နှစ်ရာထောင်ချီ နေ့တိုင်း မိုးကြိုးပစ်ခံနေရတဲ့ ဗင်နီဇွဲလားက ရေကန်ကြီး

ဗင်နီဇွဲလားနိုင်ငံ အနောက်မြောက်ပိုင်း ကာတာတမ်ဘိုမြစ်ကြီး၏ မိုးကုတ်စက်ဝိုင်းဆီတွင် ထာဝရ မရပ်စဲသော မိုးကြိုးမုန်တိုင်း အမြဲရှိနေသည်။

ကာတာတမ်ဘိုမြစ်ပေါ်တွင် တစ်နှစ်လျှင် အကြိမ်ရေ ၁ ဒသမ ၂ သန်းခန့် မိုးကြိုးပစ်လေ့ရှိပြီး မိုင် ၂၅၀ အကွာကပင် လှမ်းမျှော်တွေ့မြင်ရသည်ဟု ဆိုသည်။

ကာတာတမ်ဘိုမြစ်က မာရာကိုင်းဘို ရေကန်ကြီးထဲသို့ စီးဝင်သောနေရာ၏ ကောင်းကင်ယံ အမြင့် ၅ မိုင်ခန့်တွင် တစ်နှစ်လျှင် ရက်ပေါင်း ၁၆၀ ခန့် မိုးကြိုးတိမ်တောင်တို့ ဖွဲ့စည်းဖြစ်ပေါ်လေ့ရှိပြီး တစ်ကြိမ်လျှင် ၁၀ နာရီခန့် ကြာမြင့်သည်။

(ဗင်နီဇွဲလားနိုင်ငံ၊ ကာတာတမ်ဘို မြစ်ဝှမ်းဒေသတွင် မိုးကြိုးမုန်တိုင်းများ နေ့စဉ်နီးပါး ဖြစ်ပေါ်နေသည်မှာ နှစ်ထောင်ချီ ကြာမြင့်ခဲ့ပြီ ဖြစ်သည်)

(တစ်နှစ်လျှင် အကြိမ်ရေ ၁ ဒသမ ၂ သန်းခန့် မိုးကြိုးပစ်သည်ဟု ဆိုသည်။)

(မာရာကိုင်းဘို ရေကန်ကြီး၏ ကောင်းကင်ယံ အမြင့် ၅ မိုင်ခန့်တွင် တစ်နေရာတည်း၌ တစ်နှစ်လျှင် ရက်ပေါင်း ၁၆၀ ခန့် မိုးကြိုးတိမ်တောင်တို့ ဖွဲ့စည်းဖြစ်ပေါ်လေ့ရှိပြီး တစ်ကြိမ်လျှင် ၁၀ နာရီခန့် ကြာမြင့်သည်။)

(ကာတာတမ်ဘို မြစ်ဝှမ်းဒေသမှ မိုးကြိုးပစ်ပုံများကို မိုင် ၂၅၀ အကွာကပင် လှမ်းမျှော်တွေ့မြင်ရသည်။)

မိုးကြိုးများ တစ်နှစ်လုံးပစ်နေသည့် အခြေခံအကြောင်းရင်းနှင့် ပတ်သက်ပြီး အယူအဆ အမျိုးမျိုးရှိနေသည်။

ရေကန်ကြီးကို ဖြတ်သန်းလာသော လေပူများမှာ အင်ဒီးတောင်တန်းကြီးသို့ အရောက်တွင် တိမ်တိုက်များ ဖွဲ့စည်းခြင်းကြောင့် ဖြစ်သည်ဟု ယူဆချက်များရှိသလို မီသိန်းဓာတ်ငွေ့ ထုတ်လွှတ်သော စိမ့်မြေများကြောင့်ဖြစ်သည်ဟု ယူဆချက်များလည်း ရှိသည်။

သို့သော် ကာတာတမ်ဘို၏ မိုးကြိုးမုန်တိုင်းတို့သည် ဗင်နီဇွဲလားအတွက် ဂုဏ်ယူစရာ သင်္ကေတတစ်ခု သဖွယ်လည်း ဖြစ်နေပြီး Lope de Vega က La Dragontea ကဗျာကြီးတွင် ထည့်သွင်းရေးသားခဲ့သည့်နည်းတူ ပြည်နယ်အလံတွင်ပင် ထည့်သွင်းဖော်ပြထားသည်။

ထို့အပြင် ညအခါတွင် ငါးဖမ်းထွက်သော တံငါသည်တို့အတွက် မိုးကြိုးမုန်တိုင်းများမှာ အလင်းဓာတ်ပေးသည့် သဘာဝ မီးပြတိုက်သဖွယ်လည်း ဖြစ်နေသည်။

၂၀၁၀ ပြည့်နှစ်အတွင်းကမူ မိုးကြိုးမုန်တိုင်း တိုက်ခတ်မှု ခေတ္တရပ်ဆိုင်းသွားခဲ့ဖူးသည်။ အလွန်အမင်းမိုးခေါင်မှုကြောင့် မိုးကြိုးမုန်တိုင်းများ ရပ်ဆိုင်းသွားခြင်းဖြစ်ကြောင်း ဒေသခံတို့က ယူဆသည်။

သို့သော် ရက်သတ္တ ၅ ပတ်အကြာတွင် မိုးကြိုးမုန်တိုင်းများ ပြန်လည်စတင်လာခဲ့သည်။

(မိုးကြိုးများ တစ်နှစ်လုံးပစ်နေသည့် အခြေခံအကြောင်းရင်းနှင့် ပတ်သက်ပြီး အယူအဆ အမျိုးမျိုးရှိနေသည်။ ရေကန်ကြီးကို ဖြတ်သန်းလာသော လေပူများမှာ အင်ဒီးတောင်တန်းကြီးသို့ အရောက်တွင် တိမ်တိုက်များ ဖွဲ့စည်းခြင်းကြောင့် ဖြစ်သည်ဟု အချို့က ယူဆကြသည်။)

(ဗင်နီဇွဲလားတွင် မရပ်မစဲ မိုးကြိုးမုန်တိုင်းဖြစ်ပေါ်နေခြင်းကို စပိန်ကိုလိုနီတစ်ခုကို တိုက်ခိုက်ရန် စီစဉ်ခဲ့သူ ဆာ ဖရန့်စစ် ဒရိတ်ခ်က ၁၅၉၅ ခုနှစ်တွင် အစောဆုံးတွေ့ရှိခဲ့သည်)

(ကာတာတမ်ဘို မြစ်ဝှမ်း၏ မိုးကုတ်စက်ဝိုင်းဆီမှ လျှပ်စီးတန်းများ)

(မိုးကြိုးလျှပ်စီးတို့သည် ညအခါတွင် ငါးဖမ်းထွက်သော တံငါသည်တို့အတွက် အလင်းဓာတ်ပေးသည့် သဘာဝ မီးပြတိုက်သဖွယ်လည်း ဖြစ်နေသည်။)

(ကာတာတမ်ဘို၏ မိုးကြိုးမုန်တိုင်းတို့သည် ဗင်နီဇွဲလားအတွက် ဂုဏ်ယူစရာ သင်္ကေတတစ်ခု သဖွယ်လည်း ဖြစ်နေပြီး Lope de Vega က La Dragontea ကဗျာကြီးတွင် ထည့်သွင်းရေးသားခဲ့သည်။)

(ကာတာတမ်ဘို၏ မိုးကြိုးမုန်တိုင်း မြင်ကွင်းတစ်ခု)

(မာရာကိုင်းဘို ရေကန်ကြီးကို မိုးကြိုးပစ်နေစဉ် တွေ့မြင်ရသည့် မြင်ကွင်း)

(လျှပ်စီး၏ အရောင်မှာ လေထုထဲရှိ ဖြတ်သန်းရသော အက်တမ်အမျိုးအစားပေါ်မူတည်ပြီး အမျိုးမျိုး အရောင်ကွဲပြားသည်)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com 

Ref: The everlasting storm: Stunning images of unique phenomenon in Venezuela where lightning has raged almost EVERY OTHER NIGHT for thousands of years