မြောက်ကိုရီးယားဗိုလ်ကြီး (သို့မဟုတ်) Hyun Bin နှင့် Son Ye-jin တို့စုံတွဲက ပျားရည်ဆမ်းခရီး ဖြတ်သန်းခဲ့သော Penthouse ခန်းကို ကန်ဒေါ်လာ ၅ ဒသမ ၁ သန်းဖြင့် အရောင်းဈေးကွက်တင်ထား

မြန်မာပရိသတ်များအကြား ဗိုလ်ကြီးဟု နာမည်ကြီးခဲ့သော Crash Landing On You (2019) ဇာတ်ကားတွင် မြောက်ကိုရီးယားဗိုလ်ကြီး Lee Jung Hyuk နှင့် တောင်ကိုရီးယားမှ သူဌေးသမီး Yoon Se-Ri အဖြစ် သရုပ်ဆောင်ခဲ့ကြသော Hyun Bin နှင့် Son ye jin တို့ ဇနီးမောင်နှံ၏ ဇာတ်ကားမှာ မြန်မာပရိသတ်များ အကြား အကြီးအကျယ်ရေပန်းစားခဲ့သည်။

ယခုအခါ Hyun Bin နှင့် Son Ye-jin တို့စုံတွဲသည် ၂၀၂၀ ပြည့်နှစ်အတွင်းက ဝယ်ယူထားခဲ့သော Penthouse ခန်းကို အရောင်းဈေးကွက်တင်လာသည်။

Penthouse ခန်း တည်နေရာမှာ တောင်ကိုရီးယားနိုင်ငံ၊ Gyeonggi ပြည်နယ်၊ Guri မြို့၊ Achiul အရပ်တွင်ဖြစ်ပြီး ၂၀၂၀ ပြည့်နှစ်အတွင်း ဝမ်ငွေ ၄ ဒသမ ၈ ဘီလီယံ (ကန်ဒေါ်လာ ၃ ဒသမ ၅ သန်း ဝန်းကျင်) ဖြင့် ဝယ်ယူခဲ့ခြင်း ဖြစ်သည်။

Hyun Bin နှင့် Son Ye-jin တို့ စုံတွဲသည် အဆိုပါ penthouse ခန်းတွင် ပျားရည်ဆမ်းကာလ ဖြတ်သန်းခဲ့ပြီး ၂ နှစ်ခန့် နေထိုင်ခဲ့သည်ဟု သိရသည်။

အိပ်ခန်း ၄ ခန်း၊ ရေချိုးခန်း ၄ ခန်းအပြင် rooftop garden လည်းပါဝင်ကာ အကျယ်အဝန်း ၃၃၀ စတုရန်းမီတာ ရှိသည်။

ဝယ်ယူပြီး ၄ နှစ်အကြာ ယခုအခါတွင် Hyun Bin က ဝမ်ငွေ ၇ ဘီလီယံ (ကန်ဒေါ်လာ ၅ ဒသမ ၁ သန်းဝန်းကျင်) ဈေးခေါ်ကာ အရောင်းဈေးကွက်တင်ထားသည်။

ခေါ်ဈေးအတိုင်းသာ ရောင်းထွက်မည်ဆိုပါက Hyun Bin အနေဖြင့် ဝမ်ငွေ ၂ ဒသမ ၂ ဘီလီယံခန့် မြတ်စွန်းမည် ဖြစ်သည်။

Hyun Bin နှင့် Son Ye-jin တို့စုံတွဲသည် ၂၀၂၂ ခုနှစ်၊ မတ်လတွင် လက်ထပ်ခဲ့ခြင်းဖြစ်ပြီး ထိုနှစ် နိုဝင်ဘာလတွင် ပထမဆုံး ရင်သွေး သားကလေး မွေးဖွားခဲ့သည်။

လက်ထပ်ပြီးနောက်ပိုင်း ယခု Penthouse ခန်းတွင် နေထိုင်ခဲ့ကြခြင်း ဖြစ်သည်။

Penthouse ခန်း တည်ရှိရာ ဒေသသည် အနုပညာရှင်များစွာ အခြေချနေထိုင်သော နေရာအဖြစ် လူသိများသည်။

ထိုဒေသတွင် အဆိုတော်များဖြစ်သော Park Jin Young, Jo Sung Mo ၊ ရုပ်ရှင်မင်းသမီးများဖြစ်သော Park Hae Mi, Oh Yeon Seo နှင့် Han So Hee တို့ နေထိုင်ကြသည်။

ထို့အပြင် Son Ye-jin ကလည်း ဆိုးလ်မြို့တော်၊ ဂမ်နမ်ခရိုင်ရှိ luxury စံအိမ်ကြီးကို ရောင်းထုတ်ထားသေးသည်။

အဆိုပါစံအိမ်ကို Son Ye-jin က ၂၀၀၈ ခုနှစ်အတွင်း ဝမ်ငွေ ၃ ဘီလီယံဖြင့် ဝယ်ယူခဲ့ခြင်းဖြစ်ပြီး ပြီးခဲ့သော ၂၀၂၃ ခုနှစ်အတွင်း ဝမ်ငွေ ၄ ဒသမ ၈ ဘီလီယံဖြင့် ပြန်လည်ရောင်းထုတ်ခဲ့သည်။

Hankyung သတင်းဌာန၏ ဖော်ပြချက်အရ Hyun Bin နှင့် Son Ye-jin တို့စုံတွဲသည် တန်ဖိုးကြီး အိမ်ခြံမြေ များစွာပိုင်ဆိုင်ထားရာ ဆိုးလ်မြို့တော်ရှိ ဝမ်ငွေ ၁၆ ဘီလီယံတန် အဆောက်အအုံကြီးတစ်လုံးနှင့် အခြား ကူးသန်းရောင်းဝယ်ရေးဆိုင်ရာ အဆောက်အအုံတစ်လုံးတို့လည်း ပါဝင်ကြောင်း ဖော်ပြသည်။

(ဆက်စပ်သတင်း)

မြောက်ကိုရီးယားဗိုလ်ကြီးဇာတ်ကားတွင် တွဲဖက်ညီခဲ့သော Hyun Bin နှင့် Son ye jin တို့ စံအိမ်

https://www.imyanmarhouse.com/news/read/1015770

မိတ်ဆွေသည် အိမ်ခြံမြေအကျိုးဆောင်လုပ်ငန်း (သို့) ဆောက်လုပ်ရေးလုပ်ငန်း လုပ်ကိုင်နေသူတစ်ဦးဖြစ်ပါက iMyanmarHouse.com (အိုင်မြန်မာဟောက်စ်ဒေါ့ကွန်း) မှ သင်၏အိမ်ခြံမြေလုပ်ငန်း အထူးတလည် အောင်မြင်နိုင်စေရန်အတွက် ကူညီပံ့ပိုးပေးနိုင်ပါသည် ။ iMyanmarHouse.com (အိုင်မြန်မာဟောက်စ်ဒေါ့ကွန်း) ဝဘ်ဆိုက်နှင့် လက်တွဲ၍ အိမ်ခြံမြေလုပ်ငန်းလုပ်ကိုင်ပြီး မြန်မာနိုင်ငံတဝှမ်းလုံးတွင်အောင်မြင်နေသော အကျိုးဆောင် စုစုပေါင်း (၂၃၀၀) ကျော် နှင့် ဆောက်လုပ်ရေးလုပ်ငန်း စုစုပေါင်း (၇၀၀) ကျော်ရှိပါသည် ။ iMyanmarHouse.com (အိုင်မြန်မာဟောက်စ်ဒေါ့ကွန်း) ဝဘ်ဆိုက်ကို တစ်လလျှင် ပြည်တွင်းပြည်ပ မှ လူဦးရေ (၃.၈) သန်းကျော် ဝင်ရောက်အသုံးပြုနေပြီး မြန်မာတစ်နိုင်ငံလုံးတွင် နံပါတ်(၁) လူသုံးအများဆုံး အိမ်ခြံမြေရောင်းဝယ်ငှားဝဘ်ဆိုက် ဖြစ်ပါသည် ။ ရန်ကုန် ၊ မန္တလေး၊ ငွေဆောင်၊ ချောင်းသာ၊ တောင်ကြီး၊ ကလော၊ ပြင်ဦးလွင်၊ စစ်တွေ၊ မြဝတီ အစရှိသော မြန်မာတစ်နိုင်ငံလုံးတွင်ရှိသည့် အိမ်ခြံမြေစီမံကိန်းများကို ရောင်းချပေးနေပါသည်။သင်၏ အကျိုးဆောင်လုပ်ငန်း (သို့မဟုတ်) ဆောက်လုပ်ရေးလုပ်ငန်းအောင်မြင်စေရန်အတွက် iMyanmarHouse.com (အိုင်မြန်မာဟောက်စ်ဒေါ့ကွန်း) နှင့် အခုပင်လျှင် ဆက်သွယ် မေးမြန်းစုံစမ်းနိုင်ပါသည် ။ (Hot Line ဖုန်း : 09-252605671 ~ 5 )

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Hyun Bin & Son Ye Jin put up their penthouse for sale at ~ $5.1 million USD (allkpop)