အိန္ဒိယပြည်နယ် ၅ ခုတွင် ဆင်းရဲသားပြည်သူများအတွက် တန်ဖိုးနည်းနေအိမ်ပေါင်း ၈၄၅၀၀ ခန့် ဆောက်လုပ်မည်

အိန္ဒိယနိုင်ငံတွင် အနောက်ဘင်ဂေါနှင့် ပန်ဂျပ်ပြည်နယ်တို့အပါအ၀င် ပြည်နယ် ၅ ခုတွင် ဆင်းရဲသားများအတွက် တန်ဖိုးနည်း နေအိမ်ပေါင်း ၈၄၅၀၀ ခန့် ဆောက်လုပ်သွားမည့် စီမံကိန်းကို ဗဟိုအစိုးရက အတည်ပြုလိုက်ကြောင်း အိန္ဒိယ အခြေစိုက် သတင်းဝက်ဘ်ဆိုက်တစ်ခုတွင် ဖော်ပြသည်။
ယင်းစီမံကိန်းအတွက် ရူပီးငွေ ၃၀ ဘီလီယံကျော် (၃၀၇၃၀ သန်း) ခန့် ကုန်ကျမည်ဖြစ်ပြီး ဗဟိုအစိုးရမှ ၁၂ ဘီလီယံကျော် (၁၂၅၆၀ သန်း) ခန့် ထောက်ပံ့ကူညီသွားမည် ဖြစ်သည်။

အိုးအိမ်နှင့် မြို့ပြဆင်းရဲမွဲတေမှုတိုက်ဖျက်ရေးဝန်ကြီးဌာနသည် ဟန္ဒီဘာသာအားဖြင့် Pradhan Mantri Awas Yojana (၀န်ကြီးချုပ်၏ အိမ်ရာစီမံကိန်း) ဟုအမည်ရသော စီမံကိန်းဖြင့် မြို့ပြနေ ဆင်းရဲသားများအတွက် တန်ဖိုးနည်းနေအိမ်ပေါင်း ၈၄၄၆၀ ဆောက်လုပ်မည့် စီမံကိန်းကို အတည်ပြုလိုက်သည်ဟု တရားဝင်ထုတ်ပြန်ချက်တစ်ရပ်တွင် ဖော်ပြသည်။

အနောက်ဘင်ဂေါပြည်နယ်တွင် နေအိမ်ပေါင်း ၄၇၃၇၉ လုံး ဆောက်လုပ်မည်ဖြစ်ပြီး ရူပီးငွေ ၁၉ ဘီလီယံကျော် (၁၉၁၈၀ သန်း) ကုန်ကျမည်ဖြစ်သည်။
ပန်ဂျပ်ပြည်နယ်တွင်မူ နေအိမ်ပေါင်း ၁၅၂၀၉ လုံးဆောက်လုပ်မည်ဖြစ်ကာ ရူပီးငွေ ၄ ဘီလီယံကျော် (၄၂၄၀ သန်း) ကုန်ကျမည် ဖြစ်သည်။
မဏိပူရပြည်နယ်တွင်ကား တန်ဖိုးနည်းအိမ်ရာ ပထမဆုံးအကြိမ် ဆောက်လုပ်ခြင်းဖြစ်ပြီး နေအိမ်ပေါင်း ၃၀၉၀ ခန့် ဆောက်လုပ်မည်ဖြစ်ကာ ရူပီးငွေ သန်း ၈၈၀ ကုန်ကျမည် ဖြစ်သည်။

အိန္ဒိယတွင် Pradhan Mantri Awas Yojana (၀န်ကြီးချုပ်၏ အိမ်ရာစီမံကိန်း) ကို ယခင် ၂၀၁၅ ခုနှစ်ကတည်းကပင် အတည်ပြုခဲ့ခြင်းဖြစ်ပြီး တန်ဖိုးနည်းနေအိမ်ပေါင်း ၁၀၉၅၈၀၄ ဆောက်လုပ်ရန် ရည်မှန်းထားပြီး စုစုပေါင်းကုန်ကျစရိတ်အားဖြင့် ရူပီးငွေ ၆၂၇ ဘီလီယံခန့် ကုန်ကျမည်ဟု ခန့်မှန်းထားပြီး ဗဟိုအစိုးရမှ ၁၆၂ ဒသမ ၈၉ ဘီလီယံထောက်ပံ့ရန် အတည်ပြုထားခဲ့ပြီးလည်း ဖြစ်သည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)