ပျားရည်ကို ကျန်းမာရေးအတွက် အသုံးပြုနည်း (၂၄) မျိုး - Property Knowledge in Myanmar from iMyanmarHouse.com
251 Views

ပျားရည်ကို ကျန်းမာရေးအတွက် အသုံးပြုနည်း (၂၄) မျိုး

Knowledge | Posted by Hnin Ei Khin

ပျားဆိုသည်မှာ လေထဲတွင်ပျံသန်းနိုင်တဲ့ အစုအဖွဲ့နဲ့ စနစ်တကျနေလေ့ရှိတဲ့ အင်းဆက်သတ္တဝါတစ်မျိုးဖြစ်ပါတယ်။ ပျားမျိုးစိတ် စုစုပေါင်း ၂၀၀၀၀ ကျော်ရှိကာ ပန်းပွင်တဲ့ သစ်ပင်ပေါက်ရောက်ရာ ဒေသအားလုံးမှာ တွေ့နိုင်ပါတယ်။

ပျားတွေကို သဘာဝဆေးဝါးကျွမ်းကျင်ပညာရှင် အဖြစ်တောင်တင်စားခေါ်ဝေါ်နိုင်ပါတယ်။ ဘာကြောင့်လဲဆိုတော့ ပျားတို့ဖန်တီးထုတ်လုပ်လိုက်တဲ့ ပျားရည်၊ပျားနို့၊ပျားကော်၊ပျားဖယောင်းမှ ပျားဆိပ်အထိ လူသားတို့၏ ကျန်းမာရေးအတွက် များစွာအသုံးဝင်တဲ့အတွက် ကျွမ်းကျင်ပညာရှင်များလို့ တင်စားခေါ်ဝေါ်ကြတာကို လွန်မယ် မထင်ပါ။

လူသားတွေက ရှေးနှစ်ပေါင်းများစွာကတည်းက ပျားရည်နဲ့ ပျားထွက်ပစ္စည်းတွေကို အသုံးပြုခဲ့ကြပါတယ်။ သမိုင်းသုတေသီတွေရဲ့ အဆိုအရ လွန်ခဲ့တဲ့ နှစ်ပေါင်း ၂၅၀၀၀ ကတည်းက ပျားရည်ကို သုံးစွဲခဲ့ကြတယ်လို့ ယုံကြည်ကြပါတယ်။

ပျားရည်က ဆေးဘက်ဝင်တာကို လူတိုင်းလိုလိုပင် လက်ခံယုံကြည်ကြပါတယ်။ အရွယ်မရွေး လူမျိုးပေါင်းစုံ ကျန်းမာရေးအတွက် သုံးစွဲနေကြတာလည်း တွေ့ရပါတယ်။ ဒါ့ကြောင့် ပျားရည်ကို မိမိပတ်ဝန်းကျင်ရှိအရာတွေနဲ့ လွယ်ကူစွာ ရောစပ်သုံးစွဲနိုင်မယ့် ဆေးနည်းများကို ဖော်ပြပေးလိုက်ရပါတယ်။

၁။ အစာအိမ်ရောဂါအတွက်

နနွင်းမှုန့်နဲ့ ဖီးကြမ်းငှက်ပျောသီးစိမ်းကို ပါးပါးလှီးပြီး အခြောက်လှန်း အမှုန့်ထောင်းပါ။ ဆတူရောပါ။ ထိုအမှုန့်ကို ပျားရည်နှင့် ဆတူရောပြီး အစာစာပြီးတိုင်းသောက်ပါ။

၂။ မျက်စိအမြင်ကြည်လင်မှု မရှိလျှင်

ပျားရည်သန့်သန့်ကို မျက်စဥ်းခတ်ပေးပါ။မျက်စိအေး၍ ကြည်လင်စေပါသည်။

၃။ မောပန်းလွယ်ပြီး အင်အားချိနဲ့သူများ

ရှောက်ရည်နဲ့ ပျားရည်ကို ရောစပ်သောက်ပါ။(ရေအေးဖြင့်)

၄။ မူးဝေအော့အန်ခရီးပန်းသူများ

ရှောက်ရည်နဲ့ ပျားရည်ကို ရောစပ်သောက်ပါ။(ရေနွေးဖြင့်)

၅။ အအေးမိပါက

နွားနို့ နဲ့ ပျားရည်ကို ရောသောက်ပါ။သံပုရာရည်နဲ့ ပျားရည်ကို စပ်သောက်ပါ။

၆။ ချောင်းဆိုးသော်

သံပုရာသီးနဲ့ ပျားရည် ဆတူရော၍ တစ်နေ့ ၃ကြိမ်သောက် ပါ။ ဆေးပုလဲမြစ်ကိုသွေး၍ ပျားရည်နဲ့ ဆတူရောပြီး တစ်နေ့ ၃ကြိမ်သောက်ပါ။

၇။ မူးဝေခြင်းအမျိုးမျိုးအတွက်

ဧကရာဇ်မြစ်ကို သွေးပြီး ပျားရည်နဲ့ ဆတူရောစပ်၍ တိုက်ပါ။

၈။ ဆီးပူဆီးအောင့်ဖြစ်ပါက

နနွင်းမှုန့်နဲ့ ဆီးဖြူသီးကိုထောင်းပြီး အရည်ညှစ်ကာ ပျားရည်နဲ့ ဆတူစပ်၍သောက်ပါ။

၉။ ဝမ်းဗိုက်နာ၍ အော့အန်နေလျှင်

ဒိန်ချဥ်နဲ့ပျားရည်(သို့) အုန်းနို့နဲ့ ပျားရည် စပ်သောက်ပါ။

၁၀။ ဝမ်းဖောဝမ်းရောင်ဖြစ်လျှင်

သဘော်သီးစိမ်း မီးကျွမ်းဖုတ်ပြီး ၅ကျပ်သား၊ဆားဖုတ်၂ကျပ်သားနှင့် ပျားရည် သင့်ရုံထည့်ပြီး မကြာခဏ လျက်ပေးပါ။

၁၁။ ထိခိုက်ရှနာသွေးထွက်သံယိုဖြစ်ပါက

ပျားရည်ထည့်ပေးပါ။အသားနုတက်ပြီး အနာကျက်မြန်ပါတယ်။

၁၂။ နာတာရှည်အိပ်ရာခင်း အပူလောင်တာဖြစ်ပါက

ပျားရည်လိမ်းပေးပါ။အနာကျက်မြန်ပါတယ်။

၁၃။ အနာအိုအနာဆွေးပုပ်နေပါက

ကံ့ကော်စေ့အဆီနှင့် ပျားရည်လိမ်းပေးပါ။သက်သာပျောက် ကင်းစေပါတယ်။

၁၄။ ရေနွေးပူ၊မီးပူလောင်ပါက

ကွမ်းရွက်ကို မီးအုံ အရည်ညှစ်ပြီး ပျားရည်ဆတူရောကာ အပူလောင်တဲ့ နေရာကိုလိမ်းပေးပါ။

၁၅။ လိပ်ခေါင်းဖြစ်သော်

ဖက်ယားရွက်ကိုပြုတ်ပြီး ပျားရည်နဲ့ ဆတူရောစပ်တိုက်ပေးပါ။

၁၆။ ဖောရောင်နေပါက

တရုတ်စကားမြစ်ကို နုတ်နုတ်စင်းပြီး သုံးခွက် တစ်ခွက်တင်ကျိုပြီး ပျားရည်နှင့် ဆတူစပ်၍သောက်ပါ။

၁၇။ အသည်းဝါရောဂါဖြစ်ပါက

တမာရွက်သတ္တုရည် လက်ဖက်ရည်ဇွန်းတစ်ဝက်အား ပျားရည်ဆတူစပ်၍ နံနက်/ညသောက်ပါ။

၁၈။ နှုတ်မမြိန်ဘဲ အစားပြတ်ခဲ့သော်

နနွင်းမှုန့်နဲ့ ပျားရည်ရောပြီး ဇီးကင်းခန့်လုံးကာ တစ်နေ့ ၄ လုံးစားပေးပါ။

၁၉။ ဆီးဝမ်း လေမှန် အင်အားပြည့်ဖြိုးစေရန်

ငှက်ပျောအူတိုင်ရည်ကို ပျားရည်နဲ့ ဆတူစပ်သောက်ပါ။

၂၀။ စိတ်ပျိုကိုယ်နု လှပသန်စွမ်းစေရန်

သူငှက်နာ ငှက်ပျောကို အခွံနွှာပြီး ပျားရည်မှာ တစ်ညခန့်စိမ်ထားပြီးလျှင် သုံးဆောင်နိုင်ပါပြီ။

၂၁။ အသားအရေစိုပြေချောမွတ်လိုလျှင်

ပျားရည်နဲ့ ဂလစ်ဆရင်းအလှဆီ ဆတူစပ်၍ လိမ်းပေးပါ။

၂၂။ ကလေးများဉာဏ်ထက်သန် ဖွံ့ဖြိုးစေရန်

မြင်းခွာရွက်သတ္တုရည်နဲ့ ပျားရည် ဆတူရောစပ်တိုက်ပေးပါ။

၂၃။ ကလေးဝမ်းပျက်သော်

ပဲနံသာစေ့နဲ့ နံနံစေ့ အမျှစီ ကြိတ်ပြီးပျားရည်စပ်၍ စားပေးပါ။သရက်စေ့ဆံအမှုန့် ၁ပဲသားကို ပျားရည်အတူစပ်ပြီးတိုက်ပေးပါ။

၂၄။ ကလေးနှာစေးချောင်းဆိုးဖြစ်သော်

ကြိတ်မှန်ရွက်သတ္တုရည် ၂စက်၊ပျားရည် ၁စက် ရောတိုက်ပေးပါ။

ကဲ..ဒါဆိုရင် ပျားရည်ကို ကျန်းမာရေးအတွက် အသုံးပြုပုံမျိုးစုံကိုသိကြပြီမို့ အကျိုးရှိရှိအသုံးပြုနိုင်ကြပြီး ရောဂါအပေါင်းမှလည်း ကင်းဝေးကြပါစေ။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767  သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

Credit: အစိမ်းရောင်လမ်း ရေးသားသူ-ဦးဇော်(dof)

 

Subscribe For Property News

အိမ်ခြံမြေ သတင်းနှင့် ဗဟုသုတ

သြစတေးလျတွင် အမျိုးသားတစ်ဦးက ၇ နှစ်ကြာအချိန်ယူကာ ဘူးခွံ၊ ပုလင်းခွံပေါင်း ၄၅၀,၀၀၀ ကောက်ယူစုဆောင်းခဲ့ကာ ရောင်းရငွေဖြင့် အိ
သြစတေးလျတွင် အမျိုးသားတစ်ဦးက ၇ နှစ်ကြာအချိန်ယူကာ ဘူးခွံ၊ ပုလင်းခွံပေါင်း ၄၅၀,၀၀၀ ကောက်ယူစုဆောင်းခဲ့ကာ ရောင်းရငွေဖြင့် အိ
Telegram တည်ထောင်သူ ဘီလျံနာသူဌေးက ၎င်းကြွယ်ဝသော ကန်ဒေါ်လာ ၁၄ ဘီလီယံကို သားသမီး ၁၀၆ ဦးအား အမွေပေးမည်ဖြစ်ကြောင်း ထုတ်ဖော်ပ
Telegram တည်ထောင်သူ ဘီလျံနာသူဌေးက ၎င်းကြွယ်ဝသော ကန်ဒေါ်လာ ၁၄ ဘီလီယံကို သားသမီး ၁၀၆ ဦးအား အမွေပေးမည်ဖြစ်ကြောင်း ထုတ်ဖော်ပ
ဗြိတိန်ဇနီးမောင်နှံက အီတလီမှ စတုရန်းပေ ၂၁၅၀၀ ကျယ်ဝန်းသော စွန့်ပစ်ခံ ၁၆ ရာစု နန်းတော်ကြီးကို ဒေါ်လာ ၇၅၀,၀၀၀ မျှဖြင့် ဝယ်ယ
ဗြိတိန်ဇနီးမောင်နှံက အီတလီမှ စတုရန်းပေ ၂၁၅၀၀ ကျယ်ဝန်းသော စွန့်ပစ်ခံ ၁၆ ရာစု နန်းတော်ကြီးကို ဒေါ်လာ ၇၅၀,၀၀၀ မျှဖြင့် ဝယ်ယ
[ရာစုနှစ်၏ မင်္ဂလာပွဲကြီး] ဂျက်ဘေးဇော့စ်နှင့် လော်ရန်ဆန်းချက်ဇ်တို့၏ ဗင်းနစ်မင်္ဂလာပွဲ အချက်အလက်နှင့် ကိန်းဂဏန်းများ
[ရာစုနှစ်၏ မင်္ဂလာပွဲကြီး] ဂျက်ဘေးဇော့စ်နှင့် လော်ရန်ဆန်းချက်ဇ်တို့၏ ဗင်းနစ်မင်္ဂလာပွဲ အချက်အလက်နှင့် ကိန်းဂဏန်းများ
မည်သည့်အခါမှ လူ ၉၉ ဦးထက် အပိုမခံသည့် ဆန်းကြယ်သော တိုင်းရင်းသားမျိုးနွှယ်စုတစ်ခုအကြောင်း၊ ကလေးတစ်ဦး မွေးဖွားလျှင် လူတစ်ဦး
မည်သည့်အခါမှ လူ ၉၉ ဦးထက် အပိုမခံသည့် ဆန်းကြယ်သော တိုင်းရင်းသားမျိုးနွှယ်စုတစ်ခုအကြောင်း၊ ကလေးတစ်ဦး မွေးဖွားလျှင် လူတစ်ဦး
ထိုင်းမှာ ဘတ် သန်း ၂၄၀ (ကန်ဒေါ်လာ ၇ ဒသမ ၄ သန်းခန့်) ထီပေါက်ခဲ့တဲ့ စပိန် ဆောက်လုပ်ရေးလုပ်သား ဘာကြောင့် အိမ်ရာမဲ့ ဖြစ်သွား
ထိုင်းမှာ ဘတ် သန်း ၂၄၀ (ကန်ဒေါ်လာ ၇ ဒသမ ၄ သန်းခန့်) ထီပေါက်ခဲ့တဲ့ စပိန် ဆောက်လုပ်ရေးလုပ်သား ဘာကြောင့် အိမ်ရာမဲ့ ဖြစ်သွား
တရုတ်ပြည်တွင် အသက် ၁၅ နှစ်အရွယ်အထိ သူတောင်းစားဂိုဏ်းသားအဖြစ် တောင်းရမ်းခဲ့ရပြီး အသက် ၁၆ နှစ်တွင် မူလတန်းကျောင်း စတင်ကျော
တရုတ်ပြည်တွင် အသက် ၁၅ နှစ်အရွယ်အထိ သူတောင်းစားဂိုဏ်းသားအဖြစ် တောင်းရမ်းခဲ့ရပြီး အသက် ၁၆ နှစ်တွင် မူလတန်းကျောင်း စတင်ကျော
ဘီလ်ဂိတ်က ကယ်လီဖိုးနီးယားတွင် ဒေါ်လာ ၄၃ သန်းတန် စံအိမ်ကြီးတစ်လုံးဝယ်ယူပြီး ဖြိုချခဲ့၊ ပတ်ဝန်းကျင်က အလွန်ဆူညံကြောင်း ပြော
ဘီလ်ဂိတ်က ကယ်လီဖိုးနီးယားတွင် ဒေါ်လာ ၄၃ သန်းတန် စံအိမ်ကြီးတစ်လုံးဝယ်ယူပြီး ဖြိုချခဲ့၊ ပတ်ဝန်းကျင်က အလွန်ဆူညံကြောင်း ပြော
အိန္ဒိယတွင် ပလတ်စတစ်မိုး ကျူးကျော်တဲလေးတစ်လုံး၌ နေထိုင်သော မိန်းကလေးတစ်ဦးကို ဟောလိဝုဒ် ရုပ်ရှင်သရုပ်ဆောင်တစ်ဦးက တွေ့ရှိသ
အိန္ဒိယတွင် ပလတ်စတစ်မိုး ကျူးကျော်တဲလေးတစ်လုံး၌ နေထိုင်သော မိန်းကလေးတစ်ဦးကို ဟောလိဝုဒ် ရုပ်ရှင်သရုပ်ဆောင်တစ်ဦးက တွေ့ရှိသ
[ရုပ်ရည်ကျဆင်း အိုမင်းခြင်းကား ပျိုမျစ်နောက်ဆုံးရှိချေ၏] အိုမင်းသော ရုပ်ရည်မှ ဆန်းကြယ်စွာ နုပျိုသွားသော ဂျပန်အမျိုးသားတစ
[ရုပ်ရည်ကျဆင်း အိုမင်းခြင်းကား ပျိုမျစ်နောက်ဆုံးရှိချေ၏] အိုမင်းသော ရုပ်ရည်မှ ဆန်းကြယ်စွာ နုပျိုသွားသော ဂျပန်အမျိုးသားတစ

Upcoming Property Events

From 12 Jul To 13 Jul

ERC Luxury Condo

From 12 Jul To 13 Jul

Magical World

ERC Luxury Condo

iMyanmarHouse Mobile App

iMyanmarHouse - GET IT ON Google PlayiMyanmarHouse - Download on the App Store
Land Owner Service