လုပ်ကြံသတ်ဖြတ်ခံခဲ့ရသော အမေရိကန်သမ္မတ ဂျွန်အက်ဖ်ကနေဒီ၏ ဖခင်နှင့် ညီမဖြစ်သူတို့ ပိုင်ဆိုင်သည့် နယူးယောက်ရှိ ၁၀ ဧက ခြံဝန်းကြီး ကန်ဒေါ်လာ ၃၅ သန်းဖြင့် အရောင်းဈေးကွက်ဝင်လာ

အမေရိကန်သမ္မတ ဂျွန်အက်ဖ်ကနေဒီနှင့် ဆက်နွှယ်မှုရှိသော နေအိမ်ကြီးတစ်လုံး အရောင်းဈေးကွက်ဝင်လာသည်။

တည်နေရာမှာ နယူးယောက်မြို့၊ ဘရစ်ခ်ျဟမ့်ပ်တန်အရပ်၊ ဆာဂါပိုနက်ခ်လမ်း၊ အမှတ် ၃၅၁ တွင် ဖြစ်သည်။

ရောင်းချမည့်မြေနေရာကြီးတွင် ခြံကွက် ၂ ခုပါဝင်နေပြီး တစ်ခုကို ဂျွန်အက်ဖ်ကနေဒီ၏ ဖခင် ဂျိုးဆက် ပီ-ကနေဒီက ပိုင်ဆိုင်ခဲ့ခြင်းဖြစ်ပြီး အခြားတစ်ကွက်ကိုမူ ဂျွန်အက်ဖ်ကနေဒီ၏ ညီမဖြစ်သူ ဂျင်းန် ကနေဒီ စမစ်က ပိုင်ဆိုင်ခဲ့ခြင်းဖြစ်သည်။

ဂျင်းန် ကနေဒီ စမစ်သည် ကနေဒီမျိုးဆက်တွင် အသက်အရှည်ဆုံး ရှင်သန်ကျန်ရစ်သူဖြစ်ကာ အသက် ၉၀ အရွယ်ရှိပြီ ဖြစ်သည်။

ခြံဝန်းကြီးအတွင်းရှိ ပင်မနေအိမ်ကြီးမှာ စတုရန်းပေ ၆၀၀၀ အကျယ်အဝန်းရှိပြီး ဂျင်းန် ကနေဒီ စမစ် ပိုင်ဆိုင်သည့် အဆောက်အအုံဖြစ်သည်။

၁၈၅၀ ပြည့်နှစ်တွင် ဆောက်လုပ်ခဲ့ခြင်းဖြစ်ပြီး မြေအကျယ်အဝန်း ၄ ဒသမ ၉ ဧကရှိသည်။

ပင်မနေအိမ်အတွင်း အိပ်ခန်း ၆ ခန်း၊ ရေချိုးခန်း ၆ ခန်း၊ ဆိပ်ခံတစ်ခု၊ ရေကန်တစ်ကန်နှင့် တင်းနစ်ကွင်းတို့ ပါဝင်သည်။

အခြားနေအိမ်တစ်လုံးမှာ ကြမ်းခင်းဧရိယာ ၂၈၅၀ ကျယ်ဝန်းပြီး အိပ်ခန်း ၄ ခန်း ပါဝင်ကာ ခြံဝန်းအကျယ် ၅ ဒသမ ၂၇ ဧကတွင် ကိုယ်ပိုင်ရေကန်တစ်ခုလည်း သီးခြားပါဝင်သည်။

စတုရန်းပေ ၆၀၀၀ ကျယ်ဝန်းသည့် နေအိမ်ကြီးမှာ ခြံအမှတ် ၃၆၃ ဖြစ်ပြီး ကန်ဒေါ်လာ သန်း ၂၀ ဈေးခေါ်ထားသည်။

စတုရန်းပေ ၃၀၀၀ ခန့်ကျယ်ဝန်းသည့် နေအိမ်မှာ ခြံအမှတ် ၃၅၁ တွင် တည်ရှိကာ ကန်ဒေါ်လာ ၁၅ သန်း ဈေးခေါ်ထားသည်။

ခြံဝန်းတစ်ခုလုံး၏ စုစုပေါင်းအကျယ်အဝန်းမှာ ၁၀ ဧက ဖြစ်သည်။

ဈေးကွက်တင်သည့် မှတ်တမ်းများအရ နေအိမ် ၂ ခုလုံးကို စတုရန်းပေ ၁၀၀၀၀ ခန့်အထိ တိုးချဲ့နိုင်ခွင့် ရှိသည်ဟု ဆိုသည်။

ဂျင်းန် ကနေဒီ စမစ်သည် သံတမန်ဟောင်းတစ်ဦးဖြစ်ပြီး အိုင်ယာလန်ဆိုင်ရာ အမေရိကန်သံအမတ်ကြီးအဖြစ် ၁၉၉၃ ခုနှစ်မှ ၁၉၉၈ ခုနှစ်အထိ တာဝန်ထမ်းဆောင်ခဲ့သူ ဖြစ်သည်။

မသန်စွမ်းများအရေး ဆောင်ရွက်ခဲ့မှုများအပေါ် ဂုဏ်ပြုသောအားဖြင့် သမ္မတမှ ပေးအပ်သည့် သူရဲကောင်းဆုကို အမေရိကန်သမ္မတ ဘားရက်အိုဘားမားက ပေးအပ်ခဲ့သည်။

မက်ဆာချူးဆက်ပြည်နယ်၊ ဘန်းစတေဘယ်လ်မြို့၊ ဟိုင်ယန်းနစ်ကျေးရွာသည် ကနေဒီမိသားစု၏ အဓိကစံအိမ်တည်ရှိရာအဖြစ် နာမည်ကျော်သော်လည်း နယူးယောက်မြို့၊ ဟမ့်ပ်တန်အရပ်တွင်လည်း ကနေဒီမိသားစု၏ သမိုင်းကြောင်းများစွာ တည်ရှိနေသည်။

ဂျက်ကလင်း ကနေဒီ အိုနာစစ်ကလေးဘဝက နေထိုင်ခဲ့သည့် လာဆာတာအမည်ရှိ နေအိမ်ကြီးကို မကြာသေးမီကပင် ခြံကွက် ၂ ခုအဖြစ် ပိုင်းခြားရောင်းထုတ်ခဲ့ရာ ကန်ဒေါ်လာ ၁၁ ဒသမ ၂၅ သန်းနှင့် ကန်ဒေါ်လာ ၂၄ သန်း အသီးသီးဖြင့် ဖြစ်သည်။ လာဆာတာဟူသည့် အမည်မှာ အမေရိကန်ဌာနေတိုင်းရင်းသားတို့၏ ဘာသာစကားအရ ငြိမ်းချမ်းသောနေရာဟု အဓိပ္ပာယ်ရသည်။

ထိုစဉ်က ရောင်းချခဲ့သူမှာ ဖက်ရှင်ဒီဇိုင်နာ ရိဒ် ကရာကော့ဖ်ဖြစ်သည်။

ကရာကော့ဖ်သည် အဆိုပါခြံဝန်းကြီးကို ရောင်းချခြင်းမတိုင်မီက ရုရှားရေနံသူဌေးကြီး ရိုမန် အဗရာမိုဗစ်ခ်ျအား ငှားရမ်းခဲ့ဖူးရာ ၂၀၁၆ ခုနှစ်အတွင်းက ဖြစ်လေသည်။ ယခုအရောင်းဈေးကွက်တင်လာသည်မှာ Corcoran ကုမ္ပဏီမှ တစ်ဆင့်ဖြစ်သည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)