ပြည်ပ အိမ်ခြံမြေ သတင်း | Posted by စည်သူအောင်
အမေရိကန်ပြည်၊ ကယ်လီဖိုးနီးယားပြည်နယ်တွင် ကမ္ဘာ့ထိပ်သီး နည်းပညာကုမ္ပဏီကြီးများ အခြေစိုက်သည့် ဆီလီကွန်တောင်ကြားဟု နာမည်ကျော်သော Palo Alto မြို့သည် သစ်ပင်ကြီးများဖြင့် စိမ်းလန်းဝေဆာသော လမ်းများ၊ စက်ဘီးပတ်စီးနေသည့် ကလေးငယ်များဖြင့် အေးချမ်းသောနေရာလေးတစ်ခု ဖြစ်သည်။
တိတ်ဆိတ်အေးချမ်းသော ဒေသလေးကို ယခုအခါ Meta ၏ စီအီးအို Mark Zuckerberg က ခြံနေရာများ ဆက်တိုက်ဝယ်ယူကာ အပိုင်စီးလာကြောင်း ဒေသခံတို့က ပြောသည်။
Mark Zuckerberg နှင့် ဇနီးဖြစ်သူ ပရစ်ဆီလာ ချန်းတို့သည် ထိုဒေသသို့ ၂၀၁၁ ခုနှစ်တွင် စတင်ရောက်ရှိခဲ့ပြီးနောက်ပိုင်း Edgewood Drive လမ်းနှင့် Hamilton Avenue လမ်းတို့တွင် အိမ်ပေါင်း ၁၁ သန်းခန့်ကို ဒေါ်လာ သန်း ၁၁၀ ကျော် သုံးစွဲကာ ဝယ်ယူထားပြီး ဖြစ်သည်။
ယင်းအနက် ကပ်လျက်တည်ရှိသော ခြံဝန်း ၅ ခုကို တစ်ခြံတည်းအဖြစ် ပေါင်းစည်းလိုက်သည်။
ထို့နောက် Mark Zuckerberg က ၎င်းတို့စုံတွဲနှင့် သမီး ၃ ဦးအတွက် မွမ်းမံဆောက်လုပ်မှုများ ပြုလုပ်ခဲ့ရာ ဧည့်ဂေဟာအိမ်များ၊ စိမ်းလန်းသာယာသော ပန်းဥယျာဉ်များ၊ pickleball ကစားကွင်းနှင့် ရေကူးကန်တို့ ပါဝင်ကြောင်း နယူးယောက်တိုင်းမ် သတင်းစာကြီးက ဖော်ပြသည်။
(တချိန်က အေးချမ်းခဲ့သော၊ ချစ်ခင်စည်းလုံးခဲ့သော နေရာလေးမှာ Mark Zuckerberg ၏ ၁၄ နှစ်တာအတွင်း ဝါးမြိုချဲ့ထွင်မှုကြောင့် ဘီလျံနာ၏ သီးသန့်ရပ်ကွက်သဖွယ်ဖြစ်သွားကြောင်း ဒေသခံတို့က ပြောသည်။ ဓာတ်ပုံ-FilmMagic)
(Mark Zuckerberg သည် အိမ်ပေါင်း ၁၁ ခန့် ဝယ်ယူခဲ့ရာတွင် ဈေးကွက်ပေါက်ဈေးထက် ပိုပေးကာ ဝယ်ယူခဲ့ခြင်းဖြစ်ကာ စုစုပေါင်း ဒေါ်လာ သန်း ၁၁၀ ခန့် သုံးစွဲခဲ့သည်။ ဓာတ်ပုံ-Splash News)
အနီးရှိ ကျန်နေအိမ် အဆောက်အအုံများကိုမူ ဖျော်ဖြေရေးနေရာ၊ outdoor ပွဲလမ်းများအတွက် စုဝေးရာနေရာအဖြစ် အသုံးပြုထားသည်။
ထို့အပြင် ကလေး ၁၄ ယောက်အတွက် သီးသန့် စာသင်ကျောင်းလည်း ထားရှိရာ Palo Alto ၏ စည်းမျဉ်းများအရ ဥပဒေနှင့် မကိုက်ညီချေ။
ကျယ်ပြောလှသော ခြံဝန်းကြီးအလယ်တွင်ကား Mark Zuckerberg က ဇနီးဖြစ်သူအတွက် သွန်းလုပ်ပေးထားသော အမြင့် ၇ ပေရှိ ရုပ်တုကြီးတစ်ခုရှိသည်။
(ဆက်စပ်သတင်း))
Mark Zuckerberg က နေအိမ်နောက်ဘက် ခြံဝန်းအတွင်း ဇနီးဖြစ်သူ ပရစ်ဆီလာ၏ ရုပ်တုကြီး စိုက်ထူထားရှိ
https://www.iMyanmarHouse.com/news/read/1120633
စံအိမ်ကြီး၏ အောက်ဘက်တွင် စတုရန်းပေ ၇၀၀၀ ကျယ်ဝန်းသော မြေအောက်ခန်းကြီး ရှိသည်ဟု ဆိုသည်။
.jpg)
(ဓာတ်ပုံ-Falon Wriede / NY Post Design)
Mark Zuckerberg သည် သူ၏ ကြီးမားကျယ်ဝန်းလှသော ခြံဝန်းကြီးတွင် ၈ နှစ်တာအတွင်း ဆောက်လုပ်ရေး လုပ်ငန်းများ အဆက်မပြတ်လုပ်ဆောင်နေခဲ့ရာ လမ်းများမှာ စက်ယန္တရားကြီးများဖြင့် ပိတ်ဆို့နေခဲ့ပြီး ရပ်ထားသော ကားတို့၏ နောက်ကြည့်မှန်များကိုပင် တိုက်ချသွားလေ့ရှိကြောင်း ဒေသခံတို့က ပြောသည်။
ဒေသခံတို့ စိတ်ပျက်နေသည့် အခြားအကြောင်းတစ်ခုမှာ စောင့်ကြည့်ခံနေရသည့် ကိစ္စဖြစ်သည်။
မိမိတို့၏ ခြံဝန်းများဘက်သို့ ကင်မရာများ လှည့်ထားပြီး လုံခြုံရေးအစောင့်များ အသင့်ရှိနေသည့် ကားများလည်းရှိနေကြောင်း၊ အများပြည်သူအသုံးပြုသည့်လမ်းပေါ် သွားလာနေသူများကို ဗွီဒီယိုရိုက်ကာ စစ်ဆေးမေးမြန်းလေ့ရှိကြောင်း အိမ်နီးချင်းတို့က ပြောသည်။
(Mark Zuckerberg က အိမ်ခြံဝန်း ၅ ခုကို တစ်ခုတည်းအဖြစ် ပေါင်းစည်းလိုက်သည့်အပြင် စတုရန်းပေ ၇၀၀၀ ကျယ်ဝန်းသော မြေအောက်ခန်းကြီးလည်း ဆောက်လုပ်ထားသည်။ ဓာတ်ပုံ-Splash News)
(အိမ်ခြံမြေဈေးကြီးကာ နေအိမ်ရှားပါးလှသော နည်းပညာမြို့တော်တွင် Mark Zuckerberg ၏ အချို့အိမ်များမှာ လူမရှိဘဲ ဖြစ်နေပြီး အိမ်တစ်လုံးကိုမူ ခွင့်ပြုချက်မရှိဘဲ ကိုယ်ပိုင်ကျောင်းအဖြစ် ဖွင့်လှစ်ထားသည်။ ဓာတ်ပုံ-Bloomberg via Getty Images)
အာဏာပိုင်တို့မှာလည်း Mark Zuckerberg ကို မျက်နှာလိုက်ကြကြောင်း အချို့က ဝေဖန်သည်။
သာဓကအားဖြင့် Mark Zuckerberg တို့ မိသားစု barbecue ပွဲ ကျင်းပရန်အတွက် ကားမရပ်ရ tow-away ဇုန်အဖြစ် ရဲတပ်ဖွဲ့က နာရီပေါင်းများစွာ သတ်မှတ်ပေးခဲ့ခြင်းကို ထောက်ပြကြသည်။
(နှစ်ပေါင်းများစွာ ဆောက်လုပ်ရေးလုပ်ငန်းခွင်မှ ဆူညံသံများ၊ အလွန်အမင်း စောင့်ကြည့်ခံရခြင်းများ၊ မြို့အာဏာပိုင်တို့က Mark Zuckerberg အပေါ် မျက်နှာသာပေးမှုများ၊ ရဲတပ်ဖွဲ့က ကျောထောက်နောက်ခံ ပေးထားသည့် ပွဲလမ်းများကို ဒေသခံတို့က စောဒကတက်ကြသည်။ ဓာတ်ပုံ-AP)
(Mark Zuckerberg ၏ အဆက်အပြတ် ပိုင်နက်ချဲ့ထွင်နေမှုများကို အိမ်နီးချင်းတို့ စိတ်ပျက်နေကြသည်။ ဓာတ်ပုံ-CBS)
(မိသားစုဆန်စွာ နေထိုင်ခဲ့ကြသော ဝန်းကျင်တစ်ခုဖြစ်သည်။ ဓာတ်ပုံ- CBS) (Mark Zuckerberg က တစထက်တစ ပိုင်နက်ချဲ့ထွင်လာမှုကို ဒေသခံတို့ ဝေဖန်နေကြသည်။ ဓာတ်ပုံ-CBS)
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: Mark Zuckerberg angers locals in tony Silicon Valley enclave over 11-home, $110M compound: ‘They’ve occupied our neighborhood’
Photo Credit-CBS, Bloomberg via Getty Images, AP, SplashNews, FlimMagic, Falon Wriede / NY Post Design
