မြန်မာနိုင်ငံအတွက် နိုင်ငံတကာကပေးတဲ့ ချေးငွေကန်ဒေါ်လာ တစ်ဘီလီယံကျော်ရရှိထား

[Unicode]

ကပ်ရောဂါကြောင့် မြန်မာ့စီးပွားရေးဦးမော့လာဖို့အတွက် နိုင်ငံတကာ ချေငွေအကူအညီ အမေရိကန်ဒေါ်လာ တစ်ဘီလီယံကျော် ရရှိထားတယ်လို့ ရင်းနှီးမြှုပ်နှံမှုနဲ့ နိုင်ငံခြားစီးပွားဆက်သွယ်ရေး ဝန်ကြီး ဌာန၊ ပြည်ထောင်စုဝန်ကြီး ဦးသောင်းထွန်း ကပြောပါတယ်။

မနေ့ကနိုင်ငံတော်ရဲ့အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ အွန်လိုင်းကနေတွေ့ဆုံဆွေးနွေးမှုမှာ ထည့်သွင်းပြောခဲ့တာပါ။

အပြည်ပြည်ဆိုင်ရာ ငွေကြေးရန်ပုံငွေအဖွဲ့က အမေရိကန်ဒေါ်လာသန်း ၇၀၀ ၊ ဂျပန်နိုင်ငံက အမေရိကန်ဒေါ်လာ သန်း ၂၇၀ ၊ ကမ္ဘာဘဏ်က အမေရိကန်ဒေါ်လာ သန်း ၂၅၀ ၊ အာရှဖွံ့ဖြိုးရေးဘဏ်က အမေရိကန်ဒေါ်လာ သန်း ၃၀ စုစုပေါင်းအမေရိကန်ဒေါ်လာ တစ်ဘီလီယံကျော်ရရှိထားတယ်လို့ ဝန်ကြီး ဦးသောင်းထွန်းကဆိုပါတယ်။

ဒီလို ချေးငွေအကူအညီပေးတာကလည်းမြန်မာနိုင်ငံရဲ့စီးပွားရေးတည်ငြိမ်လို့ ဖြစ်တဲ့အကြောင်း ပြောပါသေးတယ်။

နိုင်ငံတော်ရဲ့အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ဒီလို ချေးငွေကို ကပ်ရောဂါကာလအတွင်း အကုန်သုံးစွဲလိုက်ဖို့မဖြစ်တဲ့အကြောင်းနဲ့ ရေရှည်ကိုလည်းအလေးထားသင့်တယ်လို့ ဆိုပါတယ်။

"ရေတို ကိုဗစ်အတွက်ပဲ ကြည့်လို့မရဘူးကျွန်မတို့ဒီအခြေအနေမှာ ရေရှည်ကိုလည်းကြည့်ရမယ် လတ်တလောအရေးပေါ်နဲ့ရေရှည်ကို ထည့်သွင်းစဉ်းစားရမယ် "လို့ ဒေါ်အောင်ဆန်းစုကြည်ကဆိုပါတယ်။

ဒါအပြင် ပြည်သူတွေအတွက် အကျိုးရှိအောင် စနစ်တကျ အသုံးပြုဖို့လိုတယ်လို့ မှာကြားပါသေးတယ်။

ဒီနေ့ဆွေးနွေးပွဲဟာ ကိုဗစ်ကြောင့် ထိခိုက်သွားတဲ့ စီးပွားရေးကိုကုစားမယ့်အစီအစဉ်တွေကို အဓိကထားဆွေးနွေးကြတာလည်းဖြစ်ပါတယ်။

မြန်မာနိုင်ငံရဲ့စီးပွားရေး လက်ရှိကာလမှာ ထိခိုက်မှုမသိသာသေးပေမယ့်လာမယ့် ကာလတွေမှာတော့ သိသာလာနိုင်တဲ့အကြောင်း စီမံဘဏ္ဍာ ဒုတိယဝန်ကြီး ဦးဆက်အောင်ကပြောပါတယ်။

နိုင်ငံတကာကထောက်ပံံ့မယ့်အကူအညီငွေတွေလည်း လာမယ့်ဘဏ္ဍာနှစ်ထဲမှာ ထပ်မံလာရောက်ဖို့ရှိသေးတယ်လို့ ၎င်းကပြောပါတယ်။

"သူတို့ဘက်က ကမ်းလှမ်းထားတာတွေရှိသေးတယ် စင်ကာပူ၊ ဂျပန်၊ အာရှနိုင်ငံတွေကကူညီဖို့ပြင်ဆင်နေတာပါ" လို့ဦးဆက်အောင်ကဆိုပါတယ်။

ဒါကြောင့် ကုစားရေးအစီအမံတွေကို အသေးစိတ်ရေးဆွဲထားတယ်လို့ဆိုပါတယ်။

လက်ရှိမှာတော့ မြန်မာနိုင်ငံမှာ အလုပ်အကိုင်အခွင့်အလမ်းတွေ ဖန်တီးနိုင်မယ့် စက်မှုဇုန်တွေ ထူထောင်ဖို့ တောင်ကိုရီးယားနဲ့ ထိုင်းနိုင်ငံတို့ကမ်းလှမ်းထားတယ်လို့လည်း ဝန်ကြီးဦးသောင်းထွန်းကပြောပါတယ်။

နိုင်ငံခြားရင်းနှီးမြှုပ်နှံမှု ပမာဏဟာလည်းပြီးခဲ့တဲ့ ဘဏ္ဍာနှစ် တစ်နှစ်လုံးမှာ အမေရိကန်ဒေါ်လာ လေးဘီလီယံကျော်ခွင့်ပြု ပေးခဲ့တာဖြစ်ပြီး လက်ရှိ ဘဏ္ဍာနှစ်ရဲ့ ရှစ်လတာကာလအတွင်းမှာတင် အမေရိကန်ဒေါ်လာလေးဘီလီယံကျော်ခွင့်ပြုထားပြီးဖြစ်တဲ့အကြောင်း သိရပါတယ်။

ဒါကြောင့် ပြည်ပရင်းနှီးမြှုပ်နှံမှုဟာ ကပ်ရောဂါအပြီးမှာ ထပ်မံဝင်ရောက်လာဖို့ရှိနိုင်တယ်လို့ ဝန်ကြီး ဦးသောင်းထွန်းက သုံးသပ်ပါသေးတယ်။

ဒ့ါအပြင် ကပ်ရောဂါအပြီးမှာ ကမ္ဘာ့ရဲ့ စားနပ်ရိက္ခာကဏ္ဍ အတွက် မြန်မာနိုင်ငံကနေ ပိုမိုတင်ပို့လာနိုင်မယ့် အခွင့်အလမ်းတွေရှိလာနိုင်တယ်လို့လည်း ဆွေးနွေးခဲ့ကြတာကိုတွေ့ရပါတယ်။

နေးရှင်းမြန်မာ ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။

Credit: iMyanmarHouse.com

[Zawgyi]

ျမန္မာႏိုင္ငံအတြက္ ႏိုင္ငံတကာကေပးတဲ့ ေခ်းေငြကန္ေဒၚလာ တစ္ဘီလီယံေက်ာ္ရရွိထား

ကပ္ေရာဂါေၾကာင့္ ျမန္မာ့စီးပြားေရးဦးေမာ့လာဖို႔အတြက္ ႏိုင္ငံတကာ ေခ်ေငြအကူအညီ အေမရိကန္ေဒၚလာ တစ္ဘီလီယံေက်ာ္ ရရွိထားတယ္လို႔ ရင္းႏွီးျမႇဳပ္ႏွံမႈနဲ႔ ႏိုင္ငံျခားစီးပြားဆက္သြယ္ေရး ဝန္ႀကီး ဌာန၊ ျပည္ေထာင္စုဝန္ႀကီး ဦးေသာင္းထြန္း ကေျပာပါတယ္။

မေန႔ကႏိုင္ငံေတာ္ရဲ႕အတိုင္ပင္ခံပုဂၢိဳလ္ ေဒၚေအာင္ဆန္းစုၾကည္နဲ႔ အြန္လိုင္းကေနေတြ႕ဆုံေဆြးေႏြးမႈမွာ ထည့္သြင္းေျပာခဲ့တာပါ။

အျပည္ျပည္ဆိုင္ရာ ေငြေၾကးရန္ပုံေငြအဖြဲ႕က အေမရိကန္ေဒၚလာသန္း ၇၀၀ ၊ ဂ်ပန္ႏိုင္ငံက အေမရိကန္ေဒၚလာ သန္း ၂၇၀ ၊ ကမာၻဘဏ္က အေမရိကန္ေဒၚလာ သန္း ၂၅၀ ၊ အာရွဖြံ႕ၿဖိဳးေရးဘဏ္က အေမရိကန္ေဒၚလာ သန္း ၃၀ စုစုေပါင္းအေမရိကန္ေဒၚလာ တစ္ဘီလီယံေက်ာ္ရရွိထားတယ္လို႔ ဝန္ႀကီး ဦးေသာင္းထြန္းကဆိုပါတယ္။

ဒီလို ေခ်းေငြအကူအညီေပးတာကလည္းျမန္မာႏိုင္ငံရဲ႕စီးပြားေရးတည္ၿငိမ္လို႔ ျဖစ္တဲ့အေၾကာင္း ေျပာပါေသးတယ္။

ႏိုင္ငံေတာ္ရဲ႕အတိုင္ပင္ခံပုဂၢိဳလ္ ေဒၚေအာင္ဆန္းစုၾကည္က ဒီလို ေခ်းေငြကို ကပ္ေရာဂါကာလအတြင္း အကုန္သုံးစြဲလိုက္ဖို႔မျဖစ္တဲ့အေၾကာင္းနဲ႔ ေရရွည္ကိုလည္းအေလးထားသင့္တယ္လို႔ ဆိုပါတယ္။

"ေရတို ကိုဗစ္အတြက္ပဲ ၾကည့္လို႔မရဘူးကၽြန္မတို႔ဒီအေျခအေနမွာ ေရရွည္ကိုလည္းၾကည့္ရမယ္ လတ္တေလာအေရးေပၚနဲ႕ေရရွည္ကို ထည့္သြင္းစဥ္းစားရမယ္ "လို႔ ေဒၚေအာင္ဆန္းစုၾကည္ကဆိုပါတယ္။

ဒါအျပင္ ျပည္သူေတြအတြက္ အက်ိဳးရွိေအာင္ စနစ္တက် အသုံးျပဳဖို႔လိုတယ္လို႔ မွာၾကားပါေသးတယ္။

ဒီေန႔ေဆြးေႏြးပြဲဟာ ကိုဗစ္ေၾကာင့္ ထိခိုက္သြားတဲ့ စီးပြားေရးကိုကုစားမယ့္အစီအစဥ္ေတြကို အဓိကထားေဆြးေႏြးၾကတာလည္းျဖစ္ပါတယ္။

ျမန္မာႏိုင္ငံရဲ႕စီးပြားေရး လက္ရွိကာလမွာ ထိခိုက္မႈမသိသာေသးေပမယ့္လာမယ့္ ကာလေတြမွာေတာ့ သိသာလာႏိုင္တဲ့အေၾကာင္း စီမံဘ႑ာ ဒုတိယဝန္ႀကီး ဦးဆက္ေအာင္ကေျပာပါတယ္။

ႏိုင္ငံတကာကေထာက္ပံံ့မယ့္အကူအညီေငြေတြလည္း လာမယ့္ဘ႑ာႏွစ္ထဲမွာ ထပ္မံလာေရာက္ဖို႔ရွိေသးတယ္လို႔ ၎ကေျပာပါတယ္။

"သူတို႔ဘက္က ကမ္းလွမ္းထားတာေတြရွိေသးတယ္ စင္ကာပူ၊ ဂ်ပန္၊ အာရွႏိုင္ငံေတြကကူညီဖို႔ျပင္ဆင္ေနတာပါ" လို႔ဦးဆက္ေအာင္ကဆိုပါတယ္။

ဒါေၾကာင့္ ကုစားေရးအစီအမံေတြကို အေသးစိတ္ေရးဆြဲထားတယ္လို႔ဆိုပါတယ္။

လက္ရွိမွာေတာ့ ျမန္မာႏိုင္ငံမွာ အလုပ္အကိုင္အခြင့္အလမ္းေတြ ဖန္တီးႏိုင္မယ့္ စက္မႈဇုန္ေတြ ထူေထာင္ဖို႔ ေတာင္ကိုရီးယားနဲ႔ ထိုင္းႏိုင္ငံတို႔ကမ္းလွမ္းထားတယ္လို႔လည္း ဝန္ႀကီးဦးေသာင္းထြန္းကေျပာပါတယ္။

ႏိုင္ငံျခားရင္းႏွီးျမွဳပ္ႏွံမႈ ပမာဏဟာလည္းၿပီးခဲ့တဲ့ ဘ႑ာႏွစ္ တစ္ႏွစ္လုံးမွာ အေမရိကန္ေဒၚလာ ေလးဘီလီယံေက်ာ္ခြင့္ျပဳ ေပးခဲ့တာျဖစ္ၿပီး လက္ရွိ ဘ႑ာႏွစ္ရဲ႕ ရွစ္လတာကာလအတြင္းမွာတင္ အေမရိကန္ေဒၚလာေလးဘီလီယံေက်ာ္ခြင့္ျပဳထားၿပီးျဖစ္တဲ့အေၾကာင္း သိရပါတယ္။

ဒါေၾကာင့္ ျပည္ပရင္းႏွီးျမႇဳပ္ႏွံမႈဟာ ကပ္ေရာဂါအၿပီးမွာ ထပ္မံဝင္ေရာက္လာဖို႔ရွိႏိုင္တယ္လို႔ ဝန္ႀကီး ဦးေသာင္းထြန္းက သုံးသပ္ပါေသးတယ္။

ဒ့ါအျပင္ ကပ္ေရာဂါအၿပီးမွာ ကမာၻ႕ရဲ႕ စားနပ္ရိကၡာက႑ အတြက္ ျမန္မာႏိုင္ငံကေန ပိုမိုတင္ပို႔လာႏိုင္မယ့္ အခြင့္အလမ္းေတြရွိလာႏိုင္တယ္လို႔လည္း ေဆြးေႏြးခဲ့ၾကတာကိုေတြ႕ရပါတယ္။

ေနးရွင္းျမန္မာ ( iMyanmarHouse.com အိုင္ျမန္မာေဟာက္စ္ေဒါ႔ကြန္း) မွ အထူးေရးသားေဖာ္ျပသည္။

Credit: iMyanmarHouse.com