တရုတ်ပြည်တွင် တိုက်ခန်းပေါင်း သန်း ၅၀ ခန့် နေထိုင်သူမရှိဘဲ လူသူကင်းမဲ့လျက်ရှိ

တရုတ်ပြည်တွင် လူနေအိမ်များ၏ ငါးပုံတစ်ပုံမှာ လူသူကင်းမဲ့လျက်ရှိနေပြီး ယင်းပမာဏမှာ သန်း ၅၀ ခန့်ဖြစ်ကြောင်း ဘလွန်းဘာ့ဂ်ျ သတင်းတစ်ရပ်တွင် ဖော်ပြသည်။

တရုတ်သမ္မတ ရှီကျင့်ဖျင်၏ ဟောကြားလမ်းညွှန်ချက်ဖြစ်သော “နေအိမ်သည် လူနေရန်သာဖြစ်သင့်သည်”ဟူသည့်စကားမှာလည်း ဆွံ့အနားမကြားတို့ကို ပြောနေရသကဲ့သို့ဖြစ်နေပြီး တိုက်ခန်းနှင့် လူနေအိမ် သန်းပေါင်းများစွာမှာ နေထိုင်သူမရှိဘဲ လူသူကင်းမဲ့လျက်ရှိ နေသည်။

မကြာမီထုတ်ပြန်တော့မည့် သုတေသနစစ်တမ်းတစ်ခုတွင် တရုတ်ပြည်မြို့ပြလူနေအိမ်များ၏ ၂၂ ရာခိုင်နှုန်းခန့်မှာ လူသူနေထိုင်ခြင်းမရှိကြောင်း ဖော်ပြပါရှိမည်ဖြစ်သည်ဟု တရုတ်ပါမောက္ခ ဂန်လီက ပြောကြားသည်။

ပါမောက္ခဂန်လီက အဆိုပါလေ့လာချက်ကို တရုတ်ပြည်တစ်ဝန်းလုံးတွင် ပြုလုပ်ခဲ့ခြင်းဖြစ်ပြီး လူသူကင်းမဲ့လျက်ရှိသော နေအိမ်လွတ် ပေါင်း သန်း ၅၀ ကျော်တွေ့ရှိခဲ့ခြင်း ဖြစ်သည်။

တရုတ်အာဏာပိုင်တို့အတွက် ခြောက်ခြားဖွယ်ဖြစ်ရပ်ကား အိမ်ခြံမြေဈေးကွက်တွင် အလားအလာမကောင်းသည့် လက္ခဏာပေါ်လာသည့်နှင့် အိမ်ပိုင်ရှင်တို့မှာ အလျင်စလိုရောင်းထုတ်လာကြခြင်းကြောင့် အိမ်ခြံမြေဈေးနှုန်းများ ၂၀၁၇ ခုနှစ် စစ်တမ်းတစ်ရပ်အရ အိမ်ခြံမြေဈေးကစားမှုများကို ကိုင်တွယ်ရန် အစိုးရ၏ ကြိုးပမ်းမှုများမှာလည်း အထမြောက် အောင်မြင်ခဲ့ခြင်း မရှိဟု ဆိုသည်။

“အခန်းလွတ်ပမာဏ ဒီလောက်ထိ မြင့်တက်နေတာမျိုး တခြားဘယ်နိုင်ငံမှ မရှိပါဘူး။” ဟု ပါမောက္ခ ဂန်လီက ပြောကြားသည်။

မစ္စတာဂန်လီသည် ချန်ဒူးပြည်နယ်ရှိ ဘဏ္ဍာရေးနှင့် စီးပွားရေးတက္ကသိုလ်မှ ပါမောက္ခတစ်ဦးလည်း ဖြစ်သည်။

အစိုးရက ယခုပြဿနာကို ဖြေရှင်းနိုင်ရန် ကိုင်တွယ်လာနိုင်သည့် နည်းလမ်းတစ်ခုမှာ လူမနေသည့် အိမ်ခြံမြေများကို အခွန်တိုးမြှင့် ကောက်ခံသည့် နည်းလမ်းဖြစ်နိုင်ကြောင်း၊ သို့ရာတွင် မည်သည့်အိမ်ခြံမြေများကို အခန်းလွတ်အဖြစ် သတ်မှတ်မည်ဟူခြင်းမှာ လှည့်စားမှု တစ်မျိုးဖြစ်လာနိုင်သေးကြောင်း သုတေသီတို့က ဆိုသည်။

၂၀၁၃ ခုနှစ်က လေ့လာချက်တွင် နေအိမ်လွတ်ပေါင်း ၄၉ သန်းရှိကြောင်း ဖော်ပြခဲ့ပြီး ယခုအခါတွင် သန်း ၅၀ ကျော်အထိ ရှိလာခြင်း ဖြစ်သည်။

အိမ်ခြံမြေဈေးကစားမှုများမှာ တရုတ်ခေါင်းဆောင်တို့ကို နှစ်ပေါင်းများစွာ ထမင်းလုံးတစ္ဆေခြောက်နေသည့်အကြောင်းရပ် ဖြစ်ခဲ့ပြီး မြို့ကြီးများနှင့် ပြည်နယ်အချို့တွင် အိမ်ခြံမြေဝယ်ယူခြင်း တင်းကြပ်မှုများ ပြုလုပ်လိုက်သည်နှင့် အရင်းအနှီးသွင်းအားစုများမှာ အခြားဒေသများသို့ စီးထွက်သွားခြင်းကိုသာ တွေ့မြင်နေကြရသည်။

တရုတ်သမ္မတ ရှီကျင့်ဖျင်က ပြီးခဲ့သော ၂၀၁၇ ခုနှစ်၊ အောက်တိုဘာလအတွင်း “နေအိမ်တွေဟာ လူနေဖို့အတွက် ဆောက်လုပ်ထားတာဖြစ်ပါတယ်။ ဈေးကစားဖို့မဟုတ်ပါဘူး”ဟု ပြောကြားခဲ့ဖူးသည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)