နေပြည်တော် အိမ်ခြံမြေ အငှား၊ အရောင်း ဈေးကွက်တက်လာ

နေပြည်တော်မှာ နေအိမ်အငှားနဲ့ အရောင်းဈေးကွက်တွေ အောက်တိုဘာလကုန်ပိုင်းကစပြီး သိသိသာသာ တက်လာတယ်လို့ နေပြည်တော် အခြေစိုက် အိမ်ခြံမြေအကျိုးဆောင်အချို့က ပြောပါတယ်။

နေပြည်တော်မှာ အငှားနဲ့ အရောင်းအဝယ်က တက်ဈေးနဲ့ မဟုတ်ပေမဲ့ ပုံမှန်ဈေးလေးနဲ့ အရောင်းအဝယ်ဖြစ်နေကြပါတယ်။ ရှေ့နှစ်ဆန်းပိုင်းအထိ အရောင်းအဝယ် ဆက်တိုက်ကောင်းဖို့ မျှော်လင့်တယ်လို့ ရွှေလက်ပံအိမ်ခြံမြေ အကျိုးတော်ဆောင်က ခန့်မှန်းပါတယ်။ တခြားမြို့နယ်တွေမှာတော့ အရောင်းအဝယ်ပါးရင် ပါးတာတွေရှိကြပေမဲ့ နေပြည်တော်ရဲ့ အိမ်ခြံမြေက ဈေးနှုန်းသင့်တော့ နေထိုင်ဖို့နဲ့ လုပ်ငန်းလိုအိပ်ချက်ရှိသူတွေက မျက်စိကျကြတယ်။ ဒါကြောင့် နေပြည်တော်ရဲ့ မြို့နယ်တိုင်းမှာ အရောင်းအဝယ်ဖြစ်လာကြတယ်။ လုပ်ငန်းတွေဖြစ်လာတော့ အိမ်ခြံမြေအကျိုးဆောင်တွေလည်း အလုပ်ဖြစ်လာပြီး အဆင်ပြေတြယ်လို့ နေပြည်တော် အိမ်ခြံမြေအကျိုးတော်ဆောင်အချို့က ပြောပါတယ်။

ရွှေလက်ပံ အိမ်ခြံမြေအကျိုးဆောင်က ဦးကျော်စွာမြင့်က ‘ နေပြည်တော်အနေနဲ့ မြေကွက်ဈေး အရမ်းသာနေတယ်၊ ဈေးနှုန်းကလဲ သက်သာတော့ တခြားမြို့နယ်တွေနဲ့ ယှဉ်ရင် ဒီဘက်ကို ရင်းနှီးမြှုပ်နှံတာတွေ ပိုများလာတယ် ‘ လို့ ပြောပါတယ်။ နေပြည်တော် ဇဗ္ဗူသီရိမြို့နယ်အတွင်းရှိ ရွှေကြာပင်နဲ့ သပြေကုန်းမှာ အရောင်းသွက်ဆုံးဖြစ်သလို ဥတ္တရသီရိ၊ ဗုဗ္ဗသီရိနဲ့ ပျဉ်းမနား၊ ပေါင်းလောင်းတို့မှာ အရောင်းသွက်နေပါတယ်။

ကျပ်သိန်း (၁,၀၀၀၊ ၁,၅၀၀)အောက် မြေကွက်အလွတ်တွေက ပိုအရောင်းသွက်ပါတယ်။ သပြေကုန်း ဧရာဝတီလမ်းမကြီးပေါ်မှာဆိုရင် ပေ (၁၀၀)ပတ်လည် မြေကွက်ကို ကျပ်သိန်း (၂,၈၀၀)ကနေ (၅,၀၀၀)ဝန်းကျင်ထိရှိပြီး ပေ (၁၀၀)ပတ်လည် အိမ်ပါဆိုရင်တော့ ကျပ်သိန်း (၄,၀၀၀)ဝန်းကျင် အစားအစား ရှိပါတယ်။ ပေ (၆၀)ပတ်လည်ကို ကျပ်သိန်း (၈၀၀ မှ ၁,၀၀၀)အထိ ဈေးပေါက်ပါတယ်။ ရွှေကြာပင် ပဒုမ္မာလမ်းဘက်ဆိုရင် ပေ (၆၀)ပတ်လည်ကို ကျပ်သိန်း (၁,၀၀၀)ဝန်းကျင်မှာ ရှိပါတယ်။

အငှားဈေးကွက်

နေပြည်တော်မှာ ချေးငွေလုပ်ငန်းနဲ့ ပရောဂျက်လုပ်ငန်းတွေ အဝင်များလာလို့ ငှားဖို့ အိမ်ကြီး အိမ်ကောင်းမရှိတော့တဲ့အထိ ဖြစ်နေပါတယ်။ ကျပ် (၅၀၀,၀၀၀)ကနေ (၁၅)သိန်းကြား အငှားသွက်လာတယ်လို့ သိရပါတယ်။

သပြေကုန်း ပိတောက်လမ်းနဲ့ ဧရာဝတီလမ်းမကြီးပေါ်မှာ လုပ်ငန်းတိုးချဲ့ဖို့နဲ့ စားသောက်ဆိုင်တွေ တိုးလာလို့ မြေကွက်အလွတ်တွေ အငှားသွက်လာတယ်လို့ ဦးကျော်စွာမြင့်က ပြောပါတယ်။ နေပြည်တော် ဒက္ခိဏသီရိမြို့နယ်မှာ ပရိဘောဂ အပြည့်အစုံပါ လူနေအိမ်အတွက် ပေ (၁၀၀)ပတ်လည်ကို ကျပ် (၁၀)သိန်းရှိပြီး ပေ (၈၀)ပတ်လည်ကို ကျပ် (၃၅၀,၀၀၀)ကနေ (၅၀၀,၀၀၀)အထိ ရှိပါတယ်။ ပေ (၆၀)ပတ်လည်မှာလည်း ကျပ် (၅၀၀,၀၀၀)လောက်ဆို ပရိဘောဂထည့်ပေးပြီး ပရိဘောဂမပါဘဲ အလွတ်က (၂၅၀,၀၀၀)ကနေ (၃၀၀,၀၀၀)အထိ ရှိတယ်လို့ မေတ္တာမွန် အိမ်ခြံမြေ အကျိုးတော်ဆောင်က သိရပါတယ်။

‘ ရန်ကုန်မြို့မှာတော့ ပရိဘောဂစုံတဲ့ အိမ်အငှားက (၅၀)ရာခိုင်နှုန်းလောက်ရှိပေမဲ့ နေပြည်တော်မှာက နည်းနည်းရှားတယ်၊ ရေမီးအစုံလောက်ပဲ လုပ်ပေးနိုင်တဲ့ အိမ်ရှိတယ်၊ အိမ်ရှင်တွေက ပရိဘောဂအစုံမထည့် ပေးတာကလဲ အိမ်ငှားမရှိတဲ့အခါမှာ အဲဒါတွေက အလဟဿ ဖြစ်တယ်လို့ ယူဆကြတော့ ပလိန်းငှားတာ များပါတယ် ‘ လို့ ဦးကျော်စွာမြင့်က ပြောပါတယ်။

Credit: The Kumudra