ဒေါ်နယ်ထရမ့်၏ အကြံပေးပုဂ္ဂိုလ် ကယ်လီယာနီ ကွန်းဝေး ဝါရှင်တန်ရှိ နေအိမ်သစ်ကို အပျိုများစတည်းချရာနေရာအဖြစ် အသုံးပြုမည်

အမေရိကန်သမ္မတဒေါ်နယ်ထရမ့်၏ ထိပ်တန်းအကြံပေးပုဂ္ဂိုလ်များတွင် တစ်ဦးအပါအဝင်ဖြစ်သော ကယ်လီယာနီ ကွန်းဝေးသည် ဝါရှင်တန်ဒီစီတွင် ကန်ဒေါ်လာ ၇ ဒသမ ၈ သန်းဖြင့် နေအိမ်သစ် ဝယ်ယူလိုက်ရာ ကလေးငယ်များ စာသင်နှစ်မကုန်ဆုံးမီ အပျိုများ စတည်းချ၊ ပါတီပွဲကျင်းပရာနေရာအဖြစ် အသုံးပြုသွားရန် စီစဉ်လျက်ရှိကြောင်း လော့စ်အိန်ဂျလိအခြေစိုက် အိမ်ခြံမြေသတင်း ဝက်ဘ်ဆိုက်တစ်ခုတွင် ဖော်ပြသည်။

ကယ်လီယာနီသည် ဒေါ်နယ်ထရမ့်ရွေးကောက်ပွဲဝင်စဉ်က မဲဆွယ်မှု မန်နေဂျာနှင့် မဟာဗျူဟာပညာရှင်အဖြစ် တာဝန်ယူခဲ့သူလည်း ဖြစ်သည်။
ကယ်လီယာနီသည် ယခုအခါ ဝါရှင်တန်ဒီစီ၊ မက်ဆာချူးဆက်ရိပ်သာကုန်းအရပ်ရှိ အဆိုပါနေအိမ်သို့ အမြန်ဆုံးပြောင်းရွှေ့နိုင်ရန် စီစဉ်လျက် ရှိသည်။

မစ္စကယ်လီယာနီ၏ ကလေးငယ်များမှာ အသက် ၇ နှစ်မှ ၁၂ နှစ်အကြားရှိပြီး ၄ ဦးလုံးမှာ နယူးဂျာစီပြည်နယ်တွင် စာသင်နှစ် မကုန်ဆုံးသေးဘဲ ပညာဆည်းပူးလျက်ရှိကြသည်။

“အရေးအကြီးဆုံးကတော့ ဒီအိမ်ဟာ ကျွန်မကလေးတွေရဲ့ အိမ်ပါ။ ဒီအိမ်ကို ကလေးငယ်တွေ လုံခြုံပျော်ရွှင်စွာစုဝေးနိုင်မယ့် နေရာလေးတစ်ခု ဖြစ်လာအောင် ကျွန်မတို့ စီစဉ်နေပါတယ်” ဟု မစ္စကွန်းဝေးက ဆိုသည်။
ကလေးငယ်များ ရောက်ရှိမလာမီတွင်မူ ဝါရှင်တန်ရှိ အီလစ်များစုဝေးသည့်နေရာအဖြစ် အသုံးပြုသွားရန်လည်း မစ္စကွန်းဝေးက စီစဉ်နေသည်။

ကွန်းဝေးနှင့် ခင်ပွန်းဖြစ်သူ ဂျော့ခ်ျ ကွန်းဝေးတို့သည် စတုရန်းပေ ၁၁၅၀၀ နီးပါးကျယ်ဝန်းသော ယခုနေအိမ်ကို ကန်ဒေါ်လာ ၇ ဒသမ ၇၈၅ သန်းဖြင့် ဝယ်ယူခဲ့ခြင်း ဖြစ်သည်။

ဂျော့ခ်ျကွန်းဝေးသည် တရားရေးဝန်ကြီးဌာနတွင် ခန့်အပ်ခံရဖွယ်အလားအလာရှိနေသူလည်း ဖြစ်သည်။
မြေထဲပင်လယ်ဗိသုကာဟန်ဖြင့် ၁၉၂၇ ခုနှစ်တွင် ဆောက်လုပ်ခဲ့ပြီး အိပ်ခန်း ၁၃ ခန်း၊ ရေကန်တစ်ခုတို့အပြင် ဓာတ်လှေကားတစ်ခုပင် ပါဝင်လျက်ရှိသည်။
ဝန်ထမ်းနေအိမ်ခန်းများလည်းရှိပြီး အပိုအိပ်ခန်း ၃ ခန်းပါဝင်သည့်အပြင် ဝိုင်သိုလှောင်ခန်းတစ်ခုလည်း ပါဝင်သည်။

ကန်ဒေါ်လာ ၇ သန်းကျော်သုံးစွဲဝယ်ယူခဲ့ခြင်းဖြစ်သည့်တိုင် အနီးဝန်းကျင်တွင် မိမိမှာ အဆင်းရဲဆုံးဖြစ်ကြောင်း မစ္စကွန်းဝေးက အရွှန်းဖောက်ပြောကြားသည်။

အနီးတွင် ဘီလျံနာတစ်ဦးဖြစ်သည့် ကူးသန်းရောင်းဝယ်ရေးဝန်ကြီး ဝီလ်ဘာ ရော့စ်က မကြာသေးမီကပင် ကန်ဒေါ်လာ ၁၂ သန်းဖြင့်
ဘိုးအာ့ထ်ဗိသုကာဖြင့် ဆောက်လုပ်ထားသည့် နေအိမ်ကြီးတစ်လုံးကို ဝယ်ယူထားသည်။

ကျောက်ခဲတစ်ပစ်စာအကွာအဝေးတွင် ဘဏ်လုပ်ငန်းရှင်၊ ဘဏ္ဍာရေးဝန်ကြီး စတီဗင် မနုချင်နှင့် သတို့သမီးလောင်း လူဝီစီ လင်တန်တို့ နေထိုင်ကြသည်။
ထို့အပြင် သမ္မတဟောင်း ဘီလ်ကလင်တန်၏ အကြံပေးပုဂ္ဂိုလ်ဖြစ်ခဲ့သူ
ဗာနွန် ဂျော်ဒန်၏ နေအိမ်မှာလည်း လမ်းအတွင်းတွင်ပင် တည်ရှိသည်။
နိုင်ငံခြားသံရုံးများဖြစ်သော အီတလီ၊ ဘရာဇီး၊ ဒိန်းမတ်နှင့် သီရိလင်္ကာသံရုံးများလည်း နေအိမ်အနီးတွင် တည်ရှိသည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)