နိုင်ငံတကာအိမ်ခြံမြေဈေးကွက်သို့ အဏုမြူဗုံးခိုကျင်းတစ်ခုအရောင်းတက်လာ ကန်ဒေါ်လာ ၇၉၈၀၀၀ ဖြင့်ခေါ်ဈေးဖွင့်

အိုင်ယာလန်မြောက်ပိုင်း၊ အင်ထရင်းမ်ခရိုင်၊ ဘယ်လီမီနာမြို့ တွင် လျှို့ ဝှက်ဗုံးခိုကျင်းကြီးတစ်ခုရှိသည်။ အဆိုပါဗုံး ခိုကျင်း သည် အဏုမြူဗုံးအန္တရာယ်မှ ကာကွယ်နိုင် စွမ်းရှိသည် ဟုဆိုသည်။ ယင်းဗုံးခိုကျင်းကိုဆောက်လုပ် ရာတွင် ကန်ဒေါ်လာ ၄၁၆ သန်းမှ ၅၅၅ သန်းအထိ ကုန်ကျခဲ့ဖွယ် ရှိသည်ဟုဆိုကြသည်။

ရုရှားကအဏုမြူလက်နက်ဖြင့် တိုက်ခိုက်လာလျှင် ပုန်းခိုကာကွယ်နိုင်ရန် ၁၉၈၀ ပြည့်လွန်နှစ်များ အတွင်းရည်ရွယ်ဆောက်လုပ်ခဲ့ခြင်း ဖြစ်သည်။
Lambert Smith Hampton အိမ်ခြံမြေရောင်းဝယ်ရေးလုပ်ငန်းက အရောင်းဈေးကွက်တင်လာခြင်းဖြစ်ပြီးကန်ဒေါ်လာ ၇၉၈၀၀၀ ဈေးခေါ်ထားသည်။
အဆိုပါဝက်ဘ်ဆိုက်တွင် ကြော်ညာထားရာ၌ “မြောက်အိုင်ယာလန်၏ တစ်ခုတည်းသောဗုံးခိုကျင်း၊ စစ်သည် ၂၃၆ ဦးခိုလှုံနိုင်သည်” ဟုရေးသားဖော်ပြထားသည်ကိုတွေ့ရသည်။

ဗုံးခိုကျင်းအတွင်းတွင် လူပေါင်း ၂၃၆ ဦးစာအိပ်စင်များ ပါရှိသည့်အပြင် ဗုံးခိုကျင်းအတွင်းအခြေအနေများ ကိုသတင်းပို့ရန်နှင့် ပြင်ပနှင့် ဆက်သွယ်ရန်အတွက် ရုပ်သံစတူဒီယိုတစ်ခုလည်း ပါဝင်သည်။

ယင်းဗုံးခိုကျင်းကြီးမြောက်အိုင်ယာလန်တွင် ဆောက်လုပ်ထားမှုမှာ ၂၀၀၇ ခုနှစ်အထိထိပ်တန်းလျှို့ ဝှက်တစ်ရပ် ဖြစ်ခဲ့သည်။ ဗုံးခိုကျင်းအဆောက်အဦ အတွင်းအထပ်နှစ်ထပ်ပါဝင်ပြီး အစည်းအဝေး ခန်းမများလည်း ပါဝင်ကာ မီးဖိုဆောင်တစ်ခုလုံး ရှိအသုံးအဆောင်အားလုံးကိုစတီးဖြင့် ပြုလုပ်ထားသည်။
ဗုံးခိုကျင်းပေါ်တွင် မြက်ခင်းများစိုက်ပျိုးပေးထားပြီး မည်သည့်အဆိပ်ငွေ့ကိုမ ဆိုကာကွယ်နိုင်စွမ်း ရှိသည်ဟုဆိုသည်။ အကျယ်အ၀န်းမှာ ၄၆၃၆၃ စတုရန်းပေ ဖြစ်သည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)