၁ ရက်နေ့တိုင်း တွေ့ရသည့် ဆန်းကြယ်သောပု စ္ဆာ

အင်္ဂလန်နိုင်ငံ၊ နော်တင်ဟမ်ရှိုင်းယားခရိုင်မှ မြို့လေးတစ်မြို့၏ တိတ်ဆိတ်သော လမ်းထောင့်တစ်နေရာတွင် တစ်လလျှင်တစ်ကြိမ်နှုန်းဖြင့် အခွံခွာထားသော ငှက်ပျောသီးတစ်ပန်းကန်ကို တွေ့ရှိနေသည်မှာ တစ်နှစ်ကျော် ရှိခဲ့ပြီဖြစ်ပြီး မည်သည့်အတွက် ထိုငှက်ပျောသီးပန်းကန် လာရောက်ချထားသည်ကို မည်သူမျှ မသိကြချေ။

နော်တင်ဟမ်ရှိုင်းယားခရိုင်၊ ဘီးစတန် (Beeston) မြို့လေးရှိ Abbey လမ်းနှင့် Wensor ရိပ်သာလမ်းထောင့် တွင် ငှက်ပျောသီး ၁၆ လုံးမှ ၂၀ လုံးအထိ ထည့်ထားသော ပန်းကန်တစ်ချပ်ကို မြို့ခံတို့ သတိထားမိနေ သည်မှာ အတန်ကြာခဲ့ပြီ ဖြစ်သည်။

လစဉ်လတိုင်း လအစ ပထမရက် (သို့မဟုတ်) ဒုတိယရက်တွင် အဆိုပါငှက်ပျောသီးပန်းကန် ပေါ်ပေါက်လာလေ့ရှိသည်။

မည်သူက အဘယ်ကြောင့် ငှက်ပျောသီးပန်းကန်လာချထားနေသည်ကို ဒေသခံတို့ မစဉ်းစားတတ်အောင် ဖြစ်နေသည်။

သိရသမျှမှာ အဆိုပါ ငှက်ပျောသီးပန်းကန် တစ်နေရာတည်းတွင် လတိုင်းတွေ့နေရသည်မှာ တစ်နှစ်ကျော်ရှိခဲ့ပြီဟူသောအချက်သာ ဖြစ်သည်။

ငှက်ပျောသီးပန်းကန်ကို မည်သူလာရောက်ချထားသည်ဖြစ်စေ ထိုသို့ မချရန် တောင်းဆိုထားသည့် ဆိုင်းဘုတ်များ ထားရှိသော်လည်း ငှက်ပျောသီးပန်းကန်ကို လစဉ်တွေ့ရမြဲပင်။

အချို့က ယူဆသည်မှာ ပျားရည်ဆမ်းထားသော ငှက်ပျောသီးပန်းကန်ချထားခြင်းမှာ ဘာသာရေးယုံကြည်ချက်အရ ဖြစ်နိုင်ကြောင်း ပြောကြာသည်။

အချို့ကမူ ဒေသတွင်းရှိ တိရ စ္ဆာန်တို့ကို တစ်ဦးဦးက အစာလာကျွေးနေခြင်းသာဖြစ်သည်ဟု ယူဆကြသည်။

သို့သော် မည်သည့်တိရ စ္ဆာန်မှ ထိုငှက်ပျောသီးပန်းကန်ကို မတို့ထိကြ။

ယနေ့အချိန်အထိ အဆိုပါ အံ့ဖွယ်သူရဲ ဆန်းကြယ်သောဖြစ်ရပ်နှင့် ပတ်သက်ပြီး အဖြေမှန်ကို မည်သူမှ မသိကြ။

“အနီးနားဝန်းကျင်မှာ ကျွန်မ လိုက်ပြီးမေးပေမယ့် ဘယ်သူမှ ရေရေရာရာ မပြောနိုင်ကြဘူး” ဟု ဒေသခံတစ်ဦးဖြစ်သူ ကလဲရ်ရှော့က ပြောသည်။

“လတစ်လရဲ့ ဒုတိယရက် မနက်စောစောမှာ ငှက်ပျောသီးပန်းကန်ကို တွေ့ရလေ့ရှိပါတယ်။ ကျွန်မ အလုပ်သွားတိုင်း အဲဒီလမ်းက သွားရတာမို့လို့ပါ။ ဒီကိစ္စရဲ့ အဖြေကို သိချင်နေပါတယ်”

မိမိတို့၏ လမ်းထိပ်တွင် ငှက်ပျောသီးများ ပုပ်သိုးလာခြင်းအပေါ် ဒေသခံတို့ စိတ်ပျက်နေကြရာ ကလဲရ်ရှော့က မိမိကိုယ်တိုင် ရှင်းလင်းရန် ဆုံးဖြတ်ခဲ့ရသည်။

(ဘီးစတန်မြို့လေး၏ လမ်းထောင့်တစ်နေရာတွင် ငှက်ပျောသီးတစ်ပန်းကန်ကို လစဉ်လတိုင်း တွေ့နေရသည်)

ငှက်ပျောသီး လစဉ်လာရောက်ချထားနေသူကို ထိုသို့ ဆက်လက်မလုပ်ဆောင်ပါရန် တောင်းဆိုသည့် စာတစ်စောင် ကလဲရ်ရှော့က ပရင့်ထုတ်ခဲ့သည်။

အဆိုပါ တောင်းဆိုစာကို လစဉ် ငှက်ပျောသီးတွေ့ရသည့်နေရာတွင် ထားရှိခဲ့သည်။

“ကျေးဇူးပြုပြီး ငှက်ပျောသီးတွေ ထပ်မချပါနဲ့ရှင်။ ပြန်မသိမ်းတဲ့ ပန်းကန်ပြားတွေနဲ့ ပုပ်သိုးသွားတဲ့ ငှက်ပျောသီးတွေကြောင့် ညစ်ပတ်လာလို့ပါ” ဟု ရေးသားဖော်ပြထားသည်။

ကလဲရ်ရှော့က ထိုသို့ တောင်းပန်စာ ရေးသားထားသော်လည်း ဇန်နဝါရီ ၂ ရက်တွင် ငှက်ပျောသီးအပြည့်ဖြင့် ပန်းကန်ပြားတစ်ချပ် ရောက်လာပြန်သည်။

ထိုအချိန်တွင်မူ ကလဲရ်ရှော့က သူ၏ဆိုင်းဘုတ်ကို ပြန်လည်ဖြုတ်သိမ်းခဲ့သည်။ ငှက်ပျောသီးလာရောက် ချထားနေခြင်းမှာ တစ်ဦးတစ်ယောက်အတွက် အရေးကြီးသောကြောင့်ဖြစ်နိုင်သည်ဟု ၎င်းက ယူဆသည်။

“ကျွန်မရဲ့ ဆိုင်းဘုတ်ကို ပြန်သိမ်းလိုက်ပါတယ်။ ဘာကြောင့်လဲဆို အကျယ်အကျယ်နဲ့ ပြဿနာ မဖြစ်ချင်လို့ပါ” ဟု ကလဲရ်ရှော့က ဆိုသည်။

(Abbey လမ်းနှင့် Wensor ရိပ်သာလမ်းထောင့်တွင် ငှက်ပျောသီးပန်းကန်ကို တွေ့နေရသည်မှာ တစ်နှစ်ကျော် ရှိခဲ့ပြီ ဖြစ်သည်)

(ငှက်ပျောသီးများ ဆက်လက်မချထားပါရန် တောင်းဆိုစာ ကပ်ထားသော်လည်း တွေ့ရမြဲ ဖြစ်နေသည်)

အချို့ကပြောသည်မှာမူ လစဉ်ပေါ်ပေါက်လာနေသော ငှက်ပျောသီးပန်းကန်ကြောင့် ခြောက်ခြားမှု ခံစားနေရကြောင်း၊ လက်သည်ကို ရှာဖွေပေးရန် ရဲတပ်ဖွဲ့ထံ အကြောင်းကြားထားကြောင်း ပြောသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Town terrorised by phantom banana peeler: Locals split hairs after perfectly prepared fruit mysteriously appears on street every month for over a year Photo Credit-Dailymail