ရန်ကုန်မြို့၏ဒုတိယဗဟိုစီးပွားရေးဇုန်အားရင်းနှီးမြုပ်နှံမှု
ကော်မရှင် (MIC) ခွင့်ပြုချက်ရရှိပြီးပါက ငါးနှစ်အတွင်း အပြီးသတ် လုပ်ဆောင်သွားမည် ဖြစ်ကြောင်း ရန်ကုန်မြို့တော် စည်ပင်သာယာရေး ကော်မတီ အင်ဂျင်နီယာ (အဆောက်အအုံ) ဌာနထံမှ
သိရသည်။
”ဒီစီမံကိန်းကိုလုပ်ဖို့ကုမ္ပဏီတချို့ကိုလည်း ဆွေးနွေး ပြီးသွားပြီး။ ဒါကြောင့် (MIC) ရဲ့ ခွင့်ပြုချက်ရတာနဲ့ အမြန်ဆုံး အကောင်အထည် ဖော်သွားမှာပါ” ဟု အထက်ပါ ဌာနမှူးး ဦးသန်းဌေးက ပြောသည်။အဆိုပါ စီမံကိန်း ပြီးစီးပါက ရန်ကုန်မြို့၏ဒုတိယစီးပွားရေး မြို့လယ်နေရာတစ်ခု ဖြစ်လာမည်ဖြစ်၍ ရင်းနှီးမြုပ်နှံမှုများ ပိုမိုဝင်ရောက်လာကာ
အလုပ်အကိုင်အခွင့်အလမ်းများကိုများစွာဖန်တီးပေးနိုင်မည် ဖြစ်ကြောင်း သိရသည်။
ဒုတိယ ဗဟိုစီးပွားရေးဇုန်တွင် ကုန်သွယ်ရေး စင်တာ၊ ဟိုတယ်များ၊ ရုံးခန်းများ၊ ဈေးဝယ်စင်တာများ၊ အထပ်မြင့် အဆောက်အဦ စသည့်တို့ ပါဝင်မည် ဖြစ်ကြောင်း သိရသည်။ ”အထူး စီးပွားရေးဇုန်တွေများတာ၊ နိုင်ငံတကာလို ပြည့်ဝပိုင်ဆိုင်မှုရှိတဲ့ ဈေးကွက် ဒီနိုင်ငံမှာ ရှိလာမယ်။
ဒါကြောင့်စီးပွားရေးဖွံ့ဖြိုးမှုကိုအထောက်အပံ့ ပေးနိုင်တယ်ဆိုပေမယ့်၊ နိုင်ငံခြားသားတွေပဲ လုပ်မယ်ဆိုရင်တော့ ဒီနိုင်ငံအတွက် အကျိုးသိပ်မရှိနိုင်ဘူး” ဟု စွန့်ဦးတီထွင် ဦးရဲမြင့်က သုံးသပ် ပြောသည်။
ယင်းစီးပွားရေးဇုန်သည် မရမ်းကုန်းမြို့နယ် မင်းဓမ္မလမ်းနှင့် တော်ဝင်လမ်းထောင့်ရှိ မြေဧရိယာ (၃၆) ဧကတွင်အကောင်အထည်ဖော် ဆောင်ရွက်သွားမည် ဖြစ်ကြောင်း ရန်ကုန်မြို့တော် စည်ပင်သာယာရေးကော်မတီမှ သိရသည်။
အဆိုပါစီမံကိန်းအားပုဂ္ဂလိကကုမ္ပဏီများနှင့်အကျိုးတူပူးပေါင်း လုပ်ကိုင်ရန် (၂၀၁၃) ခုနှစ်က တင်ဒါ ခေါ်ယူခဲ့ပြီး လက်ရှိတွင်ကုမ္ပဏီတချို့အား ရွေးချယ်ထားပြီး ဖြစ်ကြောင်း သိရသည်။ လက်ရှိ ရန်ကုန်မြို့သည် မြန်မာနိုင်ငံ၏ စီးပွားရေး မြို့တော်ဖြစ်ပြီး၊ပထမ ဗဟိုစီးပွားရေးဇုန်အား သီလ၀ါတွင် အကောင်အထည် ဖော်နေပြီး ယခု မင်းဓမ္မလမ်းတွင် ဒုတိယ ဗဟိုစီးပွားရေးဇုန်ကို ထပ်မံ အကောင်အထည် ဖော်နေခြင်း ဖြစ်သည်။
Credit : Messenger News Journal
