မက်မွန်မြေမှ ချစ်တေးတစ်ပုဒ်တွင် ကောကျင့်အဖြစ် သရုပ်ဆောင်ကာ လျှမ်းလျှမ်းတောက်ခဲ့သူ ရုပ်ရှင်မင်းသား ဟူကဲ ရသမျှငွေ မိခင်ကြီးကို အပ်ထားပုံနှင့် ၎င်းဖွင့်ထားသော စားသောက်ဆိုင်အကြောင်း

တရုတ်နာမည်ကြီး ရုပ်ရှင်မင်းသား ဟူကဲ (Hu Ge) သည် မက်မွန်မြေမှ ချစ်တေးတစ်ပုဒ် -The Legend of the Condor Heroes (射雕英雄传) တွင် ကောကျင့်အဖြစ် သရုပ်ဆောင်ကာ လျှမ်းလျှမ်းတောက် ကျော်ကြားခဲ့သူ ဖြစ်သည်။

ဟူကဲတို့ မိသားစုမှာ ရှန်ဟိုင်းမြို့ဇာတိ သာမန် မထင်မရှား မိသားစုလေးဖြစ်သည်။

ဖခင်မှာ တင်းနစ်နည်းပြဖြစ်ပြီး မိခင်မှာ ကျောင်းဆရာမ ဖြစ်သည်။

ဟူကဲတို့ မိသားစုမှာ မရှိမရှား မိသားစုဖြစ်သောကြောင့် ဟူကဲ၏ ဝါသနာကို မြေတောင်မြှောက်ပေးနိုင်ရန် ခက်ခက်ခဲခဲ ရုန်းကန်ခဲ့ကြရသည်။

ထိုသို့ မိဘများ ကြိုးစားရကြိုးနပ်သည်ဟု ဆိုရမည်။ ဟူကဲသည် ၁၄ နှစ်သား အရွယ်တွင် ရုပ်သံနယ်သို့ စတင်ခြေချခွင့်ရခဲ့သည်။

ကလေးငယ်များအတွက် ရုပ်သံအစီအစဉ်တွင် အစီအစဉ်တင်ဆက်သူအဖြစ် ပါဝင်ခွင့်ရခဲ့ခြင်း ဖြစ်သည်။

မကြာမီတွင်ပင် Shanghai Theater Academy သို့ တက်ခွင့်ရခဲ့ပြီး Chinese Paladin series တွင် ပါဝင်ခွင့်ရခဲ့သည်။

((မက်မွန်မြေ ဇာတ်လမ်းတွဲ ရိုက်ကူးနေရင်း ယာဉ်မတော်တဆမှုကြီး ဆိုးဆိုးရွားရွားဖြစ်ပွားခြင်း))

ဟူကဲသည် မက်မွန်မြေမှ ချစ်တေးတစ်ပုဒ် (The Legend of the Condor Heroes) ကို ရိုက်ကူးနေစဉ် ၂၀၀၆ ခုနှစ်အတွင်း ကားမတော်တဆမှုဖြစ်ပွားရာ သူ၏ လက်ထောက်မှာ ပွဲချင်းပြီး သေဆုံးသွားခဲ့ပြီး ဟူကဲမှာလည်း အပြင်းအထန် ဒဏ်ရာရခဲ့သည်။

ထိုအချိန်က လျှမ်းလျှမ်းတောက် မကျော်ကြားသေးဘဲ တက်သစ်စ မင်းသားငယ်ဘဝသာရှိသေးချိန်ဖြစ်ရာ ဟူကဲမှာ ကိုယ်စိတ်နှစ်ပါး ချုံးချုံးကျခဲ့ရသည်။

ယာဉ်မတော်တဆမှုကြောင့် မျက်နှာနှင့် လည်ပင်းတွင် အချက် ၁၀၀ ကျော် ချုပ်ခဲ့ရရာ ညာဘက်တစ်ခြမ်းလုံး ချုပ်ရိုး ပရပွဖြစ်သွားသည်။

ဇာတ်ကား ရိုက်ကူးနေချိန်ဖြစ်သောကြောင့် ရိုက်ကူးရေး ပျက်မသွားစေရန် အမာရွတ်များကို ခွဲစိတ်ကုသမှုများစွာ ပြန်လည်ပြုလုပ်ခဲ့ရသည်။

((ဟူကဲ၏ စားသောက်ဆိုင်))

ဟူကဲသည် ကနဦးတွင် ငွေကြေးစီမံခန့်ခွဲမှုအကြောင်း နားမလည်သောကြောင့် ရရှိလာသမျှငွေအများစုကို မိခင်ကြီး၏ ဘဏ်စာရင်းတွင်သာ ထည့်ထားခဲ့သည်။

မက်မွန်မြေမှ ချစ်တေးတစ်ပုဒ်ဖြင့် လျှမ်းလျှမ်းတောက်ကျော်ကြားလာချိန် ၂၀၀၈ ခုနှစ်အတွင်း အင်တာဗျူးတစ်ခုတွင် ဟူကဲက “ကျွန်တော် ရလာတဲ့ငွေ အများစုကို အမေ့ကို ပေးပါတယ်။ ကျွန်တော်သုံးဖို့ အနည်းအကျဉ်းပဲ ယူထားပါတယ်” ဟု ပြောဖူးသည်။

၂၀၁၀ ပြည့်နှစ်တွင်မူ ဟူကဲက သူငယ်ချင်းတစ်ဦးနှင့် ပူးပေါင်းကာ စားသောက်ဆိုင်တစ်ခုဖွင့်ရန်အတွက် ယွမ် ၅ သန်း သုံးစွဲခဲ့သည်။

သူ၏ စားသောက်ဆိုင်ဖွင့်ပွဲ အခမ်းအနားသို့ Tiffany Tang (唐嫣), Angelababy နှင့် Cecilia Liu (刘诗诗) တို့ အပါအဝင် ဒိတ်ဒိတ်ကြဲ ကြယ်ပွင့်များစွာ တက်ရောက်ခဲ့ကြသည်။

ထိုအချိန်က ခံစားချက်ကို ဟူကဲပြောပြသည်မှာ “ရုပ်ရှင်စရိုက်တဲ့ နေ့ထက်တောင် ရင်တုန်ပန်းတုန် ဖြစ်ခဲ့ရပါတယ်။ မင်္ဂလာဦးနေ့လိုမျိုး ခံစားရတယ်” ဟု ဆိုသည်။

ဟူကဲ၏ စားသောက်ဆိုင်မှာ အလွန်အောင်မြင်သည်။ အစားအသောက်နှင့် lifestyle မဂ္ဂဇင်းများစွာအပြင် ရုပ်သံအစီအစဉ်များတွင် သူ၏ စားသောက်ဆိုင်အကြောင်း ဖော်ပြခံရသည်။

နာမည်ကြီး ရုပ်ရှင်ကားများ၊ ရုပ်သံဇာတ်လမ်းတွဲများစွာကိုလည်း ဟူကဲ၏ စားသောက်ဆိုင်တွင် လာရောက်ရိုက်ကူးကြသည်။

ဟူကဲက ပြောသည်မှာမူ “ကျွန်တော့်သူငယ်ချင်းတွေကို ကျွန်တော့်ဆိုင်ကိုလာဖို့ တရားဝင် တခါမှ မတောင်းဆိုခဲ့ပါဘူး။ အစားအသောက်ရဲ့ အရည်အသွေးနဲ့ပဲ customer တွေကို ဆွဲဆောင်ချင်ပါတယ်။ ကျွန်တော့်ရဲ့ ကျော်ကြားမှုအပေါ် မမှီခိုချင်ပါဘူး။ ကျော်ကြားမှုဆိုတာ ယာယီအခိုက်အတန့်ပါပဲ” ဟု ဆိုသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com 

Ref: The Story Behind Hu Ge’s Multi-Million Dollar Wealth