ဘရုစ်လီ သေဆုံးခဲ့သော တိုက်ခန်း၊ ရှေ့ဖြစ်ဟောဆရာ၏ သွေးထွက်အောင်မှန်ကန်သော ဟောကိန်းများနှင့် ကျိန်စာသင့် လီမိသားစု ကံကြမ္မာ

ဘရုစ်လီသည် ဟောင်ကောင်မှ Kowloon tong အရပ်ရှိ Mayfair house တိုက်ခန်းအိမ်ရာရှိ အခန်းတစ်ခန်းတွင် သေဆုံးခဲ့ခြင်း ဖြစ်သည်။

အဆိုပါတိုက်ခန်းမှာ ဘရုစ်လီ၏ မိတ်ဆွေရင်းချာ ထိုင်ဝမ်ရုပ်ရှင်မင်းသမီး ဘက်တီ (Betty ting bei) နေထိုင်သော အခန်းဖြစ်သည်။

((တိုက်ခန်းအကြောင်းနှင့် ဘရုစ်လီသေဆုံးပုံ))

● တည်နေရာ= ဘက်တီ၏ တိုက်ခန်းသည် high-end လူနေအိမ်ရာဖြစ်ပြီး Beacon Hill လမ်း ၊ အမှတ် ၆၇ တွင် တည်ရှိကာ Flat 2B ရှိ အခန်းဖြစ်သည်။

● ၁၉၇၃ ခုနှစ်၊ ဇူလိုင်လ ၂၀ ရက်မှာ ဘာတွေဖြစ်ခဲ့လဲ

ထိုနေ့တွင် ဘရုစ်လီသည် Game of Death အမည်ရှိ ရုပ်ရှင်ရိုက်ကူးရေး လုပ်ဆောင်နေပြီး ရုပ်ရှင်ထုတ်လုပ်သူ ရေမွန်ချောင် (Raymond Chow) ၊ ရုပ်ရှင်မင်းသား ဂျော့ချ် လာဇန်ဘီ(George Lazenby) တို့နှင့် ကော်ဖီဆိုင်တစ်ခုတွင် တွေ့ဆုံခဲ့သည်။

ယင်းနောက်ပိုင်းတွင် ဘရုစ်လီက ရုပ်ရှင်မင်းသမီး ဘက်တီ၏ တိုက်ခန်းသို့ သွားခဲ့၏။ ရုပ်ရှင်တစ်ကားတွင် ဘက်တီ ပါဝင်သရုပ်ဆောင်ရေး ဆွေးနွေးရန် ဖြစ်သည်။

ဘက်တီ၏ တိုက်ခန်းသို့ရောက်ချိန်တွင် ဘရုစ်လီက ခေါင်းကိုက်သည်ဟု ပြောရာ ဘက်တီက equagesic အမည်ရှိ အကိုက်အခဲပျောက်ဆေး တိုက်ခဲ့သည်။

အဆိုပါ အကိုက်အခဲပျောက်ဆေးသည် Aspirin နှင့် Mebrobamate တို့ ပါဝင်သော ဆေးဖြစ်သည်။

ထို့နောက် ဘရုစ်လီက ခဏလှဲဦးမည်ဟုဆိုကာ အနားယူလိုက်သည်။ သို့သော် မည်သည့်အခါမှ ပြန်လည်နိုးထမလာတော့ချေ။

● စစ်ဆေးတွေ့ရှိချက်များ

ဘရုစ်လီကို ခေါ်မရတော့သောကြောင့် ဘက်တီက ရုပ်ရှင်ထုတ်လုပ်သူ ရေမွန်ချောင်ကို ခေါ်ယူခဲ့ပြီးနောက် ဆရာဝန်တစ်ဦး ပင့်ခဲ့သည်။

ထိို့နောက် ဘရုစ်လီကို Queen Elizabeth ဆေးရုံသို့ ကတိုက်ကရိုက် ပို့ဆောင်ခဲ့သော်လည်း ဆေးရုံသို့ ရောက်ရှိချိန်တွင် ဘရုစ်လီသေဆုံးနေပြီဖြစ်ကြောင်း ဆရာဝန်တို့က ပြောသည်။

ရုပ်ရှင်မင်းသမီးဘက်တီက သူ၏ ကိုယ်ရေးအတ္ထုပ္ပတ္တိစာအုပ်ဖြစ်သော The Memoirs of Betty ting bei (၂၀၀၈) တွင် ဘရုစ်လီသေဆုံးခဲ့ပုံကို ထည့်သွင်းရေးသားထားသည်။

((ကျိန်စာသင့် လီမိသားစု))

ဘရုစ်လီနှင့် ၎င်း၏ သားဖြစ်သူ ဘရန်ဒွန်လီတို့ ငယ်ငယ်ရွယ်ရွယ်ဖြင့် သေဆုံးရမှုများ၊ အခြားသော မိသားစုဝင် တို့မှာလည်း ကံကြမ္မာဆိုး အမျိုးမျိုး ရင်ဆိုင်ရမှုများကြောင့် လီမိသားစုမှာ ကျိန်စာသင့်နေခြင်းဖြစ်သည်ဟု ယူဆသူများစွာရှိသည်။

● ကျိန်စာသင့်ဖြစ်ရပ်များ

► ဘရုစ်လီ၏ ဆန်းကြယ်စွာသေဆုံးမှု (၁၉၇၃ ခုနှစ်၊ ၃၂ နှစ်)

ဘရုစ်လီ သေဆုံးမှုမှာ ဦးနှောက်ရောင်ရမ်းမှုကြောင့်ဖြစ်ကြောင်း ဆရာဝန်တို့၏ တွေ့ရှိချက်တွင် ဖော်ပြသည်။

သို့သော် လုပ်ကြံသတ်ဖြတ်မှု၊ အဆိပ်ခတ်မှု၊ သဘာဝလွန်စွမ်းအားတို့ ပါဝင်ပတ်သက်နေမှုကြောင့် သေဆုံးရခြင်းဖြစ်နိုင်သည်ဟူသော ယူဆချက်များလည်းရှိသည်။

► ဘရန်ဒွန်လီ၏ သေဆုံးမှု (၁၉၉၃ ခုနှစ်၊ အသက် ၂၈ နှစ်)

ဘရန်ဒွန်လီသည် The Crow အမည်ရှိ ရုပ်ရှင်ဇာတ်ကားရိုက်ကူးစဉ် သေနတ်ပစ်သည့်အခန်းတွင် ကျည်အစစ်ဖြင့် ပစ်ခတ်ခံရကာ သေဆုံးသွားခဲ့ခြင်း ဖြစ်သည်။

► မိသားစုဝင်တို့၏ ကံကြမ္မာဆိုးများ

= ဘရုစ်လီ၏ ကျန်ရစ်သူဇနီး လင်ဒါ (Linda Lee Cadwell) သည် ၁၉၇၄ ခုနှစ်တွင် သေနတ်ဖြင့် ပစ်ခတ်လုပ်ကြံခံရရာ ကံကောင်းထောက်မစွာ သေကံမရောက် သက်မပျောက်ခဲ့။

= ဘရုစ်လီ၏ သမီး ရှန်နွန် (Shannon Lee) သည် ၁၉၉၃ ခုနှစ်တွင် အသက်သေနိုင်လောက်သော ကားအက်ဆီးဒင့်ဖြစ်ပွားခဲ့သည်။

= ဘရုစ်လီ၏ ညီမ ဖီဘီ (Phoebe Lee) သည် ၁၉၉၆ ခုနှစ်တွင် ငယ်ငယ်ရွယ်ရွယ်ဖြင့် သေဆုံးသွားခဲ့သည်။

((အသက် ၃၃ နှစ်မကျော်မီ သေဆုံးလိမ့်မည်ဟု ရှေ့ဖြစ်ဟောဆရာ၏ ဟောကြားချက်))

ဘရုစ်လီ၏ ကျန်ရစ်သူဇနီး လင်ဒါအပြင် ၎င်းနှင့် နီးစပ်သူတို့၏ ပြောကြားချက်များအရ ဘရုစ်လီကို ရှေ့ဖြစ်ဟောဆရာတစ်ဦးက ဟောကိန်းထုတ်ထားမှုတစ်ခု ရှိခဲ့သည်ဟု ဆိုသည်။

ဘရုစ်လီသည် ဟောင်ကောင်ရှိ ရှေ့ဖြစ်ဟောဆရာတစ်ဦးထံ ၁၉၇၀ ပြည့်လွန် အစောပိုင်းကာလများတွင် သွားရောက်ကာ ၎င်း၏ အနာဂတ်ကို မေးမြန်းခဲ့သည်။

လင်ဒါနှင့် အခြားသူတို့၏ ပြန်လည်ပြောပြမှုများတွင် အနည်းငယ်စီ ကွဲလွဲချက်များရှိနေသော်လည်း အဓိက ဟောကိန်းဆိုလိုရင်းမှာမူ အတူတူပင် ဖြစ်သည်။

“ခင်ဗျားဟာ ငယ်ငယ်ရွယ်ရွယ်နဲ့ သေဆုံးရလိမ့်မယ်။ ခင်ဗျားရဲ့ မိသားစုတွေလည်း ကံဆိုးမိုးမှောင်ကျတာတွေ ရင်ဆိုင်ရလိမ့်မယ်။” ဟု ဟောကြားခဲ့သည်ဟု ဆိုသည်။

အချို့က ပြောပြသည်မှာမူ ရှေ့ဖြစ်ဟောဆရာက ဘရုစ်လီအား အသက် ၃၃ နှစ်ထက် ကျော်လွန်ပြီး အသက်မရှည်နိုင်ကြောင်း၊ လူ့သက်တမ်းတိုမည်ဖြစ်သော်လည်း နာမည်ဂုဏ်သတင်း ကျော်ကြားမှုမှာမူ အဓွန့်ရှည် တည်တံ့နေမည်ဖြစ်ကြောင်း၊ ဘရုစ်လီမှ ဆင်းသက်သူများမှာလည်း ငယ်ငယ်ရွယ်ရွယ်ဖြင့် သေဆုံးရမည့်ကံကြမ္မာရှိနေကြောင်း ဟောကြားခဲ့သည်ဟု ပြောကြသည်။

ဘရုစ်လီသည် ရှေ့ဖြစ်ဟောဆရာ၏ ဟောကြားချက်များအပေါ် စိတ်ထိခိုက်ခဲ့ရသော်လည်း လူသိရှင်ကြား စိတ်ဓာတ်ကျနေခြင်းမျိုး မရှိချေ။

((အနာဂတ်ဟောကြားချက်ကို ဘရုစ်လီ ယုံခဲ့လား))

ဘရုစ်လီသည် ကျိုးကြောင်းဆင်ခြင်မှုဖြင့် တွေးခေါ်တတ်သူဖြစ်ပြီး သိပ္ပံနှင့် ဒဿနိကတို့ကို လေ့လာထားသူ ဖြစ်သည်။

သို့သော်လည်း ဘရုစ်လီမှာ တရုတ်ရိုးရာဓလေ့၊ ဒဏ္ဍာရီနှင့် ယဉ်ကျေးမှုတို့ကြားတွင် ကြီးပြင်းခဲ့ရသူဖြစ်သည်ကို မမေ့အပ်ချေ။

((ဘရုစ်လီ၏ အစွဲအလမ်း))

ဘရုစ်လီသည် The Game of Death ဇာတ်ကားကို ကနဦးတွင် မရိုက်ကူးလိုကြောင်း ငြင်းပယ်ခဲ့သည်ဟု ဆိုသည်။

ဇာတ်ကားနာမည်မှာ နိမိတ်မကောင်းဟု ဘရုစ်လီက ခံစားရသောကြောင့် ဖြစ်သည်။

နောက်ပိုင်းတွင်မူ လက်ခံရိုက်ကူးခဲ့သည်။ သို့သော် ရုပ်ရှင်ရိုက်ချိန်တွင် အဆောင်လက်ဖွဲ့များ ဆောင်ကာ ယတြာချေထားသည်ဟု ဆိုသည်။

အင်တာဗျူးများတွင်မူ ဘရုစ်လီက သဘာဝလွန်ကိစ္စများကို အယုံအကြည်မရှိကြောင်း ပြောတတ်သည်။

((ရှေ့ဖြစ်ဟောဆရာ၏ ဟောကြားချက်များ ကြောက်မက်ဖွယ် မှန်ကန်နေခြင်း))

၁။ ဘရုစ်လီသည် အသက် ၃၂ နှစ်အရွယ်တွင် သေဆုံးသွားသည်။ (၁၉၇၃ ခုနှစ်)

၂။ ဘရန်ဒွန်လီ ရုပ်ရှင်ရိုက်ကွင်းတွင် မတော်တဆ သေဆုံးခဲ့ရာ အသက် ၂၈ နှစ်သာရှိသေးသည်။ (၁၉၉၃ ခုနှစ်)

၃။ အခြားမိသားစုဝင်များ၏ ကံကြမ္မာဆိုးများ (လင်ဒါ ပစ်ခတ်လုပ်ကြံခံရခြင်း၊ ရှန်နွန် ကားတိုက်မှုဖြစ်ခြင်း)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com 

Ref: The Apartment Where Bruce Lee Died