စင်္ကာပူတွင် ကျင်းပခဲ့သော ရွှေဒင်္ဂါး ပံ့သကူပစ်ပွဲ (သို့မဟုတ်) စင်္ကာပူတွင် တစ်နိုင်ငံလုံးအတိုင်းအတာ ကျင်းပနေသော ရတနာရှာပွဲတွင် ဒေါ်လာ ၅၀၀,၀၀၀ တန် ရွှေဒင်္ဂါးပြားကို သူငယ်ချင်း ၃ ဦးက ခုံတန်းတစ်ခုအောက်တွင် တွေ့ရှိ

မျက်စိလျင်သူများအတွက် စင်္ကာပူတွင် တစ်နိုင်ငံလုံးအတိုင်းအတာ ပါဝင်ဆင်နွှဲကြသော ရတနာရှာပွဲ (Hunt the Mouse) ပြိုင်ပွဲကြီး ရှိနေသည်။

ယခုနှစ်တွင် စင်္ကာပူဒေါ်လာ ၁ သန်းအထိ ဆုငွေများ ပေးထားရာ စင်္ကာပူဒေါ်လာ ၅၀၀,၀၀၀ ဆုငွေပေးမည့် ရွှေဒင်္ဂါးတစ်ခုနှင့် ငွေဒင်္ဂါး ၃၀၀ တို့ ဖြစ်ကာ ငွေဒင်္ဂါးပြားများမှာ ဆုငွေ ဒေါ်လာ ၅၀၀ (သို့မဟုတ်) ဒေါ်လာ ၂၅၀၀ ဖြစ်နိုင်သည်။

ပြီးခဲ့သော ၂၀၂၃ ခုနှစ်အတွင်းကမူ ဆုငွေ စင်္ကာပူဒေါ်လာ ၁၀၀,၀၀၀ သာ ချီးမြှင့်ခဲ့ပြီး စင်္ကာပူဒေါ်လာ ၅၀,၀၀၀ တန် ရွှေဒင်္ဂါးတစ်ပြားနှင့် စင်္ကာပူဒေါ်လာ ၅၀၀ တန် ငွေဒင်္ဂါး ၁၀၀ ခုတို့ ပါဝင်ခဲ့သည်။

((ဘယ်လို ကစားရတာလဲ))

စင်္ကာပူတွင် သင်နေထိုင်ရာနေရာမှ အပြင်ထွက်ကာ ဖွက်ထားသော ဒင်္ဂါးပြားများကို နေရာအနှံ့လိုက်လံရှာဖွေ ရုံသာ ဖြစ်သည်။

စင်္ကာပူအခြေစိုက် Sqkii ကုမ္ပဏီက ဒင်္ဂါးပြားများရှိသော နေရာများကို ၎င်းတို့၏ အင်စတာဂရမ်၊ Facebook နှင့် တယ်လီဂရမ် စာမျက်နှာများတွင် တစ်နေ့လျှင် ၃ ကြိမ် သဲလွန်စ ထုတ်ပြန်ပေးသည်။

ရွှေဒင်္ဂါးကို ဖွက်သည့်အချိန်မှာ အောက်တိုဘာ ၂၈ ရက်မှ နိုဝင်ဘာ ၃ ရက်ကြားဖြစ်သည်။

ငွေဒင်္ဂါးပြားများမှာမူ စင်္ကာပူနိုင်ငံတဝန်း ကြိုတင်ဖြန့်ကျက်ဖွက်ထားခဲ့ပြီး ဖြစ်သည်။ အောက်တိုဘာ ၁၀ ရက် မနက် ၁၀ နာရီတွင် စတင်ခဲ့ပြီး မည်သူမဆို ပါဝင်ဆင်နွှဲနိုင်သော ရတနာရှာပွဲ ဖြစ်သည်။

((ဒေါ်လာ ၅၀၀၀၀၀ တန် ရွှေဒင်္ဂါး ဘယ်သူရသွားလဲ))

ဆုကြေးအမြင့်ဆုံးဖြစ်သော စင်္ကာပူဒေါ်လာ ၅၀၀၀၀၀ ရမည့် ရွှေဒင်္ဂါးပြားကို သူငယ်ချင်း ၃ ဦးက Bedok Central လူနေအိမ်ရာအနီးရှိ ခုံတန်းတစ်ခုအောက်တွင် ရှာဖွေတွေ့ရှိသွားကြသည်။

(ဓာတ်ပုံ-Sqkii on Facebook)

လူငယ် ၃ ဦးဖြစ်သော ဝီကီယက်၊ အက်ဒ်ဝါ့နှင့် အာဝင်တို့က ရွှေဒင်္ဂါးပြားကို New Upper Changi လမ်းပေါ် ၊ Block 208 ရှေ့ရှိ ခုံတန်းတစ်ခုအောက်တွင် နိုဝင်ဘာ ၈ ရက် မနက် ၁း၄၃ အချိန်တွင် တွေ့ရှိခဲ့ခြင်းဖြစ်သည်။

(Sqkii ၏ Facebook စာမျက်နှာတွင် ရွှေဒင်္ဂါးရှိသည့်နေရာကို သဲလွန်စပေးထားခဲ့ပုံ။ ဓာတ်ပုံ-Sqkii on Facebook)

အတည်ပြုစစ်ဆေးမှု လုပ်ငန်းစဉ်များအရ ဝီကီယက်သည် အက်ဒ်ဝါ့၊ အာဝင်တို့၏ အကူအညီဖြင့် သဲလွန်စကို အသုံးပြုရှာဖွေရာ ရွှေဒင်္ဂါးကို တွေ့ရှိခဲ့ခြင်းဖြစ်ကြောင်း အတည်ပြုခဲ့သည်။

ထို့ကြောင့် ၎င်းတို့ ၃ ဦးမှာ စင်္ကာပူဒေါ်လာ ၅၀၀,၀၀၀ ဆုငွေ ရရှိမည် ဖြစ်သည်။

(ဝီကီယက်ကို ရွှေဒင်္ဂါးရှာဖွေတွေ့ရှိသောနေရာတွင် တွေ့ရပုံ။ ဓာတ်ပုံ-@sqkiimouse on Instagram)

(ခုံတန်းမှာ Block 208 နှင့် Block 212 ကြားတွင်ရှိကြောင်း ဝီကီယက်က ပြသနေပုံ။ ဓာတ်ပုံ-@sqkiimouse on Instagram)

(ရွှေဒင်္ဂါးကို ပစ္စည်းတစ်ခုခုအောက်တွင် ဖွက်ထားကြောင်း Sqkii က သဲလွန်စပေးခဲ့သည်။ ဓာတ်ပုံ-@sqkiimouse on Instagram)

(ဓာတ်ပုံ-@sqkii on Facebook)

ယခုအခါ ရတနာရှာပွဲတွင် ဖွက်ထားသော ငွေဒင်္ဂါးများအားလုံးလည်း တွေ့ရှိသွားကြပြီဖြစ်ကြောင်း Sqkii ၏ ဝက်ဘ်ဆိုက်တွင် ဖော်ပြထားသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767  သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Guess who’s back? Treasure hunt game Hunt the Mouse returns, $1m in cash prizes to be won (asiaone) Photo Credit- @sqkiimouse on Instagram, Sqkii on Facebook