ကိုယ်စားလှယ်ဆိုသည်မှာ အထူးကိစ္စရပ်အတွက် ဆောင်ရွက်ရန် လွှဲအပ်သည့် ကိုယ်စားလှယ်နှင့် အထွေထွေ ကိစ္စများအတွက် ဆောင်ရွက်ရန် လွှဲအပ်သည့် ကိုယ်စားလှယ် ဟူ၍ ရှိသည်။
အထွေထွေ ကိုယ်စားလှယ် လွှဲစာ (GENERAL POWER) နှင့် အထူးကိုယ်စားလှယ်လွှဲစာ (SPECIAL POWER ) တို့ ဖြစ်သည်။ တရားရုံး နှင့် သက်ဆိုင်သော အမှုကိစ္စအတွက် ဖြစ်စေ၊ တခြားပြင်ပ ကိစ္စများအတွက်ဖြစ်စေ ၊ မည်သည့်ကိစ္စတွင်မဆို ပဋိညာဉ် အက်ဥပဒေအရ အရွယ်မရောက်သေးသူနှင့် ရူးသွပ်သူမှတစ်ပါး မည်သူကိုမဆို ကိုယ်စားလှယ် လွှဲအပ်စေပြီး ဆောင်ရွက်နိုင်သည်။
ကိုယ်စားလှယ် လွှဲအပ်ရာတွင် စာဖြင့်ဖြစ်စေ ၊ နှုတ်ဖြင့်ဖြစ်စေ လွှဲအပ်သည့် သဘော သက်ရောက်စေခြင်းဖြင့် ဖြစ်စေ ၊ လွှဲအပ်နိုင်သည်။
ယေဘုယျအားဖြင့် ကိုယ်စားလှယ်လွှဲစာများကို စာချုပ်စာတမ်း မှတ်ပုံတင် အက်ဥပဒေအရ မှတ်ပုံမတင်ဘဲ နေနိုင်သည် ။ သို့သော် စာချုပ်စာတမ်းမှတ်ပုံတင် အက်ဥပဒေ ပုဒ်မ ၃၂ ပါ ပြဌာန်းချက်များအရ ရုံးတွင်းဆိုင်ရာ ခွင့်တောင်ဆိုရန် ဒီဂရီ အတည်ပြုဆောင်ရွက်ရန် စသည်တို့အတွက် ကိုယ်စာလှယ် ဟုတ်မှန်ကြောင်း အသိအမှတ်ပြုသည့် အနေဖြင့် ယင်းဥပဒေ ပုဒ်မ ၃၃ အရ မှတ်ပုံတင်ရန် လိုသည်။ မှတ်ပုံတင်သည့်အခါ တံဆိပ်ခေါင်း အက်ဥပဒေ ဇယား ၁ အပိုက် ၄၈ အရ သတ်မှတ်သည့် တံဆိပ်ခေါင်း ထမ်းဆောင်ရမည်။
ကိုယ်စားလှယ် လွှဲစာများကို မှတ်ပုံတင်ခြင်း ၊ မတင်ခြင်းသည် လုပ်ဆောင်သော လုပ်ငန်းကိစ္စအပေါ် မူတည်သည်။ အချို့မှတ်ပုံမတင်ဘဲလည်း ရှိသည် ။ တချို့မှာ နိုထရီပတ်ဗလစ်ရှေ့နေထံ မှတ်ပုံတင်သည်လည်း ရှိသည်။ တချို့မှာ စာချုပ်စာတမ်း မှတ်ပုံတင်ရုံးတွင် မှတ်ပုံတင်ရသည်လည်း ရှိ၏ ။ မရွှေ့မပြောင်းနိုင်သော ပစ္စည်းများနှင့် စပ်လျဉ်းသည့် ကိစ္စမျိုးဖြစ်ပါက စာချုပ်စာတမ်း မှတ်ပုံတင်ရမည် ဖြစ်ပေသည်။
ကိုယ်စားလှယ် လွှဲစာကို ကိုယ်စားလှယ်လွှဲသူအနေဖြင့် ပြန်လည် မရုပ်သိမ်းနိုင်သည့် ကိုယ်စားလှယ် လွှဲစာမှတစ်ပါး ၊ တခြားကိုယ်စားလှယ် လွှဲစာများကို ပြန်လည် ရုပ်သိမ်းနိုင်သည်။
သတင်းစာမှ နေ၍ ကိုယ်စားလှယ်လွှဲအပ်ခြင်းကို ပြန်လည်၍ ရုပ်သိမ်းကြောင်း ကြေညာကာ ယင်းကြေညာချက်နှင့်အတူ မိမိမှတ်ပုံတင်ထားသောဌာနသို့ အကြောင်းကြား ပေးပို့ရသည်။ ပြန်လည် မရုပ်သိမ်း နိုင်သည့် ကိုယ်စားလှယ်လွှဲစာကို ပြန်လည် ရုပ်သိမ်းလိုပါက လွှဲသူနှင့် လွှဲအပ်ခံရသူ နှစ်ဦးနှစ်ဖက် သဘောတူညီချက်ဖြင့် ပြန်လည် ရုပ်သိမ်းနိုင်သည်။
Credit: Winningland
