အစိုးရ၏ စတုတ္ထတစ်နှစ်တာကာလအတွင်း ရန်ကုန်တိုင်းတွင် တန်ဖိုးနည်းအိမ်ရာအခန်းပေါင်း ၁၁၄၄ ခန်းတည်ဆောက်ပေးခဲ့

[Unicode]

အစိုးရ၏ စတုတ္ထတစ်နှစ်တာကာလအတွင်း ရန်ကုန်တိုင်းတွင် တန်ဖိုးနည်းအိမ်ရာအခန်းပေါင်း ၁၁၄၄ ခန်းတည်ဆောက်ပေးနိုင်ခဲ့ကြောင်း ဆောက်လုပ်ရေးဝန်ကြီးဌာနမှ ဒုတိယဝန်ကြီးဖြစ်သူ ဒေါက်တာကျော်လင်းက ပြောဆိုထားသည်။

ဆောက်လုပ်ရေးဝန်ကြီးဌာန၏ ပြည်သူ့အတွက် စတုတ္ထတစ်နှစ်တာကာလအတွင်း ဆောင်ရွက်နိုင်ခဲ့မှုများနှင့်ပတ်သက်၍ ပြောဆိုရာတွင် ဒေါက်တာကျော်လင်းကထည့်သွင်းပြောဆိုခဲ့ခြင်းလည်းဖြစ်သည်။မြို့ပြနှင့် အိမ်ရာဖွံ့ဖြိုးရေးဦးစီးဌာနအနေဖြင့် မြို့ပြဖွံ့ဖြိုးရေးစီမံကိန်းများကို အဓိကရေးဆွဲနေကြောင်းနှင့် ယခုနှစ်အတွင်း မြို့ပေါင်း ၂၁ မြို့၏ စီမံကိန်းများကိုရေးဆွဲနိုင်ခဲ့ပြီး နိုင်ငံတကာအဖွဲ့အစည်းများနှင့်ပူးပေါင်းကာ မြို့ပြဖွံ့ဖြိုးရေးကိစ္စရပ်များကို ဆောင်ရွက်လျက်ရှိကြောင်း ဒုဝန်ကြီးက ပြောသည်။

ထို့ပြင် လက်ရှိအစိုးရသက်တမ်း စတုတ္ထတစ်နှစ်တာကာလအတွင်း ရန်ကုန်တိုင်းဒေသကြီးတွင် တန်ဖိုးနည်းအိမ်ရာအခန်းပေါင်း ၁၁၄၄ ခန်းတည်ဆောက်ပေးနိုင်ခဲ့ကြောင်း သိရသည်။ဧရာဝတီတိုင်းဒေသကြီးအတွင်း၌ အခန်းပေါင်း ၆၇၆ ခန်းအကောင်အထည်ဖော်တည်ဆောက်ပေးနိုင်ခဲ့ပြီး စုစုပေါင်း စတုတ္ထတစ်နှစ်တာကာလအတွင်း တန်ဖိုးသင့် တန်ဖိုးနည်းအိမ်ရာအခန်းပေါင်း ၁၈၂၀ ခန်း တည်ဆောက်အကောင်အထည်ဖော်နိုင်ခဲ့သည်။

ဝန်ထမ်းအိမ်ရာများအနေဖြင့်မူ တိုင်းဒေသကြီးနှင့်ပြည်နယ်များတွင် အခန်းပေါင်း ၂၅၃၈ ခန်း တည်ဆောက်ပေးနိုင်ခဲ့ကြောင်းလည်း ဆောက်လုပ်ရေးဝန်ကြီးဌာနမှ သိရသည်။နေပြည်တော် ၊ ရန်ကုန်တို့တွင် ဝန်ထမ်းအငှားအိမ်ရာအခန်းပေါင်း ၆၇၆ ခန်းကိုလည်း တည်ဆောက်နိုင်ခဲ့ကာဝန်ထမ်းများကိုနေရာချထားနိုင်ခဲ့ပြီးဖြစ်ကြောင်း သိရသည်။

မင်းချို ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။

Credit: iMyanmarHouse.com

[Zawgyi]

အစိုးရ၏ စတုတၳတစ္ႏွစ္တာကာလအတြင္း ရန္ကုန္တိုင္းတြင္ တန္ဖိုးနည္းအိမ္ရာအခန္းေပါင္း ၁၁၄၄ ခန္းတည္ေဆာက္ေပးခဲ့

အစိုးရ၏ စတုတၳတစ္ႏွစ္တာကာလအတြင္း ရန္ကုန္တိုင္းတြင္ တန္ဖိုးနည္းအိမ္ရာအခန္းေပါင္း ၁၁၄၄ ခန္းတည္ေဆာက္ေပးႏိုင္ခဲ့ေၾကာင္း ေဆာက္လုပ္ေရး၀န္ႀကီးဌာနမွ ဒုတိယ၀န္ႀကီးျဖစ္သူ ေဒါက္တာေက်ာ္လင္းက ေျပာဆိုထားသည္။

ေဆာက္လုပ္ေရး၀န္ႀကီးဌာန၏ ျပည္သူ႕အတြက္ စတုတၳတစ္ႏွစ္တာကာလအတြင္း ေဆာင္ရြက္ႏိုင္ခဲ့မႈမ်ားႏွင့္ပတ္သက္၍ ေျပာဆိုရာတြင္ ေဒါက္တာေက်ာ္လင္းကထည့္သြင္းေျပာဆိုခဲ့ျခင္းလည္းျဖစ္သည္။ၿမိဳ႔ျပႏွင့္ အိမ္ရာဖြံ႕ၿဖိဳးေရးဦးစီးဌာနအေနျဖင့္ ၿမိဳ႔ျပဖြံ႔ၿဖိဳးေရးစီမံကိန္းမ်ားကို အဓိကေရးဆြဲေနေၾကာင္းႏွင့္ ယခုႏွစ္အတြင္း ၿမိဳ႔ေပါင္း ၂၁ ၿမိဳ႔၏ စီမံကိန္းမ်ားကိုေရးဆြဲႏိုင္ခဲ့ၿပီး ႏိုင္ငံတကာအဖြဲ႔အစည္းမ်ားႏွင့္ပူးေပါင္းကာ ၿမိဳ႔ျပဖြံ႔ၿဖိဳးေရးကိစၥရပ္မ်ားကို ေဆာင္ရြက္လ်က္ရွိေၾကာင္း ဒု၀န္ႀကီးက ေျပာသည္။

ထို႔ျပင္ လက္ရွိအစိုးရသက္တမ္း စတုတၳတစ္ႏွစ္တာကာလအတြင္း ရန္ကုန္တိုင္းေဒသႀကီးတြင္ တန္ဖိုးနည္းအိမ္ရာအခန္းေပါင္း ၁၁၄၄ ခန္းတည္ေဆာက္ေပးႏိုင္ခဲ့ေၾကာင္း သိရသည္။ဧရာ၀တီတိုင္းေဒသႀကီးအတြင္း၌ အခန္းေပါင္း ၆၇၆ ခန္းအေကာင္အထည္ေဖာ္တည္ေဆာက္ေပးႏိုင္ခဲ့ၿပီး စုစုေပါင္း စတုတၳတစ္ႏွစ္တာကာလအတြင္း တန္ဖိုးသင့္ တန္ဖိုးနည္းအိမ္ရာအခန္းေပါင္း ၁၈၂၀ ခန္း တည္ေဆာက္အေကာင္အထည္ေဖာ္ႏိုင္ခဲ့သည္။

၀န္ထမ္းအိမ္ရာမ်ားအေနျဖင့္မူ တိုင္းေဒသႀကီးႏွင့္ျပည္နယ္မ်ားတြင္ အခန္းေပါင္း ၂၅၃၈ ခန္း တည္ေဆာက္ေပးႏိုင္ခဲ့ေၾကာင္းလည္း ေဆာက္လုပ္ေရး၀န္ႀကီးဌာနမွ သိရသည္။ေနျပည္ေတာ္ ၊ ရန္ကုန္တို႔တြင္ ၀န္ထမ္းအငွားအိမ္ရာအခန္းေပါင္း ၆၇၆ ခန္းကိုလည္း တည္ေဆာက္ႏိုင္ခဲ့ကာ၀န္ထမ္းမ်ားကိုေနရာခ်ထားႏိုင္ခဲ့ၿပီးျဖစ္ေၾကာင္း သိရသည္။

မင္းခ်ိဳ ( iMyanmarHouse.com အိုင္ျမန္မာေဟာက္စ္ေဒါ႔ကြန္း) မွ အထူးေရးသားေဖာ္ျပသည္။

Credit: iMyanmarHouse.com